[caption id="attachment_49277" align="aligncenter" width="560"] Foto: tass.ru[/caption]
Iraktyń Ál-Fallýdja qalasyna taıaý jerde áskerıler lańkesterge qarsy arnaıy operasııa jumystaryn júrgizdi. TASS aqparat agenttiginiń habarlaýynsha, AQSh koalısııasynyń jasaǵan áýe soqqylary kezinde 250 sodyrdyń kózi joıylǵan. Sonymen qatar, olarǵa tıesili 40 kólik talqandaldy.
О́tken aptanyń sońyna qaraı úkimet áskeri qosymsha kúshpen atalǵan qalany ekstremısterden azat etken bolatyn. Ál-Fallýdja 2014 jyly sodyrlardyń qolyna ótip ketken. «Meshitter qalasy» dep atalatyn bul mańaı Irak astanasy – Baǵdadtan nebári 65 shaqyrym qashyqtyqta ornalasqan.
24.kz-tiń aqparyna sáıkes, «Irak pen Levant lańkestik toby» sońǵy 3 jylda Irak pen Sırııanyń biraz jerin basyp alǵan edi. Olarǵa qarsy baǵyttalǵan shabýyl birtutas sıpatta emes. Jergilikti úkimettik qarýly kúshter, AQSh bastaǵan halyqaralyq koalısııa, sonymen birge kúrdtik, lıvandyq jáne shıittik jasaqtardyń bári kúresti óz aldyna jeke júrgizýde.
Aıan ÁBDÝÁLI.