Ákimshiliktiń basshylyq quramymen kezdesti

Memleket basshysy Nursultan Nazarbaev Prezıdent Ákimshiliginiń basshylyq quramymen kezdesti, dep habarlady Prezıdenttiń baspasóz qyzmeti. Kezdesý barysynda Qazaqstan Prezıdenti Prezıdent Ákim­shi­li­giniń Basshysy qyzmetinde atqar­ǵan jumysy úshin N.Nyǵma­tý­­lınge alǵys aıtty jáne aldaǵy pa­r­­la­menttik qyzmetine tabys tiledi. – Sońǵy eki jylda elde joǵary deńgeıde uıymdastyrylǵan pre­zıdenttik jáne parlamenttik saı­­laýlar oń baǵaǵa ıe bolyp, hal­qy­myzdyń aýyzbirshiligin kórsete bildi. N.Nyǵmatýlın uzaq jyldar boıy menimen birge jumys istep keledi. Ol isti biletindigi jáne kásibı biligi arqyly barlyq salada qoıylǵan mindetterdi sheshe aldy, – dedi Elbasy. Nursultan Nazarbaev kezdesý­ge qatysýshylarǵa Prezıdent Ákimshiliginiń jańa Basshysy Á.Jaqsybekovti tanystyrdy. – Ol buǵan deıin de osy qyz­mette bolyp, ártúrli laýazymdar­dy atqardy. Bul baǵytta oryndalyp jatqan mindetterge baıyp­ty­­lyq­pen qaraıtyn tájirıbeli adam qajet, – dedi Qazaqstan Pre­zıdenti. Sonymen qatar, Memleket basshysy tapsyrmalardyń oryndalýyna tıimdi baqylaý júrgizýdiń mańyzdylyǵyn aıta kele, Pre­zı­dent Ákimshiligi jumysynyń ba­symdyǵy bar baǵyttaryn atap ótti.