[caption id="attachment_48122" align="aligncenter" width="560"] Foto: 24.kz[/caption]
Qytaıdyń Iаnchen qalasynda sońǵy jarty ǵasyrda bolmaǵan daýyl jel turyp, 78 adam qaza tapty. «Sınhýa» aqparat agenttiginiń habarlaýynsha, tosyn tabıǵat apatynan 500-ge jýyq turǵyn túrli deńgeıde jaraqat aldy.
Jergilikti bılik 200 adamnyń aýyr halde jatqanyn málimdedi. Qazirgi tańda izdeý-qutqarý jumystary júrgizilip jatqandyqtan opat bolǵandardyń sany aldaǵy ýaqytta artýy múmkin. Sonymen qatar, birqatar eldi mekenderde elektr júıesi isten shyqqan.
Szıansý provınsııasynda joıqyn daýyl júrip, burshaq aralas nóser jańbyr jaýdy. Kýágerlerdiń aıtýynsha, aımaqtaǵy kóptegen kólikterdi aýdaryp, aǵashtardy tamyrymen julyp ketken. Ǵımarattardyń shatyrlaryn qulatyp, aıtarlyqtaı shyǵyn keltirgen.
China Daily basylymy daýyl jeldiń eki zaýytty qıratyp ketkenin habarlady. Al meteorologtar onyń jyldamdyǵy sekýndyna 35 metrge deıin jetkendigin málimdedi. TASS aqparat agenttigi Iаnchen qalasynda 1966 jyldan beri mundaı tabıǵat apaty bolmaǵanyn habarlady.
Aıan ÁBDÝÁLI.