Mártebe jáne jaýapkershilik

QHA Keńesiniń múshesi, Qazaqstandaǵy «Barbang» kúrdter assosıasııasynyń prezıdenti Knıaz Mırzoevpen áńgime – Knıaz Ibragım­uly, Birikken Ulttar Uıymynyń Qaýipsizdik Keńesine turaqty emes múshe bolyp saılandyq. Bul sheshim shyqqansha, barsha qazaqstandyqtar bir kisideı elimizdiń ti­leýin tilegenimiz ras. Qazaqstandaǵy ult­tar dostyǵynyń úndeý­shisi retinde osy bir qýa­nyshty habar jóninde ne aıtqan bolar edińiz? – Bul biz úshin zor qýanysh arqalaǵan súıinshi habar boldy. Dál búgingi geosaıası ahýal ushynyp turǵan shaqta, demokratııany jeleý etken astyrtyn áreketshilerdiń qaǵynyp turǵan shaǵynda, kórshi bolyp qatar jasap kele jatqan memleketterdiń arasyna shoq tastap, qyrǵı-qabaq etip qoıatyn surqııa áreketter asqy­nyp turǵan kezde mundaı búkil álemdik qabyrǵaly uıymǵa múshe bolý – el Táýelsizdigi men damý turaq­ty­lyǵynyń kepili ekendigine daý joq. Jaqsy habardy estı sala, ózim­niń kıeli shańyraq – Qazaqstan halqy Assambleıasy aıasynda Qazaq eliniń birligi men yntymaǵyna, damýy men ilgeri basýyna úles qosyp kele jatqan áriptes-zaman­dastaryma, osyndaǵy ózge ult etnomádenı birlestikteriniń jetek­shilerine habarlasyp, eli­miz­diń jańa bir senimdilikke ıe bol­ǵa­nyn, Memleket basshysy Nursultan Nazarbaevtyń álemniń aı­tý­ly elderin sharlap, altyn besik – Qa­zaq­­sta­ny­myz­dyń da­mý­y men álem­de eń­sesi bıik elder qatarynan kóri­nýi­ne bel sheshe at­qa­­ryp júrgen eren eń­begi osylaısha ta­ǵy bir bıikten kórin­­gen­digin aıtyp, óz­ara bir qýanysyp qal­dyq. – Kúlli álemniń qaýip­sizdigin qada­ǵa­laıtyn bul Keńeske múshe bolý – oń jambasqa ıkemdep, qaǵyp sala beretin ońaı sharýa emes. Dúnıe­niń damýyna ózin­dik úles qosyp otyr­ǵan 200-ge tarta mem­le­ket daýysqa salyp, sonyń 138-i Qazaqstanǵa shar salyp, qal­ǵany bizben baq sy­nas­qan Taı­landqa búırek burypty... – Taıland – Azııadaǵy ekpindi damyp kele jatqan memleket, máde­nıeti, qolóneri, syrtqy dúnıemen baılanysy ábden py­syq­talyp, jolǵa qoıylǵan el. Al bizdiń Táýelsiz el bolǵanymyz – keshe ǵana bolsa, Taılandtyń ha­lyq­aralyq saıası-ekonomıkalyq baılanysqa áldeqashan shyǵyp, bizden buryn ornyǵyp úlgergeni belgili. Biraq: «Nege barsha daýys berýshi elder bizdi tańda­dy?» degen suraq ózdiginen bas kótereri anyq qoı. Bul – bizdiń Qazaq eliniń, beıbitsúıgish Qazaq­stan memleketiniń álemge ta­nyl­ǵandyǵynyń belgisi bolsa, osyn­daı berekeli eldi basqaryp, túrli saıa­sı ahýaldardyń arasynan barsha jurtpen til tabysa otyryp, esh qıynshylyqqa uryndyrmaı bas­tap kele jatqan Nursultan Nazarbaevtaı Elbasymyzdyń ustan­ǵan saıasatynyń naqty nátı­jesi. Ǵasyrdyń shıregindeı ǵana ýaqyt aralyǵynda tutas mem­le­ketterdiń taǵdyryn sheshetin azýly elderdiń aldynda abyroıǵa ıe bolý ońaı ma? Halyqaralyq deńgeıde óz ustanymyn saqtap qana qoımaı, ony dáleldep, ózgeniń senimine ıe bolý úshin bir ǵasyr degenińizdiń ózi memleket úshin sóıleýdi jańa úırengen sábıdeı ǵana merzim. Onyń syrtynda alyp eldermen kórshi bola otyryp, basqa álem, ózge mádenıettiń tasqyny aqtaryla salatyn Azııa men Eýropanyń kindik beldeýinde turyp, halyqaralyq saıasat pen álemdik ekonomıkanyń júrdek kóshine ilesý – árıne, syrtkóz synaı otyryp salmaqtaıtyn baǵa. Birikken Ulttar Uıymynyń Jarǵysy boıynsha jahandyq qaýipsizdik pen beıbitshilikti saq­taýǵa ókilettengen eń mańyzdy saıası organnyń quramyna tarıhta birinshi bolyp Ortalyq Azııa kóleminde saılanǵan memleket bolý – jahan aldyndaǵy mártebemen qatar, úlken jaýap­ker­shilik. О́z basym Qazaq eli men onyń Memleket basshysy bul jaýap­­ker­shilikti de abyroımen alyp júre alatyndyǵyna kámil senemin! Áńgimelesken Qanat ESKENDIR, «Egemen Qazaqstan» ALMATY