[caption id="attachment_47915" align="aligncenter" width="560"] vk.com[/caption]
Fýtboldan Eýropa chempıonatynyń E tobynda óner kórsetetin Belgııa men Shvesııa komandalary Nıssa qalasynda kezdesti.
Shvesııa – Belgııa 0:1
Stadıon: «Alıans Rıvera».
Tóreshiler: Brıh Felıks, Borsh Mark, Lýpp Shtefan (bári – Germanııa), Iýg Mateı (Slovenııa).
Shvesııa: Isaksson, Lındelef, Iýhansson, Grakvıst, Olsson, Larsson (Dýrmaz 70), Ekdal, Chelstrem, Forsberg (Zengın 82), Berg (Gýıdettı 63), Ibragımovıch.
Belgııa: Kýrtýa, Mene, Alderveıreld, Vermalen, Vertongen, Naınggolan, Vıtsel, Ferreıra-Karrasko (Mertens 71), De Brıýıne, Azar (Orıgı 90), Lýkaký (Benteke 87).
Gol: Naınggolan 84
Eskertý alǵandar: Ekdal 33, Iýhansson 37 – Mene 31, Vıtsel 45
Qos komanda úshin mańyzdy kezdesý bolatyn. Jeńiske jetý úshin eki qurama da baryn saldy. Alaıda, Shvesııa bul joly da jeńisten qur qaldy. Kezdesýdiń 84-mınýtynda Naınggolannyń soqqysy Isakssonnyń qaqpasynan tabyldy. Osy goldyń arqasynda belgııalyqtar ekinshi orynmen pleı-off kezeńine ótti.
Shvesııanyń áıgili shabýylshysy Zlatan Ibragımovıch birer kún buryn dúbirli dodadan keıin ulttyq quramadaǵy mansabyn aıaqtaıtynyn málimdegen bolatyn. О́kinishke oraı, Eýropa chempıonatynda onyń da, komandasynyń da joly bolmady. Shvesııa toptyq kezeńde nebári bir upaı ǵana ıelense, Ibragımovıch bir de bir gol soǵa almady.
Aıan Ábdýálı.