qazaqstandyq telekórermenderge baǵyttalyp otyr
Sıfrlyq jáne jerseriktik televızııasynyń Ulttyq operatory «Qazteleradıo» AQ el halqyna jańa sapaly teledıdar kórsetilimin usynady. Bul jaǵdaı jańa qazaqstandyq «KazSat-3» jerserigine kóshý nátıjesinde múmkin bolyp otyr. Sıgnal sapasyn anyqtaý boıynsha testileý jumystary 2016 jyldyń aqpan aıynda aıaqtaldy.
«Otau TV» jerseriktik telehabar taratý jelisi abonentterin otandyq «KazSat-3» jerserigine kóshirý jumystaryn 2016 jyldyń 15 naýryzynda bastady. Buǵan deıin jerseriktik «Otau TV» telehabar taralymy sheteldik jerserikten júzege asyrylyp kelgen edi. Endi ol jumysyn 2016 jyly aıaqtaıdy.
– Qazaqstandyq jerserikti tańdaı otyryp, biz otandyq ekonomıkanyń damýyna sep bolamyz. «Qazaqstandyq ónimdi tańda!» nemese «Qazaqstanda jasalǵan» – jaı ǵana patrıottyq uran emes. Árbir qazaqstandyq óz bolashaǵyna, óskeleń urpaqtyń keleshegine osylaısha úles qosady, – deıdi «Qazteleradıo» AQ ókilderi.
Qazaqstandyq «KazSat-3» jerserigine kóshý kórermenderge qosymsha SD arnalar kórýge múmkindik beredi. Sondaı-aq, aqyly arnalar toptamasyna qosylǵan paıdalanýshylar HD arnalardy tamashalaı alady.
– Búgingi tańda elimizdiń túkpir-túkpirinen 1 mıllıonnan astam úı sharýashylyǵy «Otau TV» jelisine qosylǵan, al bul 4 mıllıonnan astam qazaqstandyq úshin telearnalar men radıostansalardy tyńdaıtyn aqparat kózi – «Otau TV» jerseriktik teleradıohabar taratý jelisi degen sóz. Bir jerserikten ekinshisine kóshý úderisi paıdalanýshylarymyz úshin barynsha aýyrtpalyqsyz ótýi tıis. Iаǵnı, «KazSat-3» jerseriginen habar taratýdyń tehnıkalyq talaptaryna sáıkes, abonentterge qondyrǵyny qaıta teńdestirýge ýaqyt jetkilikti bolýy kerek. Osyǵan baılanysty bizdiń abonentterdi jerserikke kóshirý kezeńi 2016 jyldyń naýryzy men qyrkúıek aıy aralyǵynda dep belgilengen. О́tpeli kezeńde habar taratý eki jerserikten de júzege asyrylady. Bul ýaqytsha shara kóshý kezinde tutynýshylarymyzdyń qazaqstandyq televızııadan qaǵylyp qalmaýy úshin qoldanylyp otyr, – deıdi «Qazteleradıo» AQ Bas kommersııalyq dırektory Baqtııar О́shirbaev.
«KazSat» ulttyq júıesi qazaqstandyq baılanys operatorlarynyń qajettilikterin qanaǵattandyrý úshin jasalǵan. Sondaı-aq, ol elimizdiń aqparattyq qaýipsizdigin nyǵaıtyp, memlekettik organdardy táýelsiz baılanys arnalarymen qamtamasyz etedi.
– «KazSat-3» jerseriginde jıiliktiń Ku-dıapazonyndaǵy 28 transponder ornatylǵan, olar Qazaqstan aýmaǵyn baılanys qyzmetimen qamtamasyz etedi. «Otau TV» qondyrǵysyn kúıge keltirgen kezde 58,5 gradýsqa jańa geostasıonarlyq pozısııa tirkelýi kerek. «KazSat-3» ǵarysh apparatyna barynsha naqty teńdestirýge arqyly sıgnaldyń eń joǵarǵy deńgeıine qol jetkizý kerek. Sonda ǵana «Otau TV» jelisin sapaly, úzilissiz qoldanýǵa múmkindik bolady. Taǵy bir aıta keterlik jáıt, qondyrǵyny teńdestirý kezinde árbir aımaq úshin antennanyń kólemi, MShÝ ámbebaptyǵy sekildi faktorlardy qaperde ustaǵan jón. Tutynýshylarǵa yńǵaıly bolý úshin biz úıretetin materıaldar daıyndap qoıdyq. Olardy kompanııa saıttary men ǵalamtor jelisinen tabýǵa bolady. Sonymen qatar, abonentter qondyrǵyny kásibı túrde qaıta teńdestirý úshin dılerlerge habarlasa alady, – dedi «Qazteleradıo» AQ Bas tehnıkalyq dırektory Aıdyn Bájekeev.
Suńǵat ÁLIPBAI,
«Egemen Qazaqstan»