Azattyqtyń aıshyqty rámizi

Elimiz úshin árbir jyldyń bel ortasynda álemge bere­keli tir­ligin pash etip, jahan­ǵa jasam­paz isterin jarqy­rata kórse­tetin aıtýly mem­lekettik mere­keleriniń biri – Astana kúni ekeni aqıqat. Ǵasyrlar boıy eldikti ań­sap, erlikti jyrǵa qosyp, el or­­talyǵynyń qazyǵyn qaǵý­dy murat tutqan asyl baba­larymyz óz zamanynda «Qasha­ǵannyń uzyn quryǵy, Aq Or­danyń tireý syryǵy» dep Uly Dalanyń erkindigi men eńse­liligin ulyqtap ótkeni málim. Sol sııaqty Astana – ege­mendiktiń myzǵymas tuǵyry, azattyqtyń aıshyqty rámizi. Qazaqstan halqy aldaǵy Astana kúnin súıinshi habarmen, aqjoltaı jańalyqpen qarsy alatyny da kópshiliktiń kóńiline qýanysh uıalatýda. Elimizdiń Ortalyq Azııa aımaǵynan tuńǵysh ret BUU Qaýipsizdik Keńesiniń turaqty emes músheligine eki jyl­ǵa saılanýy memleketimizdiń már­tebesin asqaqtatty. Bul aıtýly jeńis Elbasy Nursultan Ábish­uly Nazarbaevtyń eldegi birlikti, álemdegi qaýip­sizdik pen beıbitshilikti saqtaý­ǵa baǵyttalǵan syndarly saıa­satynyń jemisi ekeni aqıqat. Birikken Ulttar Uıymynyń deń­geıindegi bul asqaraly senim memlekettiligimiz myzǵy­mas­tyǵynyń tarıhı dáleli, Otany­myzdyń dara damýynyń aıshyq­ty belgisi, qasterli Táýelsiz­diktiń tolaǵaı tabysy. Bıyl memleketimizdiń mereıli belesteriniń biri – el Táýelsizdiginiń 25 jyldyǵy. Azattyqtyń araıly tańy atqan bul qasterli de mártebeli meıramdy búkil halyq bolyp eleýli tabystarmen, nátıjeli kórsetkishtermen laıyqty qarsy alý eldigimizge syn. О́tken jyly 30 qarashada Qazaqstan Respýblıkasynyń Prezıdenti Nursultan Ábishuly Nazarbaev halyq­qa Joldaýynda atalǵan mereke­niń mańyzdylyǵyna aıryqsha toqtal­dy. Memleket basshysy: «Bul – táýel­sizdikti nyǵaıtý jolyndaǵy ólsheýsiz eńbegimizdiń shırek ǵasyrlyq belesin qorytyndylaıtyn mereıli sát. Táýel­sizdikti baıandy etý oǵan qol jetkizýden de qıyn. Memlekettigimizdiń tuǵyryn myzǵymastaı nyǵaıta túsý úshin bizge áli talaı ótkeli kúrdeli, ókpegi kóp buralań joldardan ótýge týra keledi», degen syndarly pikirin tujyrymdady. Búgingi tańda Táýelsizdiktiń máni men mazmunyn, asyl qundylyǵyn halyqqa jetkizýde naqty jumystar qolǵa alyndy. El Prezıdentiniń «Qazaq­stan Respýblıkasynyń 25 jyl­dyǵyn merekeleý týraly» Jarly­ǵy jarııalandy, arnaıy Memlekettik komıssııa qurylyp, ol týraly ereje men komıssııanyń derbes quramy bekitildi. Biregeı jyldy «Birlik pen jasampazdyqtyń 25 jyly» uranymen merekeleý týraly tujyrymdama qabyldandy. Sol sebepti, bul baǵytta atqarylyp jatqan jumystar Qazaqstan táýelsizdiginiń shırek ǵasyrlyq mereıtoıy – el tarıhyndaǵy betburysty kezeń ekenin, ol elimizdi túbegeıli jańǵyrtatyn uly reformalar jıyntyǵy – Ult Josparyn qarqyndy júzege asyrý kezeńine sáıkes kelip otyrǵanyn eskerýimiz kerek. Mereıli jyl elimizdiń táýelsizdigin odan ári nyǵaıtyp, memlekettilik tamyryn tereńdetip, halyqty rýhanı-mádenı jaǵynan biriktire túsýge, sabaqtastyq pen satylap damýdy qamtamasyz etý isine serpin berýi tıis. О́ıtkeni, Táýelsizdik jyldarynda