2015 jylǵy 30 maýsym, Astana qalasy
Qazaqstan Respýblıkasy Ulttyq ekonomıka mınıstrliginiń
2015 jylǵy 31 shilde №588 Astana qalasy
BIRLESKEN BUIRYǴY
Týrıstik qyzmet týraly Qazaqstan Respýblıkasy zańnamasynyń saqtalýynyń táýekel dárejesin baǵalaý krıterıılerin bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 11-babynyń 1-tarmaǵy 2) tarmaqshasyna jáne 13-babynyń 3-tarmaǵyna sáıkes buıyramyz:
1. Qosa berilip otyrǵan týrıstik qyzmet týraly Qazaqstan Respýblıkasy zańnamasynyń saqtalýynyń táýekel dárejesin baǵalaý krıterııleri bekitilsin.
2. «Qazaqstan Respýblıkasynyń týrıstik qyzmet týraly zańnamasynyń oryndalýy úshin jeke kásipkerlik salasyndaǵy táýekelder dárejesin baǵalaý ólshemderin bekitý týraly» Qazaqstan Respýblıkasy Týrızm jáne sport mınıstriniń mindetin atqarýshynyń 2011 jylǵy 13 qyrkúıektegi № 02-02-18/179 jáne Qazaqstan Respýblıkasy Ekonomıkalyq damý jáne saýda mınıstriniń mindetin atqarýshynyń 2011 jylǵy 16 qyrkúıektegi № 298 birlesken buıryǵynyń (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 7218 bolyp tirkelgen jáne «Egemen Qazaqstan» gazetinde 2010 jylǵy 21 sáýirdegi № 353-354 jarııalanǵan) kúshi joıyldy dep tanylsyn.
3. Qazaqstan Respýblıkasynyń Týrızm ındýstrııasy departamenti (T.T.Dúısenǵalıev):
1) osy birlesken buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy birlesken buıryq Qazaqstan Respýblıkasy Ádilet mınıstrliginde memlekettik tirkelgennen keıingi kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy birlesken buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy birlesken buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 3-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
4. Osy birlesken buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse–mınıstrine júktelsin.
5. Osy birlesken buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý Mınıstri
______________Á. Isekeshev
Qazaqstan Respýblıkasynyń Ulttyq ekonomıka Mınıstriniń mindetin atqarýshysy
______________ T. Jaqsylyqov
«KELISILDI»
Qazaqstan Respýblıkasy Bas prokýratýrasynyń Quqyqtyq statıstıka jáne
arnaıy esepke alý jónindegi komıtetiniń tóraǵasy
______________ S. Aıtpaeva
2015 jylǵy 27 shilde
Qazaqstan Respýblıkasynyń Investısııalar jáne damý mınıstriniń 2015 jylǵy 30 maýsymdaǵy
№743 jáne Qazaqstan Respýblıkasynyń Ulttyq ekonomıka mınıstriniń mindetin atqarýshysynyń
2015 jylǵy 31 shildedegi №588 birlesken buıryǵy
Týrıstik qyzmet týraly Qazaqstan Respýblıkasy zańnamasynyń
saqtalýynyń táýekel dárejesin baǵalaý krıterııleri
1. Jalpy erejeler
1. Týrıstik qyzmet týraly Qazaqstan Respýblıkasy zańnamasynyń saqtalýynyń táýekel dárejesin baǵalaý krıterııleri (budan ári – Krıterııler) «Qazaqstan Respýblıkasynda memlekettik baqylaý jáne qadaǵalaý týraly» Qazaqstan Respýblıkasy Zańynyń 11-babynyń 1)-tarmaǵy 2) tarmaqshasyna sáıkes týrıstik qyzmet salasyndaǵy tekseriletin sýbektilerdi táýekel dárejelerine jatqyzý maqsatynda táýekel kórsetkishterin anyqtaý úshin ázirlengen.
2. Osy Krıterıılerde mynadaı uǵymdar paıdalanylady:
Táýekel – tekseriletin sýbektiniń qyzmeti nátıjesinde, onyń saldarynyń aýyrlyq dárejesi eskerile otyryp, adamnyń ómirine nemese densaýlyǵyna, qorshaǵan ortaǵa, jeke jáne zańdy tulǵalardyń zańdy múddelerine, memlekettiń múliktik múddelerine zııan keltirý yqtımaldyǵy.
Táýekelderdi baǵalaý júıesi – tekserýlerdi taǵaıyndaý maqsatynda baqylaý jáne qadaǵalaý organy júrgizetin is-sharalar kesheni.
