[caption id="attachment_49120" align="aligncenter" width="560"] pm.kz[/caption]
Syrtqy ister mınıstri Erlan Ydyrysov: «Qazaqstan 138 daýystyń 129 qajettisin jınady. Quttyqtaımyn! Bul bizdiń ortaq jeńisimiz», – dep məlimdedi. Bul týraly pm.kz saıty habarlady.
Erlan Ydyrysovtyń aıtýynsha, Bas Assambleıada ótken daýys berý kezinde Qazaqstan 138 memlekettiń qoldaýyna ıe bolǵan. Elimiz bul saılaýda 55 daýys jınaǵan Taıland memleketinen basym túsken.
«Daýys berýshilerdiń úshten ekisiniń qoldaýyna ıe bolyp, Qazaqstan Qaýipsizdik keńesine 2 jylǵa turaqty emes múshe bolyp saılandy. Endi 1 qańtardan bastap qyzmetin bastaıdy», – dedi Bas Assambleıada 70-sessııasynyń tóraǵasy Mogens Lıýkketoft.
Aıta keteıik, elimiz BUU Qaýipsizdik keńesine turaqsyz múshesi bolýǵa nıeti jaıly 2010 jyly barshaǵa jarııa etken bolatyn. Úsh jyldan keıin Astana óz úmitkerligin súıemeldeý boıynsha resmı naýqandy bastady. Naýqan Qazaqstannyń 2014-2020 jyldarǵa syrtqy saıasaty Tujyrymdamasyna negizdeledi. Oǵan sáıkes halyqaralyq uıymdarǵa belsendi qatysýy eldiń ulttyq múddelerin qorǵaýdyń jáne barynsha tanymaldyǵyn qamtamasyz etýdiń mańyzdy quraly, sondaı-aq, aımaqtyq jáne jahandyq syrtqy saıasatynyń qozǵaýshy kúshi bolyp tabylady.
Atalǵan naýqan aıasynda halyqaralyq yntymaqtastyqtyń tórt basymdyq salalary – azyq-túlik, sý, energetıka jáne ıadrolyq qaýipsizdikti qosa alǵanda BUU Qaýipsizdik keńesimen baılanysty transulttyq qaýipsizdigi máselesine erekshe kóńil bólinedi. Sonymen qatar, Qazaqstan jeke tájirıbesine qaraı otyryp, osy salalarǵa nazar aýdarady.
Talǵat Raıymbek.