Halyqaralyq olımpııalyq komıtet (HOK) búgin Lozannada ótken sammıtte Halyqaralyq jeńil atletıka komıtetiniń (IAAF) Reseı quramasyn Rıo-de-Janeıroda ótetin Olımpııalyq oıyndardan shettetý týraly sheshimine qoldaý kórsetti.
HOK-tiń sheshimi usynystyq sıpatta aıtylady. Osy eki aralyqta Búkilreseılik jeńil atletıka federasııasy IAAF sheshimin qaıtartyp alý úshin Lozannadaǵy Sport arbıtrajdyq sotyna (CAS) talap-aryz bermekshi bolyp otyr. Mundaı appelıasııany kez kelgen sportshy bere alady.
HOK basshysy Tomas Bah Reseı olımpııalyq quramasynyń Oıyndarǵa qatysýdan shettetilmeıtinin jetkizdi. Buǵan qosa, ol Reseı jeńil atletteriniń Rıoda óner kórsetip qalýyn joqqa shyǵarǵan joq.
«Reseıdiń árbir atleti Olımpııalyq Oıyndarǵa qatysýǵa ruqsatty tek halyqaralyq sport federasııalarynan ala alady. Oıyndarǵa jiberilgen reseılik sportshylar oǵan Reseı komandasynyń, Reseı Olımpııalyq komıtetiniń múshesi retinde qatysady», dedi ol.
Osy aralyqta Reseı memlekettik dýmasynda eldiń sport mınıstri Vıtalıı Mýtkony qyzmetinen bosatý týraly másele kóterilip jatyr. Oǵan Olımpııalyq quramany dopıng daýynan saqtap qala almaý men Reseı quramasynyń Eýropa chempıonatynda nashar óner kórsetýi sekildi aıyptar taǵylyp jatyr.
Talǵat Raıymbek.
Derek, foto: Lenta.ru.