Keler jyly Astana qalasynda ótetin halyqaralyq «EKSPO» kórmesine bılet satý qyzý qarqyn aldy. Bas-aıaǵy 20 kúnniń ishinde bes myńnan asa bılet satyldy. Bul týraly keshe «Astana EKSPO-2017» UK» AQ basqarma tóraǵasynyń orynbasary Erbol Shormanov málim etti.
«О́zderińiz biletindeı, 10 maýsymnan bastap kórmege onlaın-bıletter satyla bastady. Jıyrma kún ishinde 5204 bılet satylsa, onyń 10 paıyzyn shetel azamattary satyp alǵan», – dep habarlady E.Shormanov.
Onyń málimdeýinshe, týrıstik agenttikter de kórmeniń bıletterin japa-tarmaǵaı satyp alyp jatqan kórinedi. «Týrıstik salanyń sýbektileri zor qyzyǵýshylyq tanytyp otyr, sol promo-kezeń bastalǵan 10 maýsymnan beri týrıstik operatorlar men resellerler 200 myńnan asa bılet satyp alǵan», – dep habarlady E.Shormanov.
«Egemen-aqparat»