Táýekel dárejesin baǵalaýdyń obektıvti krıterııleri (budan ári – obektıvti krıterııler) – belgili bir qyzmet salasynda táýekel dárejesine baılanysty jáne jekelegen tekseriletin sýbektige (obektige) tikeleı baılanyssyz tekseriletin sýbektilerdi (obektilerdi) irikteý úshin paıdalanylatyn táýekel dárejesin baǵalaý krıterııleri.
Táýekel dárejesin baǵalaýdyń sýbektıvti krıterııleri (budan ári – sýbektıvti krıterııler) – naqty tekseriletin sýbektiniń (obektiniń) qyzmet nátıjelerine baılanysty tekseriletin sýbektilerdi (obektilerdi) irikteý úshin paıdalanylatyn táýekel dárejesin baǵalaý krıterııleri.
Týrıstik qyzmet salasyndaǵy tekseriletin sýbektiler (budan ári – tekseriletin sýbektiler) – týrıstik operatorlar, týrıstik agentter, gıdter (gıd-aýdarmashylar), ekskýrsııa jetekshileri jáne týrıstik nusqaýshylary.
3. Krıterııler obektıvti jáne sýbektıvti krıterııler arqyly qalyptastyrylady.
2. Obektıvti krıterııler
4. Týrıstik qyzmet salasyndaǵy táýekel saıahattaý kezinde, úshinshi elderge azamattardyń qaýipsizdigin buzýǵa ákeletin, zańsyz kóshi-qon jáne tranzıtteý, seksýaldyq, eńbek etý jáne ózgeshe paıdalaný maqsatynda týrızmdi paıdalanǵan kezinde týrısterdiń ómirine nemese densaýlyǵyna, olardyń múlkiniń saqtalýyna, qorshaǵan ortaǵa, zııan keltirý yqtımaldyǵyn bildiredi.
5. Týrıstik áreket salasynda joǵarǵy táýekel dárejelerine týrıstik operatorlyqty júzege asyrýshy jeke jáne zańdy tulǵalar, týrıstik agentter, gıdter, (gıd-aýdarmashylar), týrızm nusqaýshylary, ekskýrsııa jetekshileri jatady.
Joǵarǵy táýekel dárejelerine jatqyzylǵan tekseriletin sýbektilerge (obektilerge) qarasty tańdaý, jospardan tys jáne baqylaýdyń ózge nysanyndaǵy tekserýler júrgiziledi.
3. Sýbektıvti krıterııler
6. Sýbektıvti krıterıılerdi aıqyndaý:
Derekter bazasyn qalyptastyrý jáne aqparat jınaý.
Aqparatty taldaý jáne táýekelderdi baǵalaý kezeńderin qoldana otyryp júzege asyrylady.
7.Táýekel dárejesin baǵalaý úshin mynadaı aqparat kózderi paıdalanylady:
Tekseriletin sýbektimen usynylatyn, jáne avtomattandyrylǵan aqparattyq júıeler arqyly memlekettik organdarmen júrgiziletin eseptik monıtorınginiń nátıjeleri.
Burynǵy tekserýler jáne baqylaýdyń ózge nysandarynyń nátıjeleri (buzý aýyrlyǵynyń dárejesi (óreskel, eleýli, eleýli emes) týrıstik qyzmet salasyndaǵy Qazaqstan Respýblıkasy zańnamasynyń talaptary saqtalmaǵan jaǵdaıda belgilenedi).
Tekseriletin sýbektiniń kinási boıynsha paıda bolǵan oqıǵa týraly aqparattyń memlekettik organdardan túsken ózge aqparattyń bolýy.
Tekseriletin sýbektilerge jeke jáne zańdy tulǵalardan, memlekettik organdardan túsken jáne rastalǵan shaǵymdar men ótinishteriń bolýy jáne sany.
8. Krıterıılerdiń 7-tarmaǵynda anyqtalǵan aqparat kózderiń negizinde osy Krıterıılerge qosymshaǵa sáıkes sýbektıvti krıterııler aıqyndalady.
«Burynǵy tekserý nátıjeleri» aqparat kózi boıynsha Táýekel dárejesin baǵalaý krıterııleri talaptardyń mynadaı aýyrlyq dárejelerine bólinedi: óreskel, eleýli jáne eleýli emes.
О́reskel dárejedegi bir oryndalmaǵan talap 100 kórsetkishke teńesedi jáne ol ishinara tekserý júrgizýge negiz bolyp tabylady.
Eger óreskel dárejedegi talaptardyń buzylýy anyqtalmaǵan kezde, onda táýekel dárejesiniń kórsetkishin anyqtaý úshin eleýli dárejelerdiń jıyntyq kórsetkishteri esepteledi.
Eleýli dárejedegi buzýshylyqtyń kórsetkishin anyqtaý kezinde 0,7 koeffısıenti qoldanylady jáne osy kórsetkish myna formýla boıynsha esepteledi:
ΣRz = (ΣR2 h 100/ΣR1) h 0,7
mundaǵy:
ΣRz – eleýli dárejedegi buzýshylyq kórsetkishi;
ΣR1 – eleýli dárejedegi ındıkatorlardyń jalpy sany, tekserýge (saraptaýǵa) usynylatyn tekserý sýbektin (obektine) qoıylatyn talaptar;
ΣR2 – eleýli dárejedegi talaptardyń buzýshylyqtar (ındıkatorlar) sany.
Eleýli emes dárejedegi buzýshylyqtyń kórsetkishin anyqtaý kezinde 0,3 koeffısıenti qoldanylady jáne osy kórsetkish myna formýla boıynsha esepteledi:
ΣRn = (ΣR2 h 100/ΣR1) h 0,3
mundaǵy:
ΣRn – eleýli emes dárejedegi buzýshylyq kórsetkishi;
ΣR1 – eleýli emes dárejedegi ındıkatorlardyń jalpy sany, tekserýge (saraptaýǵa) usynylatyn tekseriletin sýbektige (obektige) qoıylatyn talaptar;
ΣR2 – eleýli emes dárejedegi talaptardyń buzýshylyqtar (ındıkatorlar) sany.
Táýekel dárejedegi jalpy kórsetkishi (ΣR) 0 den 100 deıingi shkala boıynsha esepteledi jáne kórsetkishterdi myna formýla boıynsha jıyntyqtaý arqyly anyqtalady:
ΣR = ΣRz + ΣRn
mundaǵy:
ΣR – táýekel dárejesiniń jalpy kórsetkishi;
ΣRz – eleýli dárejedegi buzýshylyq kórsetkishi;
ΣRn – eleýli emes dárejedegi buzýshylyq kórsetkishi;
Táýekel dárejesiniń kórsetkishteri boıynsha tekseriletin sýbektilerge mynalar jatady:
Joǵarǵy táýekel dárejesine – táýekel dárejesi 60 tan 100 deıingi kórsetkish kezinde oǵan qatysty ishinara tekserý júrgiziledi.
Joǵarǵy táýekel dárejesine jatqyzylmaǵan – táýekel dárejesi 0 dan 60 deıingi kórsetkish kezinde oǵan qatysty ishinara tekserý júrgizilmeıdi.
4. Qorytyndy erejeler
9. Ishinara tekserý júrgizý eseligi bir jylda bir retti quraıdy.
10. Ishinara tekserýler tıisti eseptik kezeń bastalǵanǵa deıin kúntizbelik on bes kúnnen keshiktirmeıtin merzimde quqyqtyq statıstıka jáne arnaıy esepke alý jónindegi ýákiletti organǵa jiberiletin sýbektıvti krıterııler boıynsha alynǵan málimetterge júrgizilgen taldaý jáne baǵalaý nátıjeleri boıynsha (jartyjyldyqqa) qalyptastyratyn ishinara tekserýler tizimderi negizinde júrgiziledi.
Táýekelder dárejesin tandaý jáne baǵalaý kezinde sýbektige (obektige) qarasty buryn eseptelgen jáne paıdalanǵan sýbektıvti krıterıılerdiń derekteri qoldanylmaıdy.
11. Ishinara tekserý tizimderi:
Sýbektıvti krıterııler boıynsha eń joǵary táýekel dárejesiniń kórsetkishi bar tekseriletin sýbektilerdiń (obektilerdiń) basymdyǵyn;
Memlekettik organnyń tekserýlerdi júzege asyratyn laýazymdyq tulǵalaryna túsetin júktemelerin eskere otyryp jasalady.
Týrıstik qyzmet týraly Qazaqstan Respýblıkasy zańnamasynyń
saqtaýlýyn táýekel dárejelerin baǵalaý krıterıılerine qosymsha
Týrıstik naryq sýbektileri úshin táýekel dárejesiniń sýbektıvtik krıterııleri
r/s № Krıterııler Buzýshylyq dárejeleri
1 2 3
1. Tekseriletin sýbektimen usynylatyn, onyń ishinde memlekettik organdarmen, mekemelermen jáne salalyq uıymdarmen avtomattandyrylǵan aqparattyq júıe arqyly eseptik monıtorıng nátıjeleri
1 Josyqsyz, durys emes, ádepsiz kórineý jalǵan jáne jasyryn jarnama eleýli emes
2 Týrıstik agenttiń, gıdtiń (gıd-aýdarmashynyń), ekskýrsııa jetekshisiniń nemese týrızm nusqaýshysynyń qyzmetin júzege asyrýdy bastaý týraly habarlamanyń bolmaýy óreskel
2. Aldyńǵy tekserýlerdiń jáne baqylaýdyń ózge nysandarynyń nátıjeleri
(buzýshylyqtyń aýyrlyq dárejesi (óreskel, eleýli, eleýli emes) týrıstik qyzmet salasyndaǵy Qazaqstan Respýblıkasy zańnamasynyń talaptaryn saqtamaǵanda belgilenedi)
1 Týrıstik operator qyzmetine lısenzııanyń týrıstik agenttiń, gıdtiń (gıd-aýdarmashynyń), ekskýrsııa jetekshisiniń nemese týrızm nusqaýshysynyń qyzmetin júzege asyrýdy bastaý týraly habarlamanyń bolýy óreskel
2 Oblystyń, respýblıkalyq mańyzdy qalaǵa, astananyń jergilikti atqarýshy organyna, týrıstik agent úshin – shart jasalǵan (qaıta jasalǵan) sátten bastap bes jumys kúni ishinde jasalǵan týrıstik agenttiń azamattyq – quqyqtyq jaýapkershiligin mindetti saqtandyrý (qaıta jasalǵan) sharttyń bar bolýy týraly aqparattyń jiberilýin rastaýdyń bolýy óreskel
3 Týrıstik operator jáne týrıstik agent úshin – týrıstik operatordyń jáne týrıstik agenttiń azamattyq – quqyqtyq jaýapkershiliginiń mindetti saqtandyrýdyń qoldanystyǵy shartyn bar bolýy óreskel
4 Týrıstik qyzmet kórsetýge jasalǵan jazbasha sharttyń bar bolýy óreskel
5 Týrıstik operator úshin – qalyptasqan týrıstik ónimniń bar bolýy eleýli
6 Týrıstik agent jáne týroperator úshin – «Qazaqstan Respýblıkasyndaǵy týrıstik qyzmet týraly» Qazaqstan Respýblıkasy Zańynyń talaptaryna sáıkes týrıstik ónimdi ótkizýge agenttik sharttyń bolýy óreskel
7 Týrıstik operator úshin – týrıstik bilimi bar, jumys ótili bir jyldan kem emes, bir adamnan kem emes jumyskerdiń bar bolýy eleýli
8 Týrıstik operator úshin – menshik quqyǵy bar nemese ózge zańdy negizde keńse úshin úı – jaıdyń bar bolýy eleýli
9 Gıd (gıd – aýdarmashy), ekskýrsııa jetekshisi jáne týrızm nusqaýshysy úshin – Qazaqstan Respýblıkasy azamattyǵynyń, sondaı-aq týrızm salasynda daıyndyqtan ótkeni týraly sertıfıkattyń bolýy eleýli
10 Týrısterge elge (orynǵa) kelý, ketý, ýaqytsha bolý qaǵıdalar týraly zańnamasy týraly, jergilikti halyqtyń dástúrleri týraly, dinı salttary, kıeli jerleri, erekshe qorǵaýǵa alynǵan tabıǵı, tarıhı, mádenı eskertkishteri jáne erekshe qorǵaýda turǵan, basqa týrıstik kórsetý obektilerdi qorshaǵan ortanyń jaı-kúıi týraly, sondaı-aq saıahat barysynda olarǵa kezdesetin jáne týrısterdiń qaýipsizdigin qamtamasyz etýge baǵyttalǵan aldyn alý sharalaryn júzege asyrý alatyn qaýipter týraly saıahat erekshelikteri týraly, qajetti jáne durys aqparatty týraly jazbasha rastaýdyń bolýy (týrıstik jadynama) óreskel
3. Tekseriletin sýbektiniń kinási boıynsha bolǵan oqıǵa týraly aqparattyń, jáne memlekettik organdardan túsken ózge aqparattyń bolýy
1 Memlekettik organdardan túsken Qazaqstan Respýblıkasyndaǵy týrıstik qyzmet týraly Qazaqstan Respýblıkasynyń zańnamasyn buzý týraly rastalǵan aqparattyń bolýy
óreskel
4. Tekseriletin sýbektilerge jeke jáne zańdy tulǵalardan, memlekettik organdardan túsken rastalǵan shaǵymdar men ótinishterdiń bolýy jáne sany
1 Quqyǵy buzylǵan jeke jáne zańdy tulǵalardan túsken rastalǵan shaǵymdardyń jáne ótinishterdiń bolýy eleýli
Buıryq Qazaqstan Respýblıkasynyń Ádilet mınıstrliginde 2015 jylǵy 12 tamyzda Normatıvtik quqyqtyq kesimderdi memlekettik tirkeýdiń tizilimine №11866 bolyp engizildi.