teraktiden zardap shekkenderge kórsetildi
Túrkııada terrorlyq shabýyldan zardap shekkenderge qazaqstandyq otbasy qan tapsyryp, járdem etti.
Aıgúl Kóńkekova esimdi áıeldiń aıtýynsha, Ystanbul bıligi teledıdar arqyly donorlyq kómekke zárý ekenderin málimdepti. Muny kórgen olar uly men kúıeýin ertip, birden aýrýhanaǵa alyp-ushyp barǵan.
– Biz bul habardy estigennen keıin beıjaı qarap otyra almadyq. Qajetti jerge baryp, qan tapsyryp, qolymyzdan kelgenin jasadyq, – dedi Aıgúl. Onyń aıtýyna qaraǵanda, Túrkııadaǵy ózge qazaqstandyqtar da bul iske atsalysqan eken.
Málim bolǵandaı, lańkester uıymdastyrǵan terrorlyq shabýyldan opat bolǵandardyń basym bóligi – túrkııalyqtar. Sol sııaqty, 5 adam Saýd Arabııasynyń, qalǵandary Týnıs, Irak, О́zbekstan azamattary ekeni anyqtaldy. Al úsh adamnyń qaıdan kelgeni týraly anyqtaý jumystary júrgizilip jatyr. Qazirgi tańda antıterrorlyq operasııa kezinde kóshelerdegi baqylaý jumystary kúsheıgen.
Aıan ÁBDÝÁLI,
«Egemen Qazaqstan»