Jahandyq forýmǵa daıyndyq jaıy qaraldy

Parlament Senatynyń Tóraǵasy Qasym-Jomart Toqaev Semeı ıadrolyq synaq polıgonynyń jabylýyna 25 jyl tolýyna arnalǵan «Iаdrolyq qarýsyz álem qurý» halyqaralyq konferensııasyna ázirlik jónindegi Uıymdastyrý komıtetiniń kezekti otyrysyn ótkizdi, dep habarlady osy palatanyń baspasóz qyzmeti. Bıylǵy 29 tamyzda Astanada ótetin forým jumysyna halyq­aralyq uıymdardyń basshylary, bedeldi saıasatkerler, parlamenttik qaýymdastyq músheleri, sarapshylar men azamattyq qoǵamnyń ókilderi qatysatyn bolady. Shara barysynda tórt taqyryptyq ses­sııa ótedi, sondaı-aq, kórme qoıy­lymdary kórsetiledi. Konfe­ren­sııa Iаdrolyq qarýdy taratpaý jáne qarýsyzdaný jónindegi par­lamentshiler odaǵynyń qoldaýy­men ótedi. Q.Toqaev bul forýmnyń maz­m­unyn sapaly qamtamasyz etý, eń aldymen, Prezıdent N.Nazar­baevtyń «Álem. HHI ǵasyr» manıfesiniń ıdeıalary turǵysynda iske asyrý qajettigine nazar aýdardy. Senat Tóraǵasynyń pikirinshe, konferensııanyń nátıjeleri ıad­rolyq qarýdy jahandyq turǵyda ta­ratpaý jáne qarýsyzdaný úde­ris­terine járdemdesýi tıis. Forýmǵa ázirlik barysy týraly Syrtqy ister mınıstri Erlan Ydy­rysov baıandama jasady. Keńeske Prezıdent Ákimshiligi Basshysynyń orynbasary Baǵlan Maılybaev, Densaýlyq saqtaý jáne áleýmettik damý mınıstri Ta­mara Dúısenova, Mádenıet jáne sport mınıstri Arystanbek Mu­hamedıuly, Bilim jáne ǵy­lym mınıstri Erlan Saǵadıev, Ener­getıka mınıstri Qanat Bozym­baev, Aqparat jáne kommýnı­kasııalar mınıstri Dáýren Abaev, Investısııalar jáne da­mý mınıstri Jeńis Qasymbek, Senat­tyń turaqty komıtetteriniń tóra­ǵalary, sondaı-aq, basqa da memle­kettik organdardyń ókilderi qatysty. Senat Tóraǵasy sharanyń maz­mundyq jáne uıymdastyrý máse­leleri boıynsha birqatar tapsyrma berdi.