Memleket basshysy Nursultan Nazarbaev Túrkııa Prezıdenti Rejep Taııp Erdoǵanmen telefon arqyly sóılesti, dep habarlady Qazaqstan Prezıdentiniń baspasóz qyzmeti.
Áńgime barysynda Túrkııa Prezıdenti Elbasyn 28 maýsymda Nıý-Iorkte ótken BUU Qaýipsizdik Keńesiniń turaqty emes músheligine saılaýdaǵy Qazaqstannyń aıqyn jeńisimen quttyqtady.
Memleket basshysy Ystanbul qalasy áýejaıyndaǵy terrorıstik akt saldarynan qaza bolǵandardyń týystary men jaqyndaryna shyn nıetpen kóńil aıtty.
Nursultan Nazarbaev álemdik qaýipsizdikke qater tóndiretin halyqaralyq terrorızm men ekstremızm áreketterin Qazaqstan qatań aıyptaıtynyn atap ótti.
R.Erdoǵan Túrkııa men Reseı arasyndaǵy barlyq qarym-qatynasty retteýge baǵyttalǵan baǵa jetpes úlesi men zor eńbegi úshin Nursultan Nazarbaevqa alǵys bildirdi.
Túrik kóshbasshysy Elbasyna Reseı Federasııasynyń Prezıdenti V.Pýtınmen telefon arqyly sóıleskenin aıtty jáne Ankara men Máskeý arasyn jaqyndatý turǵysynan kózdelgen qadamdar júzege asady dep úmittenetinin jetkizdi.
R.T.Erdoǵan Qazaqstan Prezıdentin jýyq arada Túrkııaǵa saparmen kelýge shaqyrdy.
Telefon arqyly sóılesýge túrik jaǵy bastamashy boldy.