Orazanyń medısına jaǵynan alyp qaraǵanda densaýlyqqa tıgizer paıdasy zor eken. Tómende biz adam aǵzasynda bolyp jatatyn ózgerister jaıly biraz aqparatpen bólisýdi jón kórdik.
1-tazalaný kezeńi (1-2 kún)
[caption id="attachment_47658" align="aligncenter" width="560"] www.visionural.com[/caption]
ihsan.kz saıtynyń málimeti boıynsha, orazanyń alǵashqy eki kúninde basyń qatty aýrýy múmkin. Buǵan bola ýaıymdap, dári ishýge asyqpaǵan jón! Sebebi, bul ýaqytta qanymyzdaǵy qant tómendeıdi. Júrek soǵysy báseńdep, qan qysymy tómendeıdi. Bulshyq etten glıkogen shyǵyp, álsizdik paıda bolady. Tazalanýdyń alǵashqy kúnderi eń qıyn bolyp keledi.
2-tazalaný kezeńi (3-7- kúnge deıin)
[caption id="attachment_47663" align="aligncenter" width="560"] www.tenox.ru[/caption]
Maı qyshqyly quramyndaǵy maılar ydyrap, glıserıdter molekýlasyndaǵy glıserındi bosatyp, glıýkoza aınalady. Bet maılanyp ketedi. Munyń sebebi aǵza ashyǵan maıdan arylyp jatady. Aǵza orazaǵa úırene bastaıdy, as qorytý júıesi demalyp, barlyq kúsh tazalanýǵa jáne emdelýge jumsalady. Qannyń aq túıirshikteri men ımmýnıtet júıesiniń belsendiligi artady. О́kpe tusyńyz aýyrsynýy múmkin. Tazalaný organdary, ókpe joldary retke kelip, jańalaný prosessi ústinde bolady. Tynysyńyzdyń áli de jaǵymsyz ıisi bar, tilińiz de aǵaryp turady. Toq ishekte de ózgerister bolyp, ishek qabyrǵalaryna jabysqan nájis ajyratyla bastaıdy.
3-tazalaný kezeńi (8-15 kúnge deıin)
[caption id="attachment_47660" align="aligncenter" width="560"] www.lifehacker.ru[/caption]
О́zińdi sergek sezinip, qýatyń tasyp júresiń. Alaıda, eski jaralaryń biraz aýyrsynýy múmkin. Bul aǵzanyń oraza kezinde ózin-ózi emdeýge kóshkenin kórsetedi. Aǵzanyń boıyndaǵy óli ne jaraqattanǵan jerine lımfosıtter sekrettelgen (shyryshty) zattardy jetkizip, aqaýly jasýshalardy joıýǵa kirisedi.
4-tazalaný kezeńi (16- 30 kúnge deıin)
[caption id="attachment_47668" align="aligncenter" width="560"] wallpapers.99px.ru[/caption]
Bul ýaqytta aǵzańyz ashyǵýǵa ábden úırengen. Qýatyńyz tasyp, oı-sanańyz tynyq. Tazalaný kezeńderi qysqaryp, tilińiz de qyzǵylttanyp, tynysyńyz taza bolatyn kúnder kezdesedi. Organdaryńyz ózin-ózi emdeýdi aıaqtaıdy. Aǵza ózin ár túrli aýrý qozdyrǵyshtarynan tazalaǵannan soń, organdar eki ese tez jumys jasap, aqaýy bar joıylǵan jasýshalar ornyn tolyqtyrady. 20 kúnnen soń sanańyz tynyq, júıkeńiz tynysh, qýatyńyz kóp, boıyńyzda erekshe bir erkindik seziledi. Este saqtaý qabiletińiz burynǵysynan da artady.
Aıan Ábdýálı.