Qazaqstan Prezıdenti Nursultan Nazarbaev Birikken Ulttar Uıymynyń Bas hatshysy Pan Gı Mýnmen telefon arqyly sóılesti, dep habarlady Prezıdenttiń baspasóz qyzmeti.
Áńgime barysynda BUU Bas hatshysy Elbasyn 28 maýsymda Nıý-Iorkte ótken BUU Qaýipsizdik Keńesiniń turaqty emes músheligi saılaýyndaǵy Qazaqstannyń aıqyn jeńisimen quttyqtady.
Pan Gı Mýn daýys berýdiń nátıjesi Qazaqstan Prezıdenti júrgizip kele jatqan elimizdiń belsendi ári syndarly syrtqy saıasatyna berilgen joǵary baǵa ekenin erekshe atap ótti.
Memleket basshysy bul oqıǵa Qazaqstannyń ǵana emes, buǵan deıin BUU-nyń osyndaı negizgi organyna ókildik etip kórmegen búkil Ortalyq Azııa óńiriniń tabysy ekenin aıtty.
Nursultan Nazarbaev BUU Qaýipsizdik Keńesine elimizdiń músheligin búkil álemdik qoǵamdastyq músheleri aldyndaǵy zor jaýapkershilik retinde qabyldaıtynyn málimdedi.