[caption id="attachment_47718" align="aligncenter" width="560"] vk.com[/caption]
Fýtboldan Eýropa chempıonatynyń C tobynda óner kórsetken Ýkraına men Polsha quramalary Marsel qalasynda kezdesti.
Ýkraına – Polsha 0:1
Stadıon: «Velodrom»
Tóreshiler: Moen Sven, Haglýnn Kım-Tomas, Andas Frank (bári – Norvegııa), Gechek Hıýseıın (Túrkııa)
Ýkraına: Pıatov, Fedeskıı, Hacherıdı, Kýcher, Býtko, Rotan, Stepanenko, Iаrmolenko, Zınchenko (Kovalenko 73), Konoplıanka, Zozýlıa (Tımoshýk)
Polsha: Fabıanskıı, Chonek, Glık, Pazdan, Endjeıchık, Kryhovıak, Iodloves, Kapýstka (Grosıskı), Zelınskıı (Blashıkovskıı 46), Mılık (Stajınskıı 90), Levandovskıı
Gol: Blashıkovskıı 54
Eskertý alǵandar: Rotan 25, Kýcher 38 – Kapýstka 60
Oıyn barysynda qos komandanyń gol soǵatyn birneshe múmkindigi bolǵan edi. Aıaǵyna tıgen dopty golǵa aınaldyrmaı qoımaıtyn Robert Levandovskııdiń kem degende bir doptyń ıesi atanýy múmkin edi. Biraq bári sátsiz aıaqtalyp jatty. Al ýkraındar óz kezeginde qaýipti shabýyldaryn jıi uıymdastyrdy. Sondaı sátterdiń birinde Andreı Iаrmolenko qaqpashymen jeke shyǵyp, toǵyzdyqqa aınaldyra kep gol soqpaq edi. Biraq oılaǵan oıy júzege aspady. Soqqysy qaqpadan áldeqaıda qısyq ketti.
Matchtyń 54-mınýtynda polıaktar Iаkýb Blashıkovskııdiń arqasynda bul oıyndaǵy alǵashqy ári sońǵy golyn soqty. Al Ýkraına quramasy dúbirli dodaǵy kezekti oıynyn jeńilispen aıaqtady. Úsh oıynnyń úsheýin de utylǵan olar tipti, qarsylastaryna bir de bir gol soǵa almady.
Aıan Ábdýálı.