Ataqty reseılik fýtbolshy qazaq tilin úırenip júr
Qazir Almatynyń «Qaıraty» sapynda oınap júrgen Reseı quramasynyń burynǵy shabýylshysy Andreı Arshavın bul komandadan ketkennen keıin fýtbolshylyq mansabyna núkte qoıatyn oıy baryn jetkizdi. Ol bıylǵy qysta ekijaqty kelisimmen Krasnodardyń «Kýbanimen» aradaǵy kelisimshartyn úzgen bolatyn. Naýryz aıynda ol «1+1» shemasy boıynsha «Qaırattyń» oıynshysy atandy.
Almatylyq klýbtan keıin fýtbolshylyq mansabyn toqtatý yqtımaldylyǵy týraly qoıylǵan suraqqa fýtbolshy: «Negizi, solaı bolatyn shyǵar», dep jaýap bergen. 35 jastaǵy sportshy sondaı-aq qazaq tilin úırengisi keletin-kelmeıtini týraly suraqqa da jaýap qaıtarypty. «Men úırenip te jatyrmyn. Shyn máninde biraz sózderdi bilemin. Mysaly, qar degenimiz – sneg, al ortalyq – sentr. Qazaq tili – men úshin qıyn til, biraq ýaqyt óte kele tym bolmasa ol tilde jurttyń ne aıtyp jatqanyn uǵatyn halge jete alatyn shyǵarmyn dep oılaımyn», – dedi Arshavın.
Budan buryn Andreı Arshavın Sankt-Peterbýrgtiń «Zenıti» (1999-2008, 2012, 2013-2015) men Londonnyń «Arsenalynda» (2009-2013) óner kórsetken. Ol «Zenıttiń» quramynda Reseıdiń úsh dúrkin chempıony atandy, eki ret týrnırdiń kúmis medaliniń ıegeri boldy, bir-bir retten ÝEFA Kýbogy men Sýperkýbogyn, Reseı Sýperkýbogy men premer-lıga Kýbogyn jeńip aldy. 2002-2012 jyldary Reseı quramasy sapynda havbek retinde 75 match oınap, 17 gol saldy. Komandanyń kapıtany dárejesinde 2008 jyly Eýropa chempıonatynda qola medalǵa qol jetkizdi.
Damır QOJAMQUL