Maqtaaral aýdany ekonomıkasynyń kúretamyry bolyp tabylatyn aýyl sharýashylyǵynda tyń jobalar, órkendi ister qanat jaıyp, jańa ınnovasııalyq ádis-tásilder boıynsha jumys júrgizýge basa mán berilýde.
Bıyl aýdanda 136,4 myń gektar sýarmaly egistiktiń 83,5 myń gektaryna maqta shıti ornalastyrylsa, 27 myń gektaryna baqsha, 4,8 myń gektaryna kókónis, taǵy basqa daqyldar egildi.
– Qazirdiń ózinde aýdan dıqandary mol ónimdi saýdaǵa shyǵaryp úlgerdi, – deıdi Dildábekov aýyldyq okrýgi dıqandarynyń qaýyn alqabynda jolyqqan aýdan ákimi Jamantaı Beısenbaev bizben áńgimesinde.
– Baǵa dıqandar úshin óte tıimdi bolyp tur. Qaýyn-qarbyz elimizdiń soltústik oblystaryna jáne alys-jaqyn shet memleketterge jóneltilýde.
Dildábekov jáne Eralıev aýyl okrýgteri dıqandary biz barǵan kúni Máskeý jáne Belorýssııaǵa alǵashqy ónimderin jóneltti.
Asqar OMARHANOV,
jýrnalıst
Ońtústik Qazaqstan oblysy,
Maqtaaral aýdany