Búkilálemdik týrıstik uıym EKSPO-2017 kórmesi aıasynda 2017 jyldyń maýsym aıynyń sońyna taman «Týrızm jáne Bolashaq energııasy» atty birlesken konferensııa ótkizýdi josparlap otyr. Forým Búkilálemdik týrıstik uıymǵa múshe 150-den astam memlekettiń týrızm mınıstrleriniń qatysýymen uıymdastyrylmaq.
Bul jóninde Madrıdte ótken «Astana EKSPO-2017» ulttyq kompanııasy men Búkilálemdik týrıstik uıym (BTU) arasyndaǵy yntymaqtastyq týraly memorandýmǵa qol qoıý rásimi kezinde belgili boldy. Qujatqa «Astana EKSPO-2017» UK» aksıonerlik qoǵamynyń basqarma tóraǵasy Ahmetjan Esimov pen BTU Bas hatshysy Taleb Rıfaı qol qoıdy. «Kórme aıasynda ótkizgeli otyrǵan bul forým Qazaqstandaǵy týrızmniń turaqty damýy úshin tıimdi alań bolady dep sanaımyz. О́ıtkeni, «Astana EKSPO-2017» kelesi jyly ótetin álemdegi eń aýqymdy halyqaralyq is-sharalardyń biri, al BTU – týrızm salasyndaǵy aldyńǵy qatardaǵy uıym», – dedi Ahmetjan Esimov.
Memorandým sharttary boıynsha Ulttyq kompanııanyń Búkilálemdik týrıstik uıymnyń «Jibek joly» baǵdarlamasy boıynsha jumys tobynyń otyrystaryna qatysýy, sondaı-aq, Kórmege jolnusqaýshylar (gıd) daıarlaý jáne týroperatorlarǵa arnalǵan trenıngter ótkizý máseleleri qarastyrylǵan. «Qol qoıylǵan memorandým bizdiń uıymdar arasyndaǵy ekijaqty yntymaqtastyqty jańa bir deńgeıge shyǵaryp, Qazaqstannyń týrıstik brend retinde ilgerileýine meılinshe yqpal etedi dep úmittenemin», – dep atap ótti Taleb Rıfaı otyrysta sóılegen sózinde.
О́tken aptada Madrıd sapary barysynda Ahmetjan Esimov basqarǵan delegasııa «TÝRISPANIIа» uıymymen sátti kelisim júrgizgen bolatyn. Eki jaq iri halyqaralyq is-sharalar kezinde sheteldik týrısterdi tartý men qabyldaý máselesin talqylap, sondaı-aq, Qazaqstandaǵy týrıstik baǵyttardy ilgeriletý boıynsha kelisimdi jalǵastyratyndyǵyn aıtty. Sonymen birge, Parıjde ótken Halyqaralyq Kórmeler bıýrosynyń (HKB) Bas Assambleıasynyń 159-sessııasynda «Astana EKSPO-2017» delegasııasynyń esepti baıandamasy tyńdaldy. Osy baıandamada kelesi jyldan bastap Qazaqstan bir jaqty tártip negizinde basym kópshiligi Eýroodaqqa kiretin, Ekonomıkalyq yntymaqtastyq pen damý uıymyna múshe Monako, Malaızııa, Sıngapýr jáne basqa da 35 memleketterdi vızalyq rejimnen bosatatyndyǵy atap kórsetildi. Bul sheshim Qazaqstandaǵy halyqaralyq is-sharalarǵa, ásirese, Astanadaǵy EKSPO-2017 halyqaralyq mamandandyrylǵan kórmesine sheteldik týrısterdiń kóptep kelýine ıgi yqpal etetin bolady.
Ulan SANJAR