Elbasynyń syndarly saıasatynyń arqasynda barlyq salalarda tabysty reformalar júzege asyryldy. Álemdegi eń qarqyndy damýshy elderdiń biri atanyp, dúnıejúzi elderine syıly, ári mártebeli memleket atandy. Qazaqstan eldegi beıbitshilik pen kelisimdi nyǵaıtyp, etnosaralyq jáne konfessııaaralyq tatýlyqty saqtaýdyń tarıhı úlgisin tanytty. Belgili nemis fılosofy Novalıstiń «Anglııa ǵana emes, árbir aǵylshyndyqtyń ózi jeke aral» degen sózin eske alsaq, elimiz­diń eń bas­ty baılyǵy – Qazaqstan aza­mattary. Sondyqtan, qasıetti táýel­sizdigimizdiń arqasynda elimizdiń qol jetkizgen osy qomaqty tabystaryn Otanymyzdyń túkpir-túkpirinde beıbit tirlikte ómir súrip jatqan árbir azamaty janjúregimen aıryqsha sezinýi qajet. Táýelsizdiktiń shırek ǵasyrlyq belesindegi taǵy bir taǵylymdy qadam – elimizde uzaq jyldar ajal ýytyn sepken Semeı ıadrolyq synaq alańy­nyń b irjola jabylýy der edik. 1991 jyly 29 tamyzda Elbasy Nursultan Ábishuly Nazarbaev «Semeı ıadrolyq synaq polıgonyn jabý týraly» dáýirlik máni bar tarıhı Jarlyǵyna qol qoıdy. Sonyń nátıjesinde, 29 tamyz Qazaqstannyń bastamasymen búgingi tańda Iаdrolyq synaqtarǵa qarsy is-qımyldyń halyqaralyq kúni bolyp belgilendi. Bul týraly BUU Bas Assambleıasynyń arnaıy qarary qabyldandy. Bul aıtýly datanyń adamzat tarıhyndaǵy mańyzyn eskere otyryp, bıylǵy jyly Vashıngtonda ótken Iаdrolyq qaýipsizdik jónindegi IV sammıtte Elbasy N.Á.Nazarbaev óziniń jańa syrtqy saıası bastamasy – «Álem. HHI ǵasyr» manıfesin jahanǵa jarııa etti. Mańyzdy qujat halyqaralyq turǵydan keń serpilis týǵyzyp, BUU-nyń resmı qujattarynyń tizbesine endi. Manıfest óziniń ózektiligi men mazmundylyǵy boıynsha qazirgi tańda Jer-jahandy alańdatyp otyrǵan asa mańyzdy máselelerdi qamtýymen barsha álem jurtshylyǵynyń nazaryna ilikti. Elbasynyń halyqaralyq deńgeı­degi tarıhı qujaty qa­zirgi álemdik shıelenisterdiń asqynyp ketken tusynda ha­l­yq­aralyq jaǵdaıdyń kúretamyrly máselelerin sıpattap berýimen de qundy. Memleket basshysy dúnıejúzindegi dúmpýlerge sebep bolyp otyrǵan san alýan faktorlardy saraptaı otyryp, kóshbasshy elderdiń basshylaryna alańdaýshylyqpen jáne erekshe yqylaspen qazirgi álemdik qurylys júıesindegi teńgerimsizdikti odan ári boldyrmaýǵa jáne halyqaralyq qaýip­sizdikti nyǵaıtýǵa baǵyt­tal­­ǵan naqty sharalardy qabyl­daý­ǵa shaqyrdy. Memleket basshysy álemdik qurylysqa syn-qater tóndiretin jahandyq jáne óńirlik ózgerister oryn alyp jatqan­dy­ǵynyń shúbásiz shyndyǵy aıqyn baı­qalyp turǵan jańa myń­jyldyq mańyzdy saıa­sı, áske­rı jáne gýmanıtarlyq oqı­ǵalar­ǵa toly ekendigin eske saldy. Manıfeste kórsetilgendeı, beıbitshilik pen halyq­aralyq qaýipsizdikke qazirgi qa­terlerdiń múmkindigi men áreketi burynǵylardan áldeqaıda qaýipti. Olar osy ǵasyrda jahandyq sıpat alyp, ózge qaýipti segmentterdiń basyn quraıdy. Osy jaǵdaıdy eskere otyryp, Elbasy beıbitshilik pen halyqaralyq qaýipsizdikti jahandyq yntymaqtastyqqa qol jetkizý arqyly qamtamasyz etýdiń syndarly jolyn usyndy. Jahanda