2016 jylǵy 14 qańtar, Astana qalasy
Orta bilim berý uıymdary úshin mindetti mektep formasyna qoıylatyn
talaptardy bekitý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 14-1) tarmaqshasyna sáıkes buıyramyn:
1. Qosa berilip otyrǵan Orta bilim berý uıymdary úshin mindetti mektep formasyna qoıylatyn talaptar bekitilsin.
2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy;
4) Qazaqstan Respýblıkasy Ádilet mınıstrliginde memlekettik tirkeýden ótkennen keıin on kún ishinde osy tarmaqtyń 1), 2) jáne 3) tarmaqshalarynda qarastyrylǵan is-sharalardyń oryndalýy týraly málimetterdi Qazaqstan Respýblıkasy Bilim jáne ǵylym mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri E.N.Imanǵalıevke júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasy Bilim jáne ǵylym mınıstri A.SÁRINJIPOV
Qazaqstan Respýblıkasy Bilim men ǵylym mınıstriniń 2016 jylǵy 14 qańtardaǵy №26 buıryǵymen bekitilgen
Orta bilim berý uıymdarynda mindetti mektep formasyna qoıylatyn talaptar
1. Jalpy erejeler
1. Osy orta bilim berý uıymdarynda mindetti mektep formasyna qoıylatyn talaptar (budan ári – Talaptar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 14-1) tarmaqshasyna sáıkes bilim alýshylardy sapaly mektep formasymen qamtamasyz etý maqsatynda ázirlendi.
Joǵaryda atalǵan Talaptar bilim berýdiń zaıyrly sıpatyn iske asyrýǵa jáne orta bilim berý uıymdary bilim alýshylarynyń arasynda áleýmettik, múliktik jáne basqa da ózgeshelikterdiń belgilerin joıýǵa baǵyttalǵan.
2. Osy Talaptarda mynadaı negizgi uǵym qoldanylady:
orta bilim berý uıymy – bastaýysh, negizgi orta, jalpy orta bilimniń jalpy bilim beretin oqý baǵdarlamalaryn, mamandandyrylǵan jalpy bilim beretin jáne arnaıy oqý baǵdarlamalaryn iske asyratyn oqý orny.
3. Talaptardyń maqsaty – mindetti mektep formasyn qoldanýda orta bilim berý uıymdarynyń biryńǵaı kelisimin qamtamasyz etý, ata-analardyń mektep formasyna jaǵymdy qatynasyn qalyptastyrý, oqytýdyń zaıyrly sıpatyn saqtaýda oqý orny basshylarynyń jáne qoǵamdyq keńesterdiń (mektep keńesi, qamqorshylyq keńes, ata-analar komıteti) jaýapkershiligin arttyrý.
4. Mindetti mektep formasyna qoıylatyn talaptar orta bilim berý uıymdarynyń foıesinde, al tanystyrý maqsatynda orta bilim berý uıymdarynyń Internet-resýrstarynda jarııalanady.
2. Orta bilim berý uıymdaryndaǵy mindetti mektep formasyna qoıylatyn talaptar
5. Orta bilim berý uıymdarynyń mindetti mektep formasy (budan ári – mektep formasy) oqytýdyń zaıyrly sıpatyna sáıkes keledi. Mektep formasynyń úlgisi, túsi klassıkalyq stılde, biryńǵaı tús gammasynda jasalady, úsheýden asyrmaı tústerdi aralastyrýǵa ruqsat etiledi. Mektep formasynyń túsi qalypty jáne ashyq emes tústerden tańdalady.
6. Mektep formasy bilim alýshylardyń jas erekshelikterine qaraı engiziledi.
7. Mektep formasy kúndelikti, merekelik jáne sporttyq bolyp bólinedi.
8. Uldardyń mektep formasy:
pıdjak, jılet, shalbar, merekelik jeıde, kúndelikti jeıde (qysqy mezgilde: trıkotaj jılet, vodolazka). Uldarǵa arnalǵan shalbarlar erkin tigilgen jáne uzyndyǵy boıynsha tobyqty jaýyp turady.
9. Qyzdardyń mektep formasy:
pıdjak, jılet, ıýbka, shalbar, klassıkalyq jeıde (qysqy ýaqytta: trıkotaj jılet, sarafan, vodolazka). Qyzdarǵa arnalǵan shalbarlar erkin tigilgen jáne uzyndyǵy boıynsha tobyqty jaýyp turady.
