О́ńirlerdiń belsendiligi qajet

«Astana EKSPO-2017» UK» aksıonerlik qoǵamy ofısiniń májilis zalynda vıse-premer Baqytjan Saǵyntaevtyń tóraǵalyq etýimen EKSPO halyqaralyq kórmesi aıasynda óńirlermen qarym-qatynas jáne ony ilgeriletý máseleleri boıynsha keńeıtilgen májilis bolyp ótti. Oǵan EKSPO kórmesin ótkizýge baılanysty jaýapkershilik júktelgen elimizdiń barlyq oblystary men Astana jáne Almaty qalalary ákimderiniń orynbasarlary qatysty. Keńeıtilgen májiliske qatys­qan­dardyń aldynda «Astana «EKSPO-2017» UK» AQ-tyń bas­qar­ma tóraǵasy Ahmetjan Esi­mov baıandama jasady. «Osy jıyn barysynda atap kór­se­til­ge­nindeı, biz elordada ótetin EKSPO kórmesin tamasha­laýshy­lardyń qatary kóp bola­tyn­dyǵyna tánti bolǵandaımyz. Osyǵan baılanysty barlyq óńir­lerdiń ákimdikterin kórmege keletin týrıster legin rettep oty­rýǵa shaqyramyz. Kórme ótetin kúnderi óńirlerden Asta­naǵa aǵylatyn adamdar legi kóp bolady. Sondyqtan tár­tip pen rettilik óte qajet. Ekin­shiden, biz kólik-logıstıka máse­lesine, kelgen qonaqtardy, oqý­shy­lardy ornalastyrýǵa jáne olar­dyń qaýipsizdigine erekshe kóńil bólýimiz kerek. Bul rette óńir­lerdiń ákimdikteri ulttyq kompanııamen jáne Astana qalasy ákimdigimen tyǵyz baılanysta jumys isteýi kerek», dep atap kórsetti baıandamashy. Odan ári Ahmetjan Esimov EKSPO kórmesine bılet satý naýqanynyń bastalǵanyn atap kórsetti. Qazirgi kúnderi onlaın rejimi boıynsha bılet sa­tý barlyq óńirlerde óris alǵan. Ústimizdegi jyldyń 1 qyrkúıe­ginen bastap oflaın rejimin­degi bılet satý úrdisi bastaý ala­dy. Bul rette ulttyq kompa­nııa bastyǵy elimizdiń týrıs­tik bıznesi salasynyń ókilde­rine úlken jaýapkershilik júkte­le­tindigin atap kórsetti. «Halyqaralyq dárejedegi mundaı iri sharalar ótkizilgen kezde týrıstik kompanııalardyń bel­sendilik kórsetýi dástúrli jaǵdaı. Jaqynda biz IýNVTO-nyń (BUU-nyń búkilálemdik týrıs­tik uıymy) bas hatshysy Taleb Rıfaımen kezdesip, memorandýmǵa qol qoıdyq. EKSPO kórmesi ke­zinde keminde 100 memlekettiń týrızm mınıstrleri qatysatyn halyqaralyq konferensııa ót­kizý týraly ýaǵdalastyqqa qol jetkizdik. Ispanııanyń týrızm jónindegi agenttiginiń bas dırek­tory Marto Blankomen júzdes­kenimizde, ol Ispanııa eliniń IJО́-siniń 11 paıyzy týrızm úlesine tıesili ekenin, turǵyndardyń 13 paıyzy osy salada eńbekpen qamtylǵandyǵyn, týrızm ulttyq ekonomıkanyń ekinshi iri salasy ekendigin atap kórsetti. El eko­nomıkasyna jyl saıyn týrızm salasynan 67 mıllıard eýro túsim túsedi eken. Al elimizdiń Ulttyq bankiniń derekteri boıynsha Qazaqstannyń týrızm sala­synyń tólem balansy keri ketken (mınýs 400 mıllıon AQSh dollaryna teń). Elimizge keletin qonaqtardyń ishinde týrızm maq­satymen keletinderi 1 paıyzdy ǵana quraıdy, ıaǵnı 60 myń adam mólsherinde. Al