[caption id="attachment_47723" align="aligncenter" width="560"] vk.com[/caption]
Fýtboldan Eýropa chempıonatynyń S tobynda óner kórsetetin Soltústik Irlandııa men Germanııa qurama komandalary Parıj qalasynda kezdesti.
Soltústik Irlandııa – Germanııa 0:1
Stadıon: «Park de Prens»
Tóreshiler: Tıýrpen Kleman, Kano Frederık, Dano Nıkolıa (bári – Fransııa), Vınchıch Slavko (Slovenııa)
Soltústik Irlandııa: Makgovern, Hıýz, Makolı, Ketkart, Evans, Norvýd, Evans (Makgınn 84), Devıs, Ýord (Magennıs 70), Vashıngton (Laffertı 59), Dallas
Germanııa: Noıer, Kımmıh, Boateng (Hevedes 76), Hýmmels, Hektor, Hedıra (Shvaınshtaıger 69), Kroos, Mıýller, Ozıl, Gıotse (Shıýrrle 55), Gomes
Gol: Gomes 29
Bul kezdesýde Germanııa quramasy aıqyn basymdyqqa ıe boldy. Árbir uıymdastyrǵan shabýyldary golǵa para-par. Bir ǵana Tomas Mıýllerdiń jasaǵan eki soqqysynyń biri qaqpanyń mańdaıshasyna, taǵy biri baǵanasyna tıip ketti. Marıo Getse qaqpashy Makgovernmen úsh márte jeke shyǵyp, óz aılasyn asyra almady. Degenmen, matchtyń 29-mınýtynda Mıýllerdiń pasynan keıin Gomes óz múmkindigin múlt jibermeı, komandasyn alǵa shyǵardy.
Al Soltústik Irlandııa komandasynyń oıynshylary aıtarlyqtaı shabýyldar jasaı almady. «Nemis mashınasynyń» saýatty qorǵanysy men Noıer sııaqty qaqpashysy qarsylastaryna esh múmkindik bere qoımady. Osylaısha, Germanııa quramasy úshinshi oıynda qatarynan jeńiske jetti ári onyń úsheýinde óz qaqpasyna gol soqtyrmady.
Aıan Ábdýálı.