CASIE-2016 sımpozıýmy

Astanada Ortalyq Azııanyń bilim berýdegi aqparattyq-kommýnıkasııalyq tehnologııalar jónindegi sımpozıýmy (CASIE-2016) ótti. Ortalyq Azııa memleket­teriniń bilim berý júıesi aımaq­tardyń jyldam damyp otyrǵan ekonomıkalarynyń suranystaryna saı is-áreketter jasap otyr. Bul oqýshylardyń HHI ǵasyrda qajet bolyp otyrǵan daǵdylardy ıgerýin jáne Ortalyq Azııa elderinde kóptegen múmkindikterdi iske asyrý maqsatynda mektep túlekterine jaǵdaı jasaý qajettigin týǵyzýda. Aqparattyq-kommýnıka­sııa­lyq tehnologııalar (AKT) ha­lyq­tyń jumyspen qamtylýyn arttyrý, bilim berý men kásiptik daıarlaý sapasyn ósirý, sondaı-aq, jyldam ıkem­deletin eńbek naryǵy men tıisti bilim berý jáne kadrlar daıarlaý sektoryn qurý sııaqty ózekti máselelerdi sheshýge, sondaı-aq, bilim berý júıelerin jetildirýge aıtarlyqtaı septigin tıgizip otyr. Atalǵan sımpozıýmnyń kún tár­tibindegi negizgi másele osy áleýet­ti ashý joldaryn aıqyndaý bolmaq. Ortalyq Azııanyń kóptegen elderinde halyqtyń saýattylyq deńgeıi aıtarlyqtaı joǵary, bastaýysh jáne orta bilim berý deńgeıi de joǵary, sondaı-aq, genderlik teńdik qamtamasyz etilgen. Aı­maqta transformasııalyq úde­rister men ekonomıkany árta­raptandyrý oryn alýda. Ortalyq Azııa halqynyń basym kópshiligi aýyl turǵyndary, olar jumys álemine tıisti daıarlyq jasaý múm­kindigin ıelene bermeıdi, bul elderdegi jastardyń arasyn­da jumyssyzdyqtyń joǵary deńgeıde bolyp otyrǵanynyń birden-bir sebebi osy. CASIE maqsaty – osy artta qalýshylyqty qysqartyp, eńbek naryǵynyń muqtajdyqtaryna qaraı bilimdi barynsha qoljetimdi etip, kásiptik daǵdylardy damytýmen neǵurlym tyǵyz baıla­nystyrýǵa AKT qalaı járdem bere alatynyn zertteý. Sımpozıým jastardyń kásiptik bilimin qol­daý maqsatynda aqparattyq-kommýnıkasııalyq tehnologııalar damýynyń birqatar mańyzdy aspektilerin qarastyrýǵa baǵyt­talǵan. Sonyń ishinde: barshaǵa ashyq, ıkemdi jáne alýan túrli oqý múmkindikterin jasaý, oqy­týdyń is júzindegi tájirı­besine qoldaý kórsetý, aqparattyq bilimdi ny­ǵaıtý jáne oqýdy eńbek na­ryǵyndaǵy ózgeristerge beıimdeý saıasatyn damytý, AKT-dy bilim berý jáne oqý salasyna barynsha tereń kiriktirý baǵytyndaǵy yntymaqtastyq máse­leleri qaras­tyryldy. AKT-dy tabysty túrde endirip, qoldaný úshin úkimetterdiń, bilim berý salasyndaǵy áriptester men osy saladaǵy barlyq múddeli taraptardyń arasynda berik áriptestik qatynastar ornatý qajet. Sondaı-aq, halyqaralyq kún tártibine saı AKT áleýetin tolyq ashý úshin qajetti mate­rıaldyq qordy qamtamasyz etý úshin ınnovasııalyq tetikterdi paıdalaný kerek. Osyǵan baılanysty CASIE-2016 sımpozıýmynda jergilikti jáne halyqaralyq uıymdar osy aımaqta jáne odan tysqary jerlerde kásiptik-teh­nıkalyq bilim berý salasynda aq­parat taratý, yntymaqtastyqty damytý jáne tájirıbe almasý úshin óz jobalary men resýrstaryn kórsetetin kórme uıymdastyrdy. Sımpozıým sheńberinde 6 elden (Qazaqstan, Qyrǵyzstan, Mońǵolııa, Tájikstan jáne О́z­bekstannan) kelgen 60-tan asa maman birlesken talqylaý ja­saýǵa shaqyryldy. CASIE-2016 qatysýshylary Ortalyq Azııa elderiniń kásiptik-tehnıkalyq bilim berý salasynda AKT-dy paıdalaný daǵdylaryn damytýdaǵy problemalar men úrdisterdiń ahýaly týraly sholý daıyndap, aımaqta jáne odan tysqary jerlerde ony qoldaný tájirıbesin jınaqtap, budan keıingi jumysty júrgizý úshin usynys-keńester ázirleýi jáne jańa yntymaqtastyq josparlaryn qurýy tıis. Raýshan TÁÝIRHANQYZY, jýrnalıst