qalyptasqan osyndaı qaýipti jaıtterdi eskerer bolsaq, álemdik saıası jáne ekonomıkalyq turaqsyzdyq jaǵdaıynda tek birtutas jáne berik toptasqan ult qana óz taǵdyryn derbes aıqyndaýǵa, bolashaǵyn qurýǵa qabiletti bolatynyna taǵy da anyq kóz jetkizemiz. Bıyl el Táýelsizdiginiń 25 jyldyǵy aıasynda «Táýelsizdik. Kelisim. Bolashaǵy Birtutas Ult» atty kún tártibimen ótken Qazaqstan halqy Assambleıasynyń XXIV sessııasynda jahandyq transformasııa men ekonomıkalyq týrbýlenttik kezeńinde Qazaqstandy ilgeri damytýdyń sharty retinde beıbitshilik pen kelisimdi nyǵaıtýdyń mańyzdylyǵy jan-jaqty ashyp kórsetildi. Sonyń is júzindegi aıqyn dáıektemesi retinde atalǵan sessııada «Máńgilik El» Patrıottyq aktisi qabyldandy. Bul máni tereń Patrıottyq aktini qabyldaý jónindegi uıǵarym biraz jyldardan beri egjeı-tegjeıli ekshelip, tarazylanyp, halyqtyń júregindegi asqaq murattary suryptalǵany belgili. Aıtalyq, Elbasy N.Á.Nazarbaev 2014 jylǵy 15 jeltoqsanda Táýelsizdik kúnine arnalǵan saltanatty jıynda sóılegen sózinde: «Halyq ómiri onyń kelesi urpaǵymen jalǵasyp otyrady. Sondyqtan halyqtyń máńgiligi týraly armannan asqaq arman joq. Máńgilik El – bul erteńgi kúnge esik ashatyn, bolashaqqa senimdi arttyratyn ıdeıa, bul – keri qaıtpaıtyn j áne berik turaqtylyqtyń sımvoly», dep el-jurttyń nazaryna saldy. «Máńgilik El» Patrıottyq aktisine keler bolsaq, «Biz, baıyrǵy qazaq jerinde bir taǵdyr jáne tarıhı jad arqyly baılanysqan, Uly Dala eliniń dańqty tarıhy men dástúrlerin jalǵastyrǵan Qazaqstan azamattary, kóptegen urpaqtyń táýelsizdik týraly armanyn iske asyryp, bolashaq urpaq aldyndaǵy qasıetti paryzymyzdy, beıbitshilik pen kelisimniń, birlik pen tutastyqtyń mańyzdylyǵyn sezinip, qoǵam men memlekettiń joǵary múddelerin negizge ala otyryp, Táýelsizdiktiń 25 jyldyq mereıli jylynda osy «Máńgilik El» Patrıottyq aktisin qabyldaımyz», dep bastalatyn tarıhı qujatta Elbasynyń mańyna toptasý arqyly biz uly jetistikterge toly joldan ótkenimiz jáne búginde ózimizdi Táýelsiz Qazaqstannyń – qýatty ári tabysty memlekettiń azamatymyz dep maqtanyshpen aıtatynymyz keler urpaqqa amanat retinde tasqa basyldy. Sonymen birge, el azamattarynyń Nursultan Ábishuly Nazarbaevtyń tarıhı «Táýelsizdik tolǵaýyn» negizge ala otyryp, Bolashaǵy Birtutas El – Máńgilik Eldi qurý jolynda birge ekeni, Máńgilik Eldiń ózeginde qarapaıym, túsinikti jáne bizdiń árqaısymyz úshin eń qymbat aqıqattar – otbasymyzdyń amandyǵy, qonaqjaılyq jáne eńbeksúıgishtik, turaqtylyq, qaýipsizdik jáne birlik, erteńgi kúnge degen senim uǵymdary ornyqqany, Máńgilik Eldiń myzǵymas Jeti tuǵy­ryn n yǵaıtýǵa, saqtaýǵa jáne urpaqtan urpaqqa amanat etýge shaqyratyny kórsetildi. Taǵylymdy qujattaǵy: «Máńgilik El, bul – Táýelsizdik jáne Astana. Biz táýelsizdikti nyǵaıtýdyń tarıhı uly mıssııa­syna adal bolamyz. Biz Astanany halqymyzdyń gúldenýi men qýa­tynyń jarqyn belgisi retinde árqa­shan maqtan tutatyn bolamyz» degen sózder Táýelsizdik pen Astana uǵym­darynyń