О́zara senimniń joǵary deńgeıin kórsetken sezd

Keshe «Nur Otan» partııasy Tóraǵasynyń birinshi orynbasary Muhtar Qul-Muhammed Máskeýde ótken «Edınaıa Rossııa» partııasynyń XV sezine qatysty. Muhtar Qul-Muhammed «Edı­naıa Rossııa» partııasynyń bas­shylyǵyna «Nur Otan» partııa­synyń Tóraǵasy Nursultan Nazarbaevtyń atynan quttyqtaý hat­ty tabys etti. О́ziniń qut­tyqtaý hatynda Memleket basshy­sy sezd delegattary men qonaq­taryna ystyq yqylasyn joldaı otyryp, Qazaqstan men Reseı halyqtaryn HHI ǵasyrdaǵy tatý kórshilik jáne odaqtastyq týra­ly kelisimmen bekitilgen stra­tegııalyq serik­testikti dáıek­ti túrde damytyp otyrǵan dos­tyq pen ynty­maq­tastyqtyń san ǵasyrlyq baýyrlas qarym-qaty­nasy baılanystyratynyn jet­kizgen. Eýrazııalyq ekonomı­kalyq odaqtyń serpindi damýy Qa­zaqstan men Reseı ara­syndaǵy ózara senimniń jańa deńgeıin kórsetedi. Nursultan Nazarbaev: «Eki eldiń bıleýshi partııalary: «Nur Otan» men «Edınaıa Rossııa» ara­syndaǵy ózara tyǵyz baılanys Qa­zaqstan-Reseı qarym-qatynasyn odan ári nyǵaıtatyn mańyzdy tetik bolyp tabylady. Jetekshi saıa­sı kúshter arasyndaǵy únqatysý – Qazaqstan men Reseıdiń barlyq salany qamtıtyn seriktestiginiń salmaqty faktory. Biz reseılik áriptesterimizben kópqyrly jáne syndarly yntymaqtastyǵymyzdy odan ári damytýǵa, partııaaralyq baılanysty jan-jaqty keńeıtip, tereńdetýge nıettimiz», – dep atap ótken. «Nur Otan» partııasy Tóraǵa­synyń birinshi orynbasary Reseı astanasynda birqatar ekijaq­ty kezdesýler ótkizdi. Atap aıt­qan­da, Muhtar Qul-Muhammed Re­seı Federasııasy Memlekettik Dý­ma­synyń tóraǵasy Sergeı Narysh­­kınmen jáne «Edınaıa Ros­sııa» partııa bıýrosy joǵa­ry keńe­siniń tóraǵasy Borıs Gryz­lov­­pen kezdesip, partııa Tóraǵasy Nursultan Nazarbaev kórsetip bergen «Nur Otannyń» aldyndaǵy jumystardyń basym baǵyttary jóninde aıtty. О́z sózinde partııa Tóraǵasynyń birinshi orynbasary Qazaqstannyń 2050 jylǵa deıingi damý strategııasyna, «100 naqty qadam» Ult Josparyna, «Nurly Jol» keń aýqymdy baǵ­darlamasyna, sondaı-aq, «Álem. HHI ǵasyr» manıfesi men Uly Jibek jolyn jandan­dyrý máselesine, Memleket bas­shy­synyń «Úlken Eýrazııa» qurý syndy qoǵam nazaryna ilingen halyqaralyq bastamalaryna erekshe kóńil bóldi. О́z kezeginde reseılik áriptester Nursultan Nazar­baevtyń Sankt-Peterbýrgtegi halyqaralyq eko­­­no­mıkalyq forýmda jáne Tash­­­kent­tegi ShYU-nyń sammı­tinde sóı­legen sózderiniń erekshe mańyz­­dylyǵyn atap ótti. О́zbek­stan astanasyndaǵy basqosý­da Qazaq­stan basshysy Shanhaı ynty­maqtastyq uıymyna tóraǵalyq etý quqyn qabyldap alǵanyn aıta ketken jón. Keshe Muhtar Qul-Muhammed Japonııa lıberal-demokratııalyq partııasynyń bas hatshysymen de kezdesti. Kazýnorı Tanaka óz eli­niń parlamentine jeti márte saı­lanǵan. Sondaı-aq, ol búginde Ja­ponııanyń bıleýshi partııasynyń saılaýaldy shtabyn basqarady. Kelissóz barysynda Kazýnorı Tanaka Nursultan Nazarbaevtyń táýelsiz Qazaqstannyń qalyptasýy men damýyndaǵy aıryqsha róline jáne onyń halyqaralyq arenadaǵy joǵary bedeline toqtaldy. Máskeýde Qazaqstan-Reseı seriktestiginiń erekshe mártebesi eskerilip, sezdiń ashylýyna oraı ótkizilgen saltanatty kezdesýde Reseıge kelgen barlyq otyz sheteldik partııa delegasııalary atynan «Nur Otan» partııasy Tóraǵasynyń birinshi orynbasaryna sóz berilgenin atap ótken jón. «Egemen-aqparat»