EKSPO kór­mesi ótetin 3 aı ishinde biz bul kórsetkishti 5-7 ese arttyrýymyz kerek. Endeshe, jaǵdaıdy túbi­rimen ózgertý úshin biz barlyq uıym­dastyrýshylyq sharalaryn utymdy ótkizýimiz kerek», dedi ulttyq kompanııa basshysy. Odan ári ulttyq kompanııa bas­shysy volonterlik korpýstyń jumysyn oıdaǵydaı uıym­das­tyrý máselesine toqtaldy. Volon­terlar – EKSPO kórme­siniń aınasy ǵana emes, sonymen birge, elimizdiń de aınasy bo­lýǵa tıis. Ulttyq kompa­nııa bas­shysy elimizdiń kópte­gen óńir­lerinde EKSPO logo­tıpi tıisti dárejesinde paıda­la­nyl­maıtyndyǵyn aıtty. Sonymen birge, keıbir sheneý­nikter oryn alǵan kemshilikterdi EKSPO-2017 halyqaralyq kórmesin ótkizý sharasymen búr­kemeligisi keletin kórinedi. Máse­len, ótken aptada Astana qala­sy avtomobıl joldary basqar­masynyń basshysy teledıdar arqyly qaladaǵy keıbir kóptegen kóshelerdiń joldary EKSPO kórmesin ótkizýge baılanysty qolǵa alynbaı otyrǵandyǵyn aıtqan. Al Qosshy kentiniń ákimi BAQ ókilderine bergen suhbatynda jol jóndeýge bólingen barlyq aqshanyń EKSPO-ǵa aýdarylǵandyǵy jóninde teris málimet taratqan. Ońtústik Qazaqstan oblysynda turǵyn úı qurylysy osy sharaǵa baılanysty tejelip otyrǵandyǵy alǵa tartylǵan. Osyndaı mysaldardy kóptep keltire kelip, Ahmetjan Esimov jergilikti she­neýnikterdiń jumystaǵy kemshi­likterdi halyqaralyq shara ótkizý oqıǵasymen búrkelemek bolǵan pıǵyldaryna qatań tyıym salý kerektigin eskertti. Ulttyq kompanııa basshysy atap kórsetkendeı, EKSPO kór­mesiniń qalashyǵyn salý búgin­gi tańda elimiz úshin naqty daǵ­darysqa qarsy joba bolyp otyr. Kórme qalashyǵynyń qury­lysynda búginde 11 myńnan astam qazaqstandyqtar eńbek etý­de. Sonymen birge, kórmege qatys­ty ónimder shyǵaratyn bar­lyq óńirlerdegi otandyq kásip­oryndarda 30 myńnan astam adam eńbekpen qamtylǵan. Kórme nysandary qurylysyn turǵyzýǵa 262 otandyq taýar óndirýshi kásiporyndar tartylyp, jalpy kólemi 36,8 mıllıard teńgeniń kelisimsharttary jasalǵan. Jalpy kólemi 244 mıllıard teńgeni quraıtyn ınvestısııalyq jobalar iske asyrylýda. Tek osy ınvestısııalyq jobalardyń nátıjesinde ǵana 5300 qosymsha jumys orny ashylǵan. Qazirdiń ózinde álemniń 91 memleketi jáne 15 halyqaralyq bedeldi uıym «Astana EKS­PO-2017» halyqaralyq maman­dan­dyrylǵan kórmesine qatysýyn rastady. Jalpy, elordadaǵy kórmege 100 memleket, 15 halyq­aralyq uıym qatysady dep kúti­lýde. Sısko, Samsýng, Shell, DHL, Djeneral Elektrık sııaqty álemge tanymal iri kompanııalar elordada ótetin EKSPO-2017-niń seriktesteri bolyp tabylady. Ulttyq kompanııa basshysy sózi­niń qorytyndysynda EKSPO kór­mesin ótkizýge daıyndyqty baryn­sha yjdahatty júrgizýdiń halyq­aralyq dárejede elimizdiń bede­lin arttyrýda zor mańyzy bola­tyndyǵyn atap kórsetti. Jylqybaı JAǴYPARULY, «Egemen Qazaqstan»