Tútin tazartqysh súzgiler ornatyldy

Eýrazııalyq Top (ERG) quramyndaǵy «Qazhrom» TUK» AQ fılıaly – Aqsý ferroqorytpa zaýytynyń mamandary aglomerasııalyq seh pen kásiporynnyń gaz tazalaý keshenderinde tútin tazartqysh súzgiler aýystyrýdy bastap ketti.  Ornatylǵan tútin tazartqysh súzgilerdiń jalpy alańy 72000 sharshy metr. Jalpy, zaýyt iske qosylǵaly da 40 jyldan asty. Onda óndiriletin qu­ramynda hrom, kremnıı, marga­nes qospalary bar ferroqorytpaǵa degen suranys álem naryǵynda jyldan-jylǵa ósýde. Jylyna 1,2 mıllıon tonna ónim óndiretin metallýrgııalyq kásiporynda 6 myńnan astam aqsýlyq eńbek etýde. О́nerkásipten túsetin tabysty ǵana emes, óndiristen keletin eko­logııalyq zııandy da esepteý kerek. Kásiporyn týraly sóz eter bolsaq, onyń qorshaǵan ortany qorǵaý júıesi boıynsha atqaryp jatqan isterin  aıtýǵa týra keledi. Osydan birneshe jyl buryn zaýyt OHSAS-18000 at­ty qorshaǵan ortany qorǵaýdyń halyqaralyq menedjment júıesin engizdi. О́ndiristik qaldyqtardy ıgilikke jaratý úshin aglomerat sehyn iske qosty. Bul – zaýyttyń eko­logııalyq baǵdarlamasynyń negizgi ınvestısııalyq bóligi ǵana emes, sonymen birge, talaı jylǵy ǵy­lymı-zertteý jumystarynyń nátıjesi. Mamandardyń túsindirýinshe, aglomerat sehy eń aldymen ón­diris qaldyqtaryn qaıta óńdeýge múm­kindik beredi. Jańa sehta usaq qaldyqtar arnaıy tehno­logııa boıynsha biriktiriledi, sóı­tip irilengen shıkizat qaıtadan qo­rytpa óndirisine jiberiledi. Nátı­jesinde tehnologııalyq re­jimdi turaqtandyrýǵa, peshterdiń ónim­diligin arttyrýǵa, shıkizat shyǵynyn tómendetýge jol ashylady. Elektr qýaty únemdeledi. Aglo­merat sehy­nyń ekinshi bir tıimdiligi – onyń ekologııalyq turǵydan alǵanda qaýipsiz bolyp sa­­nalatyndyǵy. Munda súzgishter men jeldetkish qurylǵylar jumys isteıdi. Joǵary tehnologııaǵa qurylǵan, jınalǵan qaldyqtardy qaıta óń­deıtin avtomattandyrylǵan óndiris, gaz tazalaýshy qurylǵylar óndiristen aýaǵa shyǵatyn qaldyqtyń 99,8 paıyzyn súzip, tazalaıdy. – Súzgiler ornatý – bul  5 aı­­da ja­­salǵan jumys,– deıdi zaýyt­tyń tehnıkalyq dırektory V.Chı­chıhın. – №1, №6 ferro bal­qy­tý sehtarynda, aglomerasııa se­hynda qondyrǵylarǵa arnaıy túrde  jóndeý júrgizildi. Júıe­lerdiń qubyrlary men bekitkish qondyrǵylaryna súzgiler ornatyldy. О́ıtkeni, bizdiń kásiporyn jáne búkil Eýrazııalyq top úshin qorshaǵan ortany qorǵaý – erekshe basym baǵyt. Ekologııalyq jobalarǵa qar­jy únemdeýge bolmaıdy. Zaýyt mamandarynyń aıtýynsha,  negizgi  tútindi, gazdy  tartý, úrleý jab­dyǵy ornalasqan aglosehtaǵy sorǵysh bólimine basa nazar aýdaryldy. Energojóndeý sehynyń mamandary №46 peshke jańa gaz tazalaý qondyrǵysyn ornatý barysynda asqan sheberlik, biliktilik kórsetti. Qazir de qondyrǵyǵa tú­tin tazartqysh súzgilerdi ornatý úshin qyzý jumys jalǵasýda.  So­nymen birge,  №45 peshtiń tútin shyǵarý júıesine  súzgi ornatý  bir­ge qatarlas júrgizilýde. Al, №1 sehtyń tútinnen, gazdan tazalaý qubyr júıelerine ınvestısııalyq baǵdarlama sheńberinde 2 qýatty elektrqozǵaltqysh  ornatylýda. Qorshaǵan ortany qorǵaý – «Qazhrom» TUK» AQ kásipornynyń basty mindetteriniń biri. Kásiporyn basshylyǵy  tabıǵatty qorǵaý sharalaryna ótken jyly 5,8 mlrd. teńge qarjy jumsady. Farıda Byqaı, «Egemen Qazaqstan» Pavlodar oblysy, Aqsý  qalasy