Baıqaý bastaldy

«Qazaqstan Respýblıkasy Tuńǵysh Prezıdenti – Elbasy Qory» aǵymdaǵy jyldyń 1 shildesinen bastap bıyl ekinshi ret uıymdastyrylyp otyrǵan ádebıet baǵytyndaǵy dástúrli «Altyn tobylǵy» báıgesine ótinimderdi qabyldaıdy. Syıaqynyń jalpy qory – 5,5 mıllıon teńge. «QR Tuńǵysh Prezıdenti Qory» jas talanttardy qoldaý baǵytynda «Altyn tobylǵy» ádebı syılyǵyn alǵash 2015 jyly taǵaıyndaǵan. Atalǵan jabyq baıqaýdyń negizgi maq­saty – ulttyq ádebıette jańa esim­derdi qalyptastyrý jáne jas qalamgerlerdiń qoǵamdyq ómir­­degi fılosofııasyn kórsete otyryp jańa zaman ádebıetine qulshynysyn arttyrý bolyp tabylady. Jobanyń seriktesteri – Qa­zaqstan Jazýshylar odaǵy jáne Memlekettik tildi damytý qory. «QR Tuńǵysh Prezıdenti Qory­nyń» atqarýshy dırektory Saǵyndyq Nurahanov: «Altyn tobylǵy» ádebı syı­lyǵy rýhanı kókjıegimizdi keńeıtý maqsatynda arnaıy taǵaıyndaldy. Bul áde­bı joba az ǵana ýaqyttyń ishinde qo­ǵamymyzǵa keńinen tany­lyp, jas qalamgerler úshin de aıtýly oqıǵa boldy. Atal­ǵan syılyq Qazaqstannyń shyǵar­ma­shylyqpen jáne ǵylymmen aına­lysatyn daryndy jastaryn qoldaýǵa ba­ǵyttalǵan ol Qordyń dástúrli baıqaý baǵ­darlamalarynyń qata­ryna engizildi. Qordyń laýreattary, stıpendıattar men grant ıeleri – ózderiniń jetistikterin respýblıka kóleminde ǵana kór­setip qoımaı, shetelde de keńi­nen tanylǵan esimder. Bıylǵy jylǵy ádebı baıqaý da elimizdiń rýhanı keńistigi úshin aıtýly oqı­ǵa bolatynyna jáne bú­gingi kezeń ádebıetine tyń týyn­dylar usynatyn laıyqty esim­der qatary arta túsetinine senim­dimiz» – dep aıryqsha atap ótti. Baıqaýǵa Qazaqstannyń 18-35 jas aralyǵyndaǵy jas daryndary qatysa alady. Jabyq báıgege budan buryn esh jerde jarııalanbaǵan (kitaptarda, gazet-jýrnaldarda, ınternet-portaldarda, áleýmettik jelilerde) týyndylar ǵana qabyldanady. «Altyn tobylǵy» syılyǵy «Úzdik proza», «Úzdik poezııa», «Úzdik dramatýrgııa», «Úzdik balalar ádebıeti» degen tórt nomınasııa boıynsha taǵaıyndalǵan. Árbir nomınasııanyń jeńim­pazyna 1 mıllıon teńge syıaqy beriledi. Sonymen qatar, bıylǵy jyly Qazaqstan Respýblıkasy Táýelsizdiginiń 25 jyldyǵyna oraı arnaıy taqyryptyq nomınasııa jarııalandy. Bul nomınasııa boıynsha syıaqy 1,5 mıllıon teńge kóleminde belgilendi. Shyǵarmalardy elimizdiń tanymal mádenıet qaıratkerleri, aqyn-jazýshylar men jýrnalıs­terinen quralǵan Qazylar alqasy saraptaıtyn bolady. Baıqaýǵa usynylǵan ju­mys­tar janrǵa sáıkestik, oılaý derbestigi, avtorlyq usta­nym, baıandaý ret­tiligi men ma­ǵy­nalylyǵy, ıdeıa erek­she­ligi, ádebı-kórkem qundy­lyǵy, kór­kemdik qııal men shyǵar­mashylyq kózqaras, estetıkalyq áser te­reńdigi sııaqty ólshemder boıyn­sha baǵalanady. Bul erek­she baıqaý, sebebi ol jas avtor­larǵa arnalǵan jáne onda budan buryn jarııalanbaǵan jańa týyn­dylarǵa baǵa beriledi. Baıqaýǵa usynylǵan týyndylardy baǵalaý ádildigi barynsha jetildirilgen. Shyǵarma laqap atpen qabyldanady. Avtordyń tolyq aty-jóni jáne ómirbaıany arnaıy bólek konvertke salynyp, shyǵarmamen birge joldanýy tıis. Shyǵarmalardy tolyq saraptap, baǵalap bolǵan soń ǵana avtor týraly málimet salynǵan konvert arnaıy komıssııanyń kózinshe ashylyp, Qazylar alqasyna usynylady. О́tinimder 2016 jylǵy 1 shil­de men 1 qarasha aralyǵynda tómende kórsetilgen tıisti mekenjaıda qabyldanady. Shyǵar­malardyń elektrondy nusqasyn qosa jiberý qajet. Ár nomınasııa boıynsha tań­daýly dep tanylǵan jeńimpazdar esimi 2016 jylǵy jeltoqsan aıynda jarııalanatyn bolady. Qosymsha aqparatty www.fpp.kz saıtynan alýǵa bolady.