[caption id="attachment_49136" align="aligncenter" width="560"] Foto: 163gorod.ru[/caption]
Vladımır Pýtın men Túrkııa basshysy Rejep Taıyp Erdoǵan Reseı bastamasymen telefon arqyly sóılesti. 24.kz-tiń habarlaýynsha, Reseı prezıdenti aldymen Ystanbul áýejaıynda bolǵan lańkestik áreketke qatysty kóńil aıtty.
Vladımır Pýtın Túrkııa prezıdentiniń habarlamasy eki eldiń qarym-qatynasynyń jańǵyrýyna jol ashqanyna nazar aýdaryp, úkimetke saýda-ekonomıkalyq yntymaqtastyqty qalypqa keltirýdi tapsyratynyn málimdedi. Reseı týrısteriniń Túrkııaǵa saıahat jasaýyna qoıylǵan shekteý alynyp tastalady. Degenmen, Túrkııa bul rette reseılikterdiń qaýipsizdigine baılanysty qosymsha sharalar uıymdastyrýy kerek.
Sonymen qatar, eki eldiń basshylary jaqyn arada kezdesý uıymdastyratyn bolyp kelisti.
Aıan ÁBDÝÁLI.