Keshe, Astanadaǵy «Marriott» qonaqúıinde II Halyqaralyq jaýyngerlik óner festıvaline qatysýshylardyń baspasóz máslıhaty bolyp ótti. Halyqaralyq jaýyngerlik óner festıvali elordada osymen ekinshi ret ótkizilmek. Qala kúni merekesine oraı uıymdastyrylǵaly otyrǵan bul aıtýly sharaǵa Italııa, Qazaqstan, Qytaı, Reseı, Fılıppın jáne Japonııa sheberleri kórermender nazaryna djıý-djıtsý, kıokýshınkaı-kan karate, qoıan-qoltyq urys, sýmo, taekvando, mýaı-taı, vın-chýn, qazaq kúresi, brazılııalyq djıý-djıtsý, shaolın-sıýan jáne pekıtı-tırsııa kalı sııaqty jaýyngerlik jekpe-jekter boıynsha óner kórsetedi.
Bıyl Halyqaralyq óner festıvaline Vın-Chýn Halyqaralyq federasııasynyń (IWCO) qurmetti prezıdenti Sıfý Donald Mak, Ultimate Fighting Championship qamqorlyǵymen óner kórsetetin, aralas stıldegi kásipqoı sportshy Habıb Nýrmagomedov, kásipqoı reseılik taıboksshy jáne kıkboksshy, taı boksynan jáne kıkboksıngten kásipqoılar men áýesqoılar arasyndaǵy jarystardyń birneshe dúrkin jeńimpazy, taı boksynan Reseıdiń eńbek sińirgen sport sheberi Artem Levın syndy áıgili tulǵalar qatysady. Akter, kásipqoı sportshy, jaýyngerlik jekpe-jek boıynsha áskerı nusqaýshy Sergeıa Badıýk sportsúıer qaýym úshin tosyn syı bolmaq.
Baspasóz máslıhatynda atap kórsetilgendeı, mańyzdy sporttyq sharadan qazaqstandyq sportshylar da tys qalmaıdy. Elimizdiń tanymal boksshysy, 2005 jylǵy jáne 2007 jylǵy álem chempıony, 2012 jylǵy olımpıada chempıony, «Astana Arlans» kásipqoı boks klýbynyń bas dırektory Serik Sápıev, taı boksy men K-1 kásipqoı sportshy, áýesqoılar arasyndaǵy álem chempıony, kásipqoılar arasyndaǵy Taıland Koroli kýbogynyń ıegeri Dáýlet Otarbaev, karate men MMA-dan álemniń úsh dúrkin chempıony, djıý-djıtsýden Eýropanyń úsh dúrkin chempıony Aıdar Mahmetov, sondaı-aq, Qazaqstannyń djıý-djıtsý men MMA federasııasynyń prezıdenti Anatolıı Kım sııaqty kesh qonaqtary óz sheberlikterin ortaǵa salady.
Eske sala ketetin bolsaq, ótken jylǵy birinshi jaýyngerlik óner festıvaline dúnıe-júzinen 150-ge jýyq sheber qatysyp, shara barysynda Stıven Sıgal, Sergeı Badıýk pen Batý Hasıkov kópshilikke túrli jekpe-jekterden aıla-tásilder kórsetip, kórermenderdi umytylmas áserge bólegen. Sonymen birge, elordalyq kórermender alǵash ret shaolın monahtarynyń ónerin tamashalaǵan bolatyn. Baspasóz máslıhatynda aıtylǵandaı, bıylǵy jaýyngerlik óner festıvali de áserli ári tartymdy bolatyn túri bar.
II Halyqaralyq jaýyngerlik óner festıvaliniń shymyldyǵy keshe, 28 maýsymda «Dáýlet» ulttyq tennıs ortalyǵynda ashyldy. Al búgin II Halyqaralyq jaýyngerlik óner festıvaline qatysýshylar Astana qalasyndaǵy sport mektepteriniń shákirtterine arnalǵan sheberlik dáristerin ótkizedi.
Nazerke MUHAMEDIIа,
№4 mektep-gımnazııanyń túlegi