Balýandar bas qalada beldesedi

Kúzde qazaq kúresinen álem chempıonaty ótedi Keshe Astanada «Qazaqstan barysy» týrnırine arnalǵan jıyn ótti. Kezdesýde birneshe másele qaraldy. Onda balýandardyń jarysqa daıyndyǵy, tóre­shilerdiń qyzmeti men basqa da máseleler talqylandy. «Qa­zaqstan barysy» qazaq kú­resin damytý qory qam­qor­shylar ke­ńesiniń tóraǵasy Arman Shoraev atalǵan jarys júlde qorynyń 42 mln. teń­ge bolatynyn, al týr­nırdiń jeńimpazyna 25 mln. teńge, jeńil avtokólik jáne As­tanadan páter beriletinin aıtty. – Sońǵy kezderi ózderińiz biletindeı, búkil álemde qar­jylyq daǵdarys bolyp jatyr. Elimizdiń ekonomıkalyq jaǵdaıy da jarystardy kóptep ótkizip, júlde qoryn kóbeıtýge qol baılaý bolyp tur. Soǵan qaramastan, bıylǵy týrnırdi laıyqty ótkizý úshin bar kú­shimizdi salyp, «Samuryq-Qa­zyna» ál-aýqat qorynyń ar­qasynda júlde qoryn 42 mln. teńgege jetkizip otyrmyz. Ony­men qosa, týrnırdiń je­ńimpazyna aqshalaı syılyq, avtokólikpen birge Astanadan páter beriledi, – dedi ol. Odan keıin A.Shoraev bıyl Astanada qazaq kúresinen kezekti álem chempıonaty ótetinin aıtty. Onyń málimetinshe, álemdik doda qazan nemese qarasha aılarynda ótedi. Al kelesi jy­ly halyqaralyq EKSPO kór­mesinde «Álem barysy» jarysy uıymdastyrylady. Osy jıynda Energetıka mınıstri Qanat Bozymbaev Qazaq kúresi federasııasynyń qurmetti prezıdenti bolyp saılandy. Sonymen birge, kezdesýde balýandardyń kúrteshelerine ózgeris jasalǵany týraly habarlandy. Endi týrnırge qatysatyn 33 balýan shyntaq býyny 5 sm-ge, shalbardyń balaǵy 10 sm-ge uzartylǵan kúrteshe kıip, kilemge shyǵady. Elemes Álimqululynyń aıtýynsha, kúrteshege ózgeris­ter balýandardyń kúreskende yń­ǵaıly bolýy úshin jasaldy. Kezdesýde Qazaq kúresi ­fe­­­­derasııasynyń vıse-pre­zı­denti Sadyq Mustafaev atal­ǵan týrnırdiń erejesine de óz­geristerdiń engizilgenin aıtty. Ol balýandar kúresip jatqanda belbeýin sheshse, eskertý jasalatynyn, kilemdi qolymen tirep tursa qarsylasyna búk upaıy beriletinin jetkizdi. Sondaı-aq, ol kúrtesheniń joń ishinen us­­­taýǵa ruqsat beriletinin atap ótti. – Balýandar kúreskende ádeıi belbeýin sheshýi múmkin. Ol ýaqytty sozdyryp, demalý úshin solaı isteıdi. Bıylǵy týrnırde sportshylar jańa ereje boıynsha kúresedi. Bul balýandardyń kúresýine yńǵaıly bolýy úshin jasaldy, – deıdi ol. «Qazaqstan barysy-2016» týr­nıriniń fınaly 3 shilde kúni «Saryarqa» velotreginde ótedi. Kórermender arasynda utysqa avtokólik oınatylady. Balýandar jarysyn ««KazSport»» arnasy, Túr­kııanyń «TRT Avaz» arnasy men Reseıdiń «Match! Boes» telearnasy tikeleı efırden kórsetedi. Dastan KENJALIN, «Egemen Qazaqstan»