ajyraǵysyz bir ekenin nemese birin biri rámizdik turǵyda tolyqtyryp turatynyn taǵy da dáleldeı túsedi. Eńseli elordanyń Esildiń jaǵa­syn­daǵy baıtaq mekenge kóshirilýi el Prezı­denti Nursultan Ábishuly Nazarbaevtyń esimimen tikeleı baılanysty ekeni málim. Osynaý qundy ıdeıa­ny halyqqa usynyp, ony júzege asyrý jolynda erekshe saıası erik-jiger, tulǵalyq qajyr-qaırat, tabandylyq tanytqan Elbasy osy sheshimi arqyly el damýynyń taǵy bir jańa arnasyn ashyp bergenin búgingi tarıh dáleldep otyr. Bul tarıhı sheshimniń túp-tórkini táýelsizdikke qol jetkizgen elimizdiń senimdi jarqyn bolashaǵy bolýy úshin, álemdik órkenıet aıdynynda kememizdiń ózgelermen óresi birdeı bıikterdi betke alyp júzýi úshin san oılanyp, san tolǵanǵan sarabdal danalyqta jatyr. Bas qalalardy aýystyrýdyń birqatar halyqaralyq tájirıbelerine toqtalsaq, taıaý merzimde HHHI Jazǵy Olımpıadany ótkizýge ázirlenip jatqan Brazılııanyń Rıo-de-Janeıro qalasy atalǵan eldiń baıyrǵy ortalyǵy bolyp tabylady. Qala halqynyń kúrt ósýi jáne shahardyń muhıt jaǵalaýyna oryn tebýi memlekettiń ózge óńirlerimen baılanysyna birshama qıyndyqtar týǵyzǵany belgili. Sondyqtan, 1960 jyly bas qala mártebesin eldiń ortalyǵynda ornalasqan Brazılıa qalasy alyp, memlekettiń jan-jaqty damýyna jol ashty. Mundaı mysaldy Azııa jolbarys­tary­nyń biri – Malaızııanyń óz astanasy Kýala-Lýmpýrdan jańa turpat­ty Pýtradjaıa qalasyna kóshirý tájirı­besimen de keltirýge bolady. Qazaq­stan Prezıdenti 1997 jylǵy 20 qazan­da Aqmola qalasyn sol jylǵy 10 jel­­toqsannan bastap Qazaqstan Respýb­lı­kasynyń astanasy etip jarııalaý týraly Jarlyqqa qol qoıdy. Al 1998 jylǵy 6 mamyrda «Qazaqstan Respýblıkasynyń astanasy Aqmola qalasyn Qazaqstan Res­pýblıkasynyń astanasy – Astana qalasy dep qaıta ataý týraly» Jarlyǵyn jarııa­lady. Sonymen, elimizdiń bas qalasy táýelsiz memleketimizdiń jańa elordasy – Asta­na qalasy degen jasampaz jańa ataý­men álem kartasynan oıyp turyp oryn aldy. HVI ǵasyrda erlik pen eldiktiń jyryn erkin tolǵaǵan Dospambet jyraýdyń «Eńsesi bıik aq orda – emine kirer kún qaıda» degen arman-muraty qazirgi tańda aqıqatqa aınaldy. Búginde Astana jańa ǵasyrdyń jaýhar qalasy retinde el-jurttyń emine kirip, eldiktiń saltanatyn sezinip, halyqtyń eńsesin tikteıtin shattyq rýhynyń shahary retinde ornyqty. Sol sebepti, Qazaqstan halqynyń elordamen óz taǵdyryn, óser urpaǵynyń keleshegin baılanystyrǵysy kelgen úkili úmiti Astana turǵyndary sany­nyń kúrt ósýine negiz saldy. О́tkenge sholý jasasaq, 1997 jylǵy 13 jeltoqsanda Astanada ótken saltanatty jınalysta Elbasynyń: «Astanaǵa sáıkes kelýge tıis 32 ólshem aıqyndaldy. Olardyń arasynda – áleýmettik-ekonomıkalyq kórsetkishter, aýa raıy, jer bederi, seıs­mı­kalyq jaǵdaıy, qorshaǵan orta, ınje­ner­lik jáne kólik ınfraqurylym­darynyń, kommýnıkasııalardyń qolda bary men damý perspektıvalary, qurylys kesheni, eńbek resýrstary jáne basqalar. Árıne, eldiń damýynyń alys keleshegi men strategııalyq múddeleri de esepke alynýy tıis