[caption id="attachment_49142" align="aligncenter" width="560"] Foto: inform.kz[/caption]
Tynyq muhıtqa onyń akvatorııasyn plastık qoqystardan tazalaıtyn arnaıy súzgi ornatyldy. inform.kz-tiń habarlaýynsha, jańa jobany 22 jastaǵy gollandııalyq zertteýshi Boıan Slet usynǵan.
Muhıttyq aǵystarǵa kese-kóldeneń júz shaqyrymdyq bógetter ornatý kózdelgen. Olar bir-birine baılanǵan úrlemeli qapshyqtardan turady. Jańa týyndy qoqysty bir jerge jınap, keıin ol qaıta óńdeýge jiberiledi. Mamandardyń esebi boıynsha, jyl saıyn Tynyq muhıtqa 8 mıllıon tonna plastık qoqys túsedi eken. Ol negizinen Kalıfornııa men Gavaı araldary arasyndaǵy 5 jerde shoǵyrlanǵan. Buǵan muhıt aǵystarynyń ıirilýi sebep bolyp otyr.
Qazirgi tańda osy bógettiń kishireıtilgen túri ornatylǵan. Onyń uzyndyǵy 100 metr ǵana. Al muhıtqa alyp bógetter ornatpas buryn ony jıi daýyl soǵatyn, sol sııaqty aǵysy qatty Soltústik teńizde synaqtan ótkizbek.
Aıan ÁBDÝÁLI.