10. Uldardyń merekelik formasy kúndelikti formaǵa qosymsha aq jeıdeden, qyzdar úshin aq tústi blýzkadan quralady.
11. Uldar men qyzdarǵa arnalǵan sporttyq forma sporttyq kostıýmnen (sporttyq shalbar, kýrtka, fýtbolka), sporttyq aıaq kıimnen (krassovka, kedy) turady.
12. Mektep formasyna klassıkalyq pishindegi mektep formasynyń negizgi túsine sáıkes nemese kereǵar keletin galstýk tigiledi.
13. Mektep formasyna túrli konfessııalarǵa qatysty kıim elementterin qosýǵa bolmaıdy. Orta bilim berý uıymynda kez kelgen dinı konfessııaǵa qatynasyn bildiretin dinı kıimderdi (hıdjab, nıkab, býrka, paranja, sıkh tıýrbandary jáne ıýdeı kıpa-bas kıimderi jáne t.b ) jáne kez kelgen dinı atrıbýtıkalardy (belgilerdi) kııýge tyıym salynǵan.
14. Mektep formasyna orta bilim berý uıymynyń erekshelik belgilerin (belgiler, tigispeler jáne t.b.) salýǵa bolady. Olar kıimniń nemese aksessýardyń (pıdjak, jılet, galstýk) joǵarǵy bóliginde ornalasady.
15. Mektep formasyna qoıylatyn talaptar klımattyq jaǵdaı, oqý sabaqtarynyń ótkizilý orny jáne oqý ǵımaratyndaǵy temperatýralyq rejım eskerilip, iske asyrylady.
16. Mektep formasyna qoıylatyn talaptar boıynsha jaraqattaıtyn fýrnıtýrasy bar kıim men aksessýarlar kııýge tyıym salynady.
17. Mektep formasyn engizý barysynda mata quramyna nazar aýdarylady.
18. Mektep formasynyń matasy retinde qasıetteri jaqsartylǵan jartylaı jún jáne maqta, kıiske tózimdi, antıbakterıaldyq, antımıkrobtyq jáne antıstatıkalyq qasıetteri bar matalar qoldanylady.
19. Mektep formasynyń túsin, fasonyn tańdaýdy jáne ıýbkanyń uzyndyǵyn orta bilim berý uıymy men qoǵamdyq keńes aıyqyndaıdy, jalpymekteptik ata-analar jınalysynyń hattamasymen bekitiledi.
20. Mektep formasyna ózgerister engizý týraly sheshim qoǵamdyq keńespen kelisý arqyly qabyldanady.
21. Ata-analar jáne ózge zańdy ókilder bilim alýshylardyń orta bilim berý uıymynda belgilengen mektep formasyn kııýine jaýap beredi.
3. Orta bilim berý uıymdarynda mindetti mektep formasyna qoıylatyn talaptardy oryndaý
22. Orta bilim berý uıymynyń basshysy (budan ári – Basshy) jáne qoǵamdyq keńes (mektep keńesi, qamqorshylyq keńes, ata-analar komıteti) mindetti mektep formasyn engizý kezinde osy Talaptardy basshylyqqa alady.
23. Ata-analar men ózge de zańdy ókilder mektep formasy týraly máselelerdi talqylaýǵa qatysady jáne ony jetildirý boıynsha usynys engizedi, ony kez kelgen saýda jelisinen satyp alady.
24. Oblystardyń, Astana jáne Almaty qalalarynyń bilim basqarmalary, aýdandyq (qalalyq) bilim bólimderi ata-analarǵa mektep formasyn otandyq mektep formasyn shyǵaratyn óndirýshilerden satyp alýdy usynady, biraq olardy naqty óndirýshilerden satyp alýdy mindettemeıdi nemese oqý ornynda forma satýdy uıymdastyrmaıdy.
25. Basshy aǵymdaǵy jylǵy 25 mamyrǵa deıin mektep formasynyń bekitilýin qamtamasyz etedi.
26. Basshy bilim alýshylardyń mektep formasyn saqtaýy máselesin qoǵamdyq keńestiń talqylaýyna shyǵarady.
27. Basshy osy Talaptarmen ata-analardy nemese zańdy ókilderdi bilim alýshyny bilim berý uıymyna qabyldaý týraly ótinish (erkin nysanda) berý kezinde qol qoıǵyzý arqyly jáne jalpy mekteptik ata-analar jınalysynda tanystyrady.
Buıryq Qazaqstan Respýblıkasynyń Ádilet mınıstrliginde 2016 jylǵy 16 aqpanda Normatıvtik quqyqtyq kesimderdi memlekettik tirkeýdiń tizilimine №13085 bolyp engizildi.