Halyqaralyq qujattar ratıfıkasııalandy

Palata basshysy Qasym-Jomart Toqaevtyń tóraǵalyq etýimen Parlament Senatynyń kezekti otyrysy boldy. Senat Tóraǵasynyń usynýyn qaraı kelip, joǵarǵy palatanyń depýtattary Nurlan Nurjanovty Respýblıkalyq bıýdjettiń atqarylýyn baqylaý jónindegi esep komıtetiniń múshesi etip taǵaıyndady. Senatorlar Eýrazııalyq eko­nomıkalyq odaq sheńberinde dári­lik zattar aınalysynyń biryńǵaı qaǵıdattary men qaǵıdalary týraly kelisimge Armenııa Res­pýb­lıkasynyń qosylýy týraly hattamany ratıfıkasııalady. Hattama dárilik zattardyń ortaq naryǵyna Armenııa Respýblıkasynyń qaty­sýyn, dárilik zattar aınalymyn retteýdiń biryńǵaı qaǵıdalary men talaptaryn qabyldaýdy, múshe memleketter aýmaǵynda dá­ri­lik zattardyń qaýipsizdigine, tıim­diligine jáne sapasyna qoıy­latyn mindetti talaptardyń bir­kelki bolýy men olardyń saq­talýyn qamtamasyz etýdi, múshe memleketterdiń dárilik zattar aınalysy aıasynda baqylaý sala­syndaǵy zańnamasyn úılestirýdi, dárilik zattardyń sapasyn qamta­masyz etý júıesin qurýǵa arnalǵan biryńǵaı tásilderdi jetildirýdi kózdeıdi. Sondaı-aq, Eýrazııalyq eko­nomıkalyq odaq sheńberinde me­dısınalyq buıymdar aınaly­synyń biryńǵaı qaǵıdattary men qaǵıdalary týraly kelisimge Armenııa Respýblıkasynyń qosylýy týraly hattama da ratıfıkasııalandy. Qujat Armenııa Respýblıkasynyń medısınalyq buıymdardyń jalpy naryǵyna qatysýyn, medısınalyq buıymdardyń aınalymyn retteýdiń biryńǵaı qaǵıdalary men talaptaryn qabyldaýdy, múshe memleketter aýmaǵynda medısınalyq buıymdardyń qaýipsizdigine, tıimdiligine jáne sapasyna qoıylatyn mindetti talaptardyń birkelki bolýy men olardyń saqtalýyn qamtamasyz etýdi, sondaı-aq, múshe memleketterdiń medısınalyq buıymdar aınalysy aıasynda baqylaý salasyndaǵy zańnamasyn úılestirýdi kózdeıdi. Senatorlar Táýelsiz Memleketter Dos­tastyǵyna qatysýshy mem­le­ketterdiń aýmaqtarynda birlesken jedel-tergeý toptaryn qurý tártibi jáne olardyń qyzmeti týraly kelisimdi ratıfıkasııalady. 2015 jylǵy 16 qazanda Býrabaıda qol qoıylǵan Kelisimde birlesken jedel-tergeý toptarynyń negizgi mindetteri, olardy qurýdyń tártibi, olarǵa ulttyq jedel-tergeý toptarynyń qosylý jáne shyǵý rásimderi, sondaı-aq, TMD-ǵa qatysýshy memleketterdiń aýmaǵyn­da prosestik áreketterdi nemese je­del-izdestirý is-sharalaryn júrgizý kezindegi ózara is-qımyl tártibi aı­qyndalǵan. Eki oqylymda egjeı-tegjeıli qaral­ǵannan keıin «Qazaqstan Respýb­lıkasy Jer kodeksiniń jekelegen normalarynyń qoldanysyn jáne «Qazaqstan Respýblıkasynyń Jer kodeksine ózgerister men tolyq­tyrýlar engizý týraly» 2015 jylǵy 2 qarashadaǵy Qazaqstan Respýblıkasy Zańynyń qoldanysqa engizilýin toqtata turý týraly» zań qabyldandy. Qujat Qazaqstan Respýblıkasy Prezıdentiniń 2016 jylǵy 6 mamyrdaǵy «Jer zańnamasynyń keıbir normalaryn qoldanýǵa moratorıı engizý týraly» №248 Jarlyǵyn oryndaý úshin ázirlendi. Zańnyń negizgi maqsaty Jer kodeksiniń aýyl sharýashylyǵy maqsatyndaǵy jer berý (jalǵa alý) máselelerin retteıtin jekelegen erejelerdiń qoldanysyn 2016 jylǵy 31 jeltoqsanǵa deıin toqtata turý bolyp tabylady. Sondaı-aq, 2015 jylǵy 2 qarashadaǵy «Qazaqstan Respýblıkasynyń Jer kodeksine ózgerister men tolyqtyrýlar engizý týraly» Zańyn qoldanysqa engizý 2016 jylǵy 31 jeltoqsanǵa deıin toqtatyla turatyn bolady. Otyrys barysynda senator Qýanysh Aıtahanov elimizdiń agroónerkásip keshenin damytý jónindegi aýqymdy sharalar qabyldaý jáne jeke turǵyn úı qurylysyn salýdy damytýdy yntalandyrý qajettigi týraly; Serik Aqylbaı Qazaqstan Respýblıkasy IIM Qostanaı akademııasynyń qyzmetin qamtamasyz etý týraly; Jabal Erǵalıev áskerı tártip jáne quqyq tártibin nyǵaıtý týraly; Álı Bektaev Ońtústik Qazaqstan oblysynyń Saryaǵash aýdanyndaǵy mektep qurylysyn salý qajettigi týraly; Manap Kóbenov densaýlyq saqtaý nysandaryna mindetti kepildi kásibı jaýaptylyq júıesin engizý týraly depýtattyq saýaldaryn jarııa etti. Ǵabıt ISKENDeRULY, «Egemen Qazaqstan»