2015 jylǵy 26 naýryz,Astana qalasy
Avtomobıl joldaryn memlekettik esepke alý qaǵıdalaryn bekitý týraly
«Avtomobıl joldary týraly» 2001 jylǵy 17 shildedegi Qazaqstan Respýblıkasy Zańynyń 3-baby 8-tarmaǵynyń sáıkes, buıyramyn:
1. Qosa berilip otyrǵan Avtomobıl joldaryn memlekettik esepke alý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Avtomobıl joldary komıteti (M.Q. Pishembaev):
1) osy buıryqty zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý
mınıstriniń mindetin atqarýshy J.QASYMBEK
Qazaqstan Respýblıkasy Investısııalar jáne damý mınıstri mindetin atqarýshynyń
2015 jylǵy 26 naýryzdaǵy №316 buıryǵymen bekitilgen