boldy. Báriniń ishinde Aqmola nusqasy neǵurlym qolaıly bolyp shyqty», degen sózderi búginde shuǵylaly shyndyqqa aınaldy. Qazirgi ýaqytta Astana eldiń barlyq óńiri boı túzeıtin órkendi qalalardyń qatarynda tur. Halyqaralyq «Moodys» reı­tıngtik agenttigi júrgiz­gen zertteý­lerge qaraǵanda, Astana Bı-eı-eı 3 reıtıngine tolyq sáıkes keledi. Mundaı kórsetkishke ınvestısııa tartýǵa qolaıly, damý qarqyny jáne áleýmettik ahýaly turaqty, bolashaǵy zor sanalatyn qalalar ǵana iligedi. Ondaı qalalardyń qataryn­da qazirgi ýaqytta Barselona, Ystan­bul, Madrıd, Rıga sııaqty irgeli sha­harlar bar. Sonymen birge, Astana elimizdiń elordasy ǵana emes, úlken ekonomıkalyq aımaq retinde de joǵary damý qarqynyn kórsete bastady. Máselen, ótken jyly el­orda Qazaqstan ekonomıkasy ósiminiń 40 paıyzyn qamtamasyz etti. Astananyń ishki jalpy óniminiń ósimi de ózge óńirlerden oq boıy ozyq shyǵyp, bes paıyzdyq ósimdi kórsetti. Statıstıkalyq málimetter boıynsha óńirlik jalpy ónimniń kólemi 4 trıllıon 560 mıllıard teńgege jetken Astana qalasy búginde ósim qarqyny boıynsha elimizde birinshi orynda tur. Sonymen qatar, elordada bala­lar­dyń 84,5 paıyzy mektepke deıingi bilimmen qamtylǵan, balabaqshalar men mektepter qurylysy jalǵasýda. 2015 jyly jańa týǵan 100 myń sábıge shaqqanda ana ólimi 7 adamǵa teń bolsa, bıylǵy birinshi toqsanda bul kórsetkish nólge teńesken. Elorda barlyq baǵyt boıynsha úlgi kórsetýde. «Aqyldy qalany», balama energetıkany damytý, jylýmen jabdyqtaý, kóshelerdi abattandyrý, avtoturaqtar salý baǵytynda ıgilikti ister júzege asyrylýda. Jańa ónerkásipti damytý da elordadan bas­taý alýda. Memleketimizdiń údemeli ındýs­trııalyq-ınnovasııalyq damý baǵdarlamasy aıasynda Astanada shyǵarylǵan «Tulpar-Talgo» vagondarynan quralǵan júrdek jolaýshylar poıyzdary elimizdiń barlyq óńirine qatynaıdy. Elordalyq zaýytta otandyq ónim kólemi 20 pa­ıyz­dan asyp, búginge deıin 400-den astam jolaýshylar vagony paıdalanýǵa berilgen. Astanaǵa tórtkúl dúnıe kóz tigip otyr­ǵan irgeli jobalardyń biri – kelesi jyly elorda tórinde ótetin «As­tana EKSPO-2017» mamandandy­rylǵan kórmesi ekeni belgili. Áıgili kórmege qatysatyny jóninde qazir­ge deıin dúnıejúziniń 91 eli men 15 ha­lyqaralyq uıym rastady. Nátıje­sinde, kelesi jyly elordadaǵy halyq­aralyq kórmege 3 mıllıon adam kelip, jalpy alǵanda, 5 mıllıon adam qaty­sady dep mejelenýde. 174 gektar aýmaq­ty alatyn kórme nysandarynyń qury­lysynda búginde 10 myńnan astam adam turaqty jumys isteýde. Qazirgi ýaqyt­ta energııa kózderin únemdeý, kún ener­gııa­syn balama qýat kózi retinde paıda­laný, radıo baılanysy, tekserý qu­ral-jabdyqtary jáne basqa da ıgilik­ti jobalardy kelýshilerge pash etýdiń naqty sharalary júzege asyrylýda. Elordada 2017 jyly jumysyn bastaıtyn «Astana» halyqaralyq qar­jy ortalyǵy EKSPO-2017 kórme­siniń jıyrma shaqty nysanyna orna­lastyrylatyny da bas qalanyń iskerlik áleýetin arttyra túspek. 