Qazaqstan Respýblıkasy Qarýly Kúshteri Ulttyq áskerı-patrıottyq ortalyǵynyń Áskerı-tarıhı mýzeıinde Uly Otan soǵysy bastalýynyń 75 jyldyǵyna arnalǵan kórme ashyldy. Ony atalǵan mýzeıdiń kómegimen «Memorıaldy aımaq» izdeý jasaǵynyń komandıri Maıdan Qusaıynov uıymdastyrdy.
Bul áskerı is-qımyldar barysynda qaza tapqan jaýyngerler men komandırlerdiń jeke zattarynan jınaqtalǵan TMD elderindegi osyndaı alǵashqy kórme bolyp tabylady. Iаǵnı, kórmeniń sheńberi Uly Otan soǵysynyń kezeńin qamtýmen shekteledi. Onyń biregeıligi de sol, ekspozısııalarda usynylǵan zattar urys dalasynan tabylǵan. Al quramy L.N.Gýmılev atyndaǵy Eýrazııa ulttyq ýnıversıtetiniń stýdentterinen jasaqtalǵan, Maıdan Kómekuly jetekshilik etetin «Memorıaldy aımaq» izdeý jasaǵy erlikpen qaza tapqan jaýyngerler men komandırlerdi izdep taýyp, olardyń attaryn qalpyna keltirýmen aınalysady.
Kúni búginge deıin TMD elderiniń izdeý jasaqtary urys dalalarynan tapqan medalondardyń nátıjesinde Uly Otan soǵysynyń 20 myńnan astam jaýyngeri men komandıriniń aty-jónderi belgili bolyp otyr. О́z kezeginde, «Memorıaldy aımaq» jasaǵy urys dalasynan 10 adamnyń aty-jónin, al arhıvtik izdeý barysynda 2607 adamnyń aty-jónin anyqtady. Keıbir esimderdi nagradalarynyń nómirleri boıynsha anyqtaý múmkin bolǵan.
Anyqtalǵan esimderdiń tek 10 paıyzy ǵana olardyń týǵan-týysqandaryna belgili bolyp otyr eken. Mine, dál sondyqtan da jasaqqa jurtshylyqtyń nazary men kómegi aýadaı qajet kórinedi. Bul arada, ásirese, jasaq pen týysqandar arasyn jalǵaıtyn buqaralyq aqparat quraldarynyń róli asa joǵary bolmaq.
«Maıdan dalasynan jetken esimder» ekspozısııasyna qazý oryndarynan tabylǵan biregeı fotosýretter, snarıadtardyń jaryqshaqtary, soldattardyń medalondary, Qyzyl ásker kitapshalary, jaýyngerdiń jaralanǵany týraly anyqtamalar, oq-dáriler, oqtan saqtaıtyn boıtumar retinde qoldanylǵan «kóılekti» patrondar, t.b. qoıylǵan.
Kórme barysynda, sondaı-aq, TMD elderi izdeý jasaqtarynyń birlesken jumystarynyń qorytyndylary týraly aqparat bar birqatar kitaptyń tusaýkeserleri ótkiziledi dep josparlanyp otyr.
«Egemen-aqparat»
Sýretterde: kórmedegi eksponattar; «Memorıaldy aımaq» izdeý jasaǵynyń komandıri M.QUSAIYNOV
Sýretterdi túsirgen
Erlan OMAROV