El men Elbasy mártebesi

Muhtar QUL-MUHAMMED, «Nur Otan» partııasy Tóraǵasynyń birinshi orynbasary Burnaǵy kúni biz Elbasymyz Nursul­tan Ábishuly Nazarbaevtyń halyq­aralyq arenadaǵy el mereıin bıik­tet­ken asa mártebeli jeńisine kýá boldyq. Qazaqstannyń Birikken Ulttar Uıymy Qaýipsizdik Keńesine múshe bolyp saılanýy eshbir ásire­leýsiz asa mańyzdy tarıhı oqıǵa bolyp sanalady. Osy sheshim arqy­ly bizdiń elimiz jahandyq qaýipsizdikti qamtamasyz etýge yqpal ete alatyn eń abyroıly 15 memle­kettiń qataryna qosyldy. Bul Elbasy ustanǵan syrtqy saıasatymyzdyń aıryqsha saltanaty. Birikken Ulttar Uıymy bul tarıhı sheshiminiń el táýelsizdiginiń 25 jyldyq torqaly toıymen tuspa-tus kelýiniń de úlken sımvoldyq maǵynasy bar. О́ıtkeni, Elbasymyz táýelsizdiktiń 25 jyly boıyna halyqaralyq qaýipsizdikti qamtamasyz etýge arnalǵan syndarly syrtqy saıasat júrgizý arqyly búkil álem aldynda asa zor abyroı, bedelge ıe boldy. Birinshiden, Elbasymyz hal­qymyzǵa jyldar boıy ajal seýip, qısapsyz qaıǵy-qasiret ákelgen Semeı polıgonyn japty. Búginde búkil dúnıejúzi Birikken Ulttar Uıymy sheshimimen Qazaqstan Prezıdentiniń polıgondy jabý týraly Jarlyqqa qol qoıǵan 1991 jyldyń 29 tamyzyn resmı túrde Iаdrolyq qarýdan bas tartýdyń halyqaralyq kúni retinde atap ótedi. Ekinshiden, Elbasymyz óz er­kimen álemdegi qýaty jaǵynan tórtinshi bolyp keletin ıadrolyq qarýdan bas tartý arqyly dú­nıejúzindegi tuńǵysh ári jeke-dara Prezıdent retinde tarıhqa endi. Úshinshiden, Elbasymyz Qazaq­standy ıadrolyq qarýsyz aımaq retinde jarııalap, álemdegi eń qýatty bes ıadrolyq memleketterdiń elimizdiń qaýipsizdigin qamtamasyz etetin kepildigine ıe boldy. Keıin Ol búkil Ortalyq Azııaǵa da dál osyndaı kepildik áperdi. Tórtinshiden, Elbasymyz «ATOM» jahandyq jobasyn ja­saý arqyly HHI ǵasyrdaǵy ıadro­lyq qarýǵa qarsy halyqaralyq qozǵa­lystyń kóshbasshysy atandy. Qazaqstan Prezıdentiniń álem halyqtaryna joldanǵan ıadro­lyq qarýdan bas tartý týraly úndeýine búginde júzdegen myń adam qoldaý kórsetýde. Sol sebep­ti, Vashıngtonda ótetin ıadro­lyq qaýipsizdikke arnalǵan halyq­aralyq sammıtterdi ashý qurmeti únemi bizdiń Elbasymyzǵa buıyrady. Besinshiden, Qazaqstan Pre­zıdenti álem tarıhynda tuńǵysh ret bes márte qatarynan dúnıe­jú­zin­degi álemdik ári dástúrli din ókil­deriniń basyn qosyp, jahan­dyq konfessııaaralyq únqaty­sýdyń berik irgetasyn qalady. Altynshydan, Qazaqstan postkeńestik elder ishinde birinshi bolyp Eýropadaǵy Qaýipsizdik jáne yntymaqtastyq uıymyna tóraǵalyq etti. Elbasymyz asa bedeldi halyqaralyq uıymnyń tarıhı sammıtin ótkizip, «Qaýipsizdik qaýymdastyǵyna betburys» atty áıgili Astana deklarasııasynyń qabyldanýyna yqpal etti. Buǵan deıin Eýropadaǵy qaýipsizdik jáne yntymaqtastyq uıymy 10 jyl qatarynan dál osyndaı joǵary deńgeıdegi basqosý ótkizýge qol jetkize almaǵan bolatyn. Jetinshiden, Qazaqstan El­basynyń syndarly saıasatynyń arqasynda asa úlken halyqaralyq daý-damaılardy sheshýde zor bedelge ıe boldy. Bizdiń elimiz Irannyń ıadrolyq baǵdarlamasy tóńiregindegi kelispeýshilikterdi retteýde araaǵaıyndyq ról atqa­ryp, osy elge salynǵan halyq­aralyq sanksııalardyń alynýyna yqpal jasady. Nátıjesinde, bizben kórshiles Irannyń ekinshi tynysy ashylyp, álemdik deńgeıdegi ekonomıkalyq yqpaldastyqqa qol jetkizdi. Halyqaralyq sarapshylar Elbasymyzdyń Ýkraınadaǵy qarý­ly qaqtyǵysty retteýge qosqan úlesine de asa zor baǵa berdi. Ol Reseı men Fransııa prezı­dent­teri kezdesýiniń ótkizilýine araaǵaıyndyq jasap, Reseı men Batys elderi arasyndaǵy órshı túsken shıelenisti jaǵdaıdy retteýge úlken úles qosty. Keshe ǵana Túrkııa basshylyǵy Qazaqstan Prezıdentine Ankara men Máskeý arasyndaǵy qarym-qa­ty­nastyń oń sıpat alýyna qos­qan úlesi úshin erekshe alǵysyn bildirdi. Qazaqstan soǵys órtine kóp shaldyqqan Aýǵanstanǵa da san-salaly gýmanıtarlyq kómek kór­setý arqyly onyń beıbit ómirge oralýyna udaıy qamqorlyq kórsetýmen keledi. Segizinshiden, Qazaqstan Eý­ra­zııadaı alyp materıkte júzege asyp jatqan asa úlken ıntegrasııalyq úderisterdiń basty bastamashysy boldy. Olardyń qatarynda qazir zor tabyspen jumys istep turǵan Eýrazııalyq ekonomıkalyq odaq, Táýelsiz Memleketter Dos­tas­tyǵy, «Úlken Eýrazııany» qurý, Uly Jibek jolyn jańǵyrtý sııaq­ty jahandyq jobalar bar. Munyń bári Eýrazııada ornalasqan san alýan memleketter arasyndaǵy saýda-ekonomıkalyq baılanystar­dy óristetip qana qoımaı, olardy meken­degen halyqtardyń bir-birine degen ózara senimi men yqpal­das­tyǵyn arttyryp, jańa qaýip­sizdik júıesin jasaýǵa ıgi áserin tıgizýde. Toǵyzynshydan, Elbasymyz búginde asa bedeldi halyqaralyq uıymǵa aınalǵan Shanhaı ynty­maqtastyq uıymynyń basty quryl­taıshylarynyń biri boldy. Bul uıym qazirgi tańda 3 mıl­lıardtan astam adam meken etetin, álemdegi ekonomıkalyq áleýettiń úshten birin qamtıtyn 18 memlekettiń basyn qurap otyr. Jaqynda Tashkentte ótken sammıtte uıym tizginin taǵy da Qazaq eliniń basshysy ustap, aldaǵy jyly sonyń aıasynda ótetin barlyq saıası-ekonomıkalyq jańa úderisterge jol ashatyn bolady. Onynshydan, Elbasymyzdyń bıyl Vashıngtonda jarııalaǵan «Álem. HHI ǵasyr» atty manıfesi álemdik qoǵamdastyq tarapynan asa úlken qoldaýǵa ıe boldy. Qazaq eli basshysynyń jahandyq qaýip­sizdikti qamtamasyz etýge arnalǵan, alysty boljaǵan jańa bastamasy Birikken Ulttar Uıymy Qaýipsizdik Keńesi men Bas Assambleıa tarapynan resmı qujat mártebesine ıe boldy. Bul El­basymyzdyń beıbitshilik pen qaýip­sizdik máselesi jóninen álem tanyǵan jahandyq strateg deńgeıine erkin kóterilgen eren tulǵa ekendiginiń aıqyn dáleli bolyp tabylady. Qazaqstannyń Birikken Ulttar Uıymy Qaýipsizdik Keńesine múshe bolyp saılanýy – Qazaqstan Prezı­dentiniń álemdik beıbitshilik pen qaýipsizdikti qamtamasyz etýge, ult­aralyq jáne dinaralyq ta­tý­­lyq­ty ornyqtyrýǵa baǵyttal­ǵan jahandyq qyzmetine berilgen asa úlken baǵa ári elimizdiń halyq­aralyq deńgeıdegi zor bedeliniń belgisi. Álem tanyǵan Elbasymyz­dyń bıik bedeli – elimizdiń de úl­ken mereıi ári mártebesi. Qýanysh qutty bolsyn, aǵaıyn!