Atqarýshy dırektormen áńgime

Parlament Senatynyń Tóra­­ǵasy Qasym-Jomart Toqaev BUU Bas hatshysynyń oryn­basary, IýNEIDS-tiń (BUU AITV/JITS jónindegi birik­ken baǵdarlama) atqarý­shy dırektory Mıshel Sıdı­bemen kezdesti, dep habarlady Senattyń baspasóz qyzmeti. Senat basshysy Qazaqstan SPID, ókpe aýrýlary jáne bezgekpen kúres jónindegi BUU VICh/SPID jónin­degi birikken baǵdarlamasynyń qyz­metin joǵary baǵalaıtynyn atap ótti. Q.Toqaev VICh/SPID-pen kúres Qazaq­stan Úkimetiniń negizg­i stra­te­gııa­lyq qujattaryna, den­saý­lyq saq­taý salasyn damytý jónin­degi «Salamatty Qazaqstan» memle­ket­tik baǵdarlamasyna engenin aıtty. Sondaı-aq, Ortalyq Azııa elderi úshin Almatyda VICh-tiń taralýymen kú­res jónindegi aımaqtyq keńsesi ashy­lýy­nyń mańyzdylyǵy da aıtyldy. M.Sıdıbe Qazaqstan Úkimetiniń VICh/SPID-pen kúres jónindegi sharalaryn joǵary baǵalady jáne BUU VICh/SPID jumysy keńinen qoldaý tapqany úshin elimizdiń basshylyǵyna alǵys aıtty. Dúnıejúzilik densaýlyq saq­taý uıymy sarapshylarynyń baǵa­laýy boıynsha Qazaqstan halqynyń arasynda VICh indetiniń taralý deń­geıi 0,1 paıyzdy quraıdy, Ortalyq Azııa aımaǵyndaǵy basqa elderge qaraǵanda jáne ortasha álemdik kórsetkishterge qaraǵanda 1,1 paıyz­ǵa tómen bolyp otyr.