[caption id="attachment_49286" align="aligncenter" width="560"] Foto: facebook.com[/caption]
Qazaq geografııalyq qoǵamy men zoologııa ınstıtýty birlesip «Qar barysyn qutqaryp qalaıyq!» degen atpen qar barysyn saqtap qalý jobasyn júzege asyrǵanyna da birshama ýaqyt boldy. Buǵan deıin Talǵar taýlarynda qylań bergen qar barysy jýyrda Ile Alataýyna ornatylǵan arnaıy foto-beıne qurylǵyǵa ilikti.
Álemde 4500-7000 bas qar barysy bar dep esepteledi. Al Qazaqstan terrıtorııasynda onyń sany 110-130 bas. Alataýdyń etegindegi qar barysyn saqtap qalý nıetimen qazaq geografııalyq qoǵamy men zoologııa ınstıtýty birlesip spýtnıkten baqylanatyn arnaıy foto-beıne qurylǵyny Ile Alataýynyń birneshe jerine ornatqan edi. Jýyrda spýtnıktik qurylǵynyń obektıvine qar barysymen qatar, taý sileýsini de ilindi.
Spýtnıktik telemetrııa apparaty elimizde tuńǵysh ret qoldanylyp otyrǵan qurylǵy. Ol arqyly taý barystaryn aspannan belgilep, olardyń júrý baǵytyn, qonys aýdarý úderisi men kóbeıý joldaryn erkin baqylaýǵa bolady. Mundaı qurylǵyny qazirde Nepal, Mońǵolııa, Reseı, Aýǵanstan jáne Qyrǵyzstan paıdalanyp, barystar men sırek kezdesetin ańdardy jiti baqylap keledi.
Baqylaýshy ǵalymdardyń aıtýynsha, foto-beıne kadrǵa túsip qalǵan qar barysy ózin Alataý tabıǵatynda erkin sezinip, ómir súrýine qolaıly ortada júrgendigi baıqalady.
Qanat ESKENDIR.
[caption id="attachment_49287" align="aligncenter" width="560"] Foto: facebook.com[/caption]
[caption id="attachment_49288" align="aligncenter" width="560"] Foto: facebook.com[/caption]
[caption id="attachment_49289" align="aligncenter" width="560"] Foto: facebook.com[/caption]