20-ǵa jýyq nysannyń 14-i halyqaralyq pavılon, korporatıvti pavılon, kórme uıymdastyrýshylar keńsesi, kongress keńse, kongress ortalyq, «Ulttyq kún» pavılony, «Energııa» holy, qalǵany basqalaı nysandardy quramaq. Biregeı arhıtektýralyq keshen túrindegi kórmeniń muralary, sondaı-aq kórmeniń kóptegen eksponattary, ǵylymı jetistikter men aldyńǵy qatarly tehnologııalar ınno­vasııalyq Qazaqstannyń bolashaq irgeta­syna aınalmaq. Bular elordaǵa keletin mártebeli meımandar men týrıs­terdiń nazaryn aýdartatyn bir­den-bir nysandar bolatyny sózsiz. «Astana» qarjy ortalyǵy halyq­aralyq quqyqtar negizinde jumys jasaıtyn bolady. Jańa qarjy qury­ly­mynyń jumys tili – aǵylshyn tili bolyp bekitilgen. Arnaıy qabyldanǵan zańda kórsetilgendeı, qarjy ortalyǵynyń qatysýshylary 2066 jyldyń birinshi qańtaryna deıin korporatıvtik kiris salyǵynan, múlik jáne jer salyǵynan bosatylady. Iаǵnı, elý jyldaı osy salyq túrlerin tólemeıdi. Buǵan qosa, sheteldik qyzmetkerler de jeke kiris salyǵyn tóleýden bosatylǵan. Bylaısha aıtqanda, qarjy ortalyǵyna iri kólemde ınvestısııa salatyn alpaýyt kompanııalar men onda jumys jasaıtyn sheteldik myqty mamandar quqyqtyq jaǵynan myqtap qorǵalady. Ekonomıkalyq yntymaqtastyq jáne damý uıymyna múshe elderdiń, Malaızııa, BAÁ, Sıngapýr men Monako, sondaı-aq, Qazaqstan Respýblıkasy Úkimeti aıqyndaǵan elderdiń azamattaryna 30 kúntizbelik merzimge elimizge vızasyz kirý quqyǵy berilgen. Astana tek sáýletinde sán tunǵan ǵıma­rattarymen, keremet úlgidegi keshenderimen, abat nurǵa bólengen barsha bol­my­symen ǵana emes, turǵyndary izgilikti, tatýlyǵy jarasymdy óńimen de ózgeshelenedi. Beıbitshilik qalasy atanǵan qazirgi elorda mádenıet pen óner­diń óristi ordasyna aınaldy. Búgingi tańda elordada 70 mádenı ortalyq jumys istep, onda 2000-nan asa sala qyzmetkerleri eńbek etetini kóńil qýantarlyq jaǵdaı. О́tken jyly Astanada Qazaq handyǵynyń 550 jyldyǵy, el Konstıtýsııasynyń 20 jyldyǵy, Qazaqstan halqy Assam­bleıasynyń 20 jyldyǵy, Uly Je­ńistiń 70 jyldyǵy eldik deńgeıde ótkizilip, osy mereıtoılarǵa arnalǵan 7 myńnan astam mádenı sharalar uıymdastyrylyp, 3 mıllıonǵa jýyq kórermenniń qatysýy elorda máde­nıetiniń eńse tiktegenin naqty dáleldeıdi. О́tkenge taǵzym jasaýda, saıası qýǵyn-súrgin qurbandaryna arnalǵan «ALJIR» mura­jaı keshenine kelý­shiler sany tolastaǵan emes. Elor­dadaǵy 23 kitap­hanadaǵy 700 myń kitap qory astanalyqtardyń rýhanı azy­ǵyna aınalyp otyrǵany da ıgilikti kór­setkish. Sondaı-aq, bas qaladaǵy álem­dik talaptarǵa saı keletin basqa da mádenı jaýharlar Astana qalasynyń turǵyndary men meımandaryna ár­daı­ym esigin aıqara ashyp, táýelsiz elimiz­diń mádenı áleýetin pash ete bermek. Osylaısha, shırek ǵasyr kóleminde baıandy bolashaqqa qaraı baıypty qadamdar jasap kele jatqan Qazaqstan halqy óziniń túpkilikti muraty – Máńgilik Eldiń qazyǵyn azattyqtyń aıshyqty rámizi Astanada qaǵyp, myzǵymas memlekettiliktiń shuǵylaly nuryn Uly Dala eline tarata beretinine senimdimiz. Gúlshara ÁBDIQALYQOVA, Qazaqstan Respýblıkasynyń Memlekettik hatshysy