El ómirindegi uly oqıǵa

Eldiń de, erdiń de ómirinde erek­she este qalatyn asa qym­bat kúnder, uly oqıǵalar bola­dy. Táýelsizdiktiń 25 jy­lyn­­­da tar­lan tarıh tańǵal­ǵan asa bıik asý­lar­dan asqan Qa­zaq­­­­­stan taǵy bir bıik shyńǵa shyqty. Qýan, qazaq, qýanatyn kún búgin, Shattyq ánin shalqytatyn týdy kún! Men de búgin shabytymdy shaqyryp, Jyrmen asham qýanyshtyń túndigin! 2016 jyly 28 maýsymda Qazaq­stan Birik­ken Ulttar Uıymy Qaýipsizdik Keńesi­niń turaqty emes múshesi bolyp saılan­dy. Bul – elimizdiń basyna baq qonǵan baqytty kún! Baqyt ońaı qonbaıdy. El men Erdiń tarıhı uly jeńisi – eń aldymen Elbasy Nursultan Ábishuly Nazarbaevtyń kemel oıly, keń qulashty kóregendigi­niń, álemdik deńgeıdegi asa bıik bedeliniń jemisi. Jaratqan Iemniń Nursultanǵa jomarttyqpen syılaǵan som altyndaı san qyrly talantynyń jeńisi! «Adamda jaqsy qasıet bolmasa, oǵan baqyt ta, baq ta qon­baı­dy» (Júsip Balasaǵun). Qazaq­stannyń basyna qonǵan baq Er men Eldiń tarıhı Uly jeńisi! Saıa­sat ta egin sııaqty, ne ekseń sony orasyń. Elbasy el tizginin us­ta­ǵaly danalyq dánin seýip keledi. Elimiz saıasat álemindegi sol bitik egindi oryp jatyr. Nursultan Nazar­baev syndy kósh bastaǵan kemeńger kós­emi, eńbekker halqy bar Qazaqstannyń búgini bekem, keleshegi kemel. Máńgilik Elge bastaǵan Nurly Jolymyz jaryq. El ómirindegi uly oqıǵa qutty, baqytymyz baıandy bolsyn!  Sábıt DOSANOV, Memlekettik syılyqtyń laýreaty, Túrik álemine sińirgen eńbegi úshin Mahmut Qashqarı atyndaǵy syılyqtyń ıegeri  ALMATY