2015 jylǵy 24 shilde, Astana qalasy
Uzaq merzimdi orman paıdalaný kezinde orman paıdalanýshylar ázirleıtin órtke qarsy is-sharalar josparlaryna qoıylatyn talaptardy bekitý týraly
«Qazaqstan Respýblıkasy Aýyl sharýashylyǵy mınıstrliginiń keıbir máseleleri týraly» Qazaqstan Respýblıkasy Úkimetiniń 2005 jylǵy 6 sáýirdegi 310 Qaýlysy 17 tarmaǵy 375) tarmaqshasyna sáıkes, BUIYRAMYN:
1. Qosa berilip otyrǵan Uzaq merzimdi orman paıdalaný kezinde orman paıdalanýshylar ázirleıtin órtke qarsy is-sharalar josparlaryna qoıylatyn talaptar bekitilsin.
2. Orman jáne erekshe qorǵalatyn tabıǵı aýmaqtar basqarmasy belgilengen tártippen osy buıryqty Qazaqstan Respýblıkasynyń Ádilet mınıstrligine memlekettik tirkeýden ótkizýge jibersin.
1) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
2) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Orman sharýashylyǵy jáne janýarlar dúnıesi komıteti
tóraǵasynyń mindetin atqarýshy Q.Ústemirov
«KELISILGEN»
Qazaqstan Respýblıkasy Ishki ister mınıstrligi
Tótenshe jaǵdaı komıteti tóraǵasynyń mindetin atqarýshy
_____________ S. Áýbákirov
2015 jylǵy « __» _________
Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıteti tóraǵasynyń mindetin atqarýshy 2015 jylǵy 24 shildedegi № 189 buıryǵymen bekitilgen
Uzaq merzimdi orman paıdalaný kezinde orman paıdalanýshylar ázirleıtin
órtke qarsy is-sharalar josparlaryna qoıylatyn talaptar
1. Orman qory ýchaskeleri uzaq merzimdi orman paıdalanýǵa berilgen orman paıdalanýshylar jyl saıyn órtke qarsy is-sharalar josparlaryn (budan ári - Jospar) ázirleıdi jáne ony iske asyrady.
Jospar:
1) órtke qarsy aldyn alý is-sharalaryn;
2) orman órtterin sóndirý is-sharalaryn qamtıdy.
2. О́rtke qarsy aldyn alý is-sharalarynda shekarasynda orman paıdalanýǵa berilgen orman qory ýchaskesi (ýchaskeleri) ornalasqan memlekettik orman ıelenýshiniń orman ornalastyrý materıaldaryna jáne ormandardy órtke qarsy jaılastyrý josparlaryna negizdelgen jumystardyń naqty kólemderi men olardy ótkizý oryndary kózdeledi. Josparlanatyn is-sharalar is-árekettiń dáıektiligin, budan buryn oryndalǵan jumystardyń jalǵastyrylýyn kózdeıdi jáne orman ıelenýshiler men orman paıdalanýshylardyń orman qorynyń kórshiles ýchaskelerde atqaryp jatqan jumystarymen baılanystyrylady.
О́rtke qarsy aldyn alý is-sharalaryna sondaı-aq burynnan bar órtke qarsy jyralar men jolaqtarǵa kútim jasaý, órt qadaǵalaý munaralary men órtke qarsy qural-jabdyqtar men tehnıkany, joldardy jóndeý, ýaqytsha órt kúzetshilerin jaldaý jónindegi jumystar engiziledi.
О́rtke qarsy aldyn alý is-sharalary boıynsha barlyq jumystar úshin kúntizbelik oryndaý merzimderi jáne oryndaýǵa jaýapty tulǵalar, sondaı-aq osy jumystardyń kólemi kórsetiledi.
3. Orman órtterin sóndirý is-sharalary órtterdi óz kúshterimen de, bul órtterdi qandaı da bir sebeptermen óz kúshterimen jáne quraldarymen quryqtaý múmkin emes jaǵdaılarda órtterdi sóndirýdi uıymdastyrý jónindegi jumystardy kózdeıdi. Sońǵy jaǵdaıda memlekettik orman ıelenýshimen kelise otyryp orman órtin sóndirýge jiberiletin kúshter men tehnıkalyq quraldar, sondaı-aq orman qorynyń tıisti ýchaskesinde ornalasqan aýdandaǵy eldi mekenderde ornalasqan ózge de uıymdardyń kúshteri men tehnıkalyq quraldary aıqyndalady. Orman órtterin sóndirý is-sharalary orman órtterin sóndirý úshin erikti qoǵamdyq quramalar (komandalar) qurý, orman órtterin sóndirýmen aınalysyp jatqan adamdardy tamaqtandyrý men medısınalyq kómekti, baılanysty uıymdastyrý, sondaı-aq orman paıdalanýshynyń esebinen órt qaýipi bar maýsymǵa janar-jaǵar maı materıaldarynyń qoryn jasaý kózdeledi.
4. Orman qory ýchaskeleri uzaq merzimdi orman paıdalanýǵa berilgen orman paıdalanýshylardyń jospary aǵymdaǵy jyldyń 15 aqpanynan keshiktirilmeı kelisimdeý úshin memlekettik orman ıelenýshilerge beriledi. Orman kodeksiniń 38-baby 6) tarmaqshasyna sáıkes orman paıdalanýshynyń jospary memlekettik orman ıelenýshimen kelisiledi jáne ony orman paıdalanýshynyń ózi bekitedi.
Buıryq Qazaqstan Respýblıkasynyń Ádilet mınıstrliginde 2015 jylǵy 28 tamyzda Normatıvtik quqyqtyq kesimderdi memlekettik tirkeýdiń tizilimine №11981 bolyp engizildi.