Partııa fraksııasynyń jınalysyna qatysty

Elbasy Nursultan Nazarbaev Qazaqstan Respýblıkasy Parlamenti Májilisiniń «Nur Otan» partııasy fraksııasynyń jınalysyna qatysty, dep habarlady Prezıdenttiń baspasóz qyzmeti. Jıyn barysynda Memleket basshysy Parlament Májilisiniń Tóraǵasy laýazymyna N.Nyǵmatýlınniń kandıdatýrasyn qarastyrý týraly usynys berdi. – Barshańyz Nurlan Zaırolla­ulyn jaqsy bilesizder. Ol Qaraǵandy ob­lysynyń ákimi, «Nur Otan» partııa­sy Tóraǵasynyń birinshi orynbasary bolyp jumys istedi. Sońǵy jyldary Májilistiń V shaqyrylymyn basqaryp, kópshiligińizben birge eńbek etti. Onyń Prezıdent Ákimshiligindegi eki jarym jyl istegen qyzmeti prezıdenttik saılaý, Májilis jáne barlyq deńgeıdegi máslıhattar saılaýy sııaqty qaýyrt saıası kezeńderge sáıkes keldi. Elimiz úshin aýqymdy saıası jumystar jú­r­gizildi. Saılaýlar joǵary deńgeıde uıymdastyrylyp, jaqsy baǵaǵa ıe boldy. Halqymyz yntymaǵyn kórsetip, bizdi qoldady. Sondyqtan jumysty odan ári jalǵastyrýymyz qajet, – dedi Qazaqstan Prezıdenti. Nursultan Nazarbaev Parlamenttiń atqarýshy bılikpen aradaǵy ózara is-qımyldy belsendirek júrgizýi qajettigine nazar aýdardy. – Biz Úkimetke jumysty baıyppen júrgizýge múmkindik berdik, belgili bir jetistikterge qol jetkizildi. Biraq bul jetekshi saıası partııamyz «Nur Otan» men onyń fraksııasy Úkimettiń al­dy­na qoıylatyn mindetterdiń oryn­dalýy­na qatań qaramaýy tıis degendi bildir­meı­di. Oryndalýy qajet strategııalyq baǵdarlamalar bar. Bizdiń óz elimizde de, shetelderde de oryndalýyn jurt baqylap otyrǵan negizgi mindetimiz – Bes ınstıtýttyq reformanyń iske asyrylýy jónindegi «100 naqty qadam» Ult Jos­paryn júzege asyrý», – dedi Memleket basshysy. Sondaı-aq, Qazaqstan Prezıdenti Májilis Tóraǵasy qyzmetinde atqarǵan jumysy úshin B.Izmuhambetovke alǵys aıtty. – Búgin «Ardagerler uıymy» respýb­lıkalyq qoǵamdyq birlestigi Ortalyq keńesi tóralqasynyń kezekten tys otyrysy ótip, onyń barysynda Baqtyqoja Izmuhambetov keńes tóraǵasy bolyp saı­landy. Elimiz úshin bul – óte ma­ńyz­dy másele. Kóptegen kórnekti qaırat­kerlerdiń basyn qosyp otyrǵan uıym ardagerlerdiń máselesimen de, jastardyń adamgershilik tárbıesimen de aınalysady, – dedi Nursultan Nazarbaev.