[caption id="attachment_48078" align="aligncenter" width="560"] Foto: rian.com.ua[/caption]
Úndistanda naızaǵaı túsip, qaza tapqandar sany 93 adamǵa jetti. RIA «Novostı» agenttigi osyǵan deıin 56 adamnyń opat bolǵanyn habarlaǵan.
Málimetter boıynsha, tabıǵat apatynan Bıhar shtatynda 56 adam, Djarkhand, Madhıa-Pradesh jáne Ýttar-Pradesh shtattarynda barlyǵy 37 turǵyn qaza tapty. Olardyń basym bóligi qolaısyz aýa raıy kezinde fermalarda qyzmet etip júrgen.
Qazirgi tańda memlekettiń batys bóliginde kún kúrkirep, naızaǵaı oınap, tolassyz jańbyr jaýyp tur. Mamandardyń aıtýynsha, mundaı aýa raıy aldaǵy birneshe kún jalǵasady.
Aıta keteıik, Úndistanda 2014 jyly osyǵan uqsas oqys oqıǵalardan barlyǵy 2,5 myń adam qaza tapqan.
Aıan Ábdýálı.