Biraýyzdan maquldady

Memleket basshysy Nursultan Nazarbaev Astana qalasynyń aktıvimen kezdesti, dep habarlady Prezıdenttiń baspasóz qyzmeti. Kezdesý aldynda qalalyq más­lı­hattyń sessııasy bolyp ótti. Onda depýtattar As­tana qalasynyń jańa ákimi Á.Ise­ke­shevtiń kandıdatýrasyn biraý­yz­dan maquldady. – Bul qalany kimniń bas­qa­ra­tynyna men nemquraıly qa­raı almaımyn. Ol tájirıbeli, bi­limdi, Qazaqstanǵa tanymal, elor­danyń múddesin qorǵaı otyryp, Úkimetpen jumys isteı alatyn adam bolýǵa tıis. Men Áset Ise­keshevti sondaı adam dep esep­teımin. Búgin máslıhattyń keli­simimen taǵaıyndalǵan jańa ákim­di quttyqtaımyn, – dedi Elbasy. Qazaqstan Prezıdenti, son­daı-aq, Á.Jaqsybekovti jańa laýa­zymǵa taǵaıyndalýymen qut­tyqtady. – Búgin Ádilbek Jaqsybekov Pre­zıdent Ákimshiliginiń Bas­shysy bolyp taǵaıyndaldy. Ol 1997 jyly elordanyń alǵash aýys­qan kúninen bastap qala ákimi bo­lyp taǵaıyndalyp, eń qıyn kezeń­derde jumys istedi. Barlyq tapsyr­malardy oryndady. Odan keıin birqatar ózge de laýazymdardy atqaryp, osy qyzmetke qaıta oraldy. Men oǵan jumysy úshin alǵys aıtamyn jáne jańa laýazymymen quttyqtaımyn, – dedi Nursultan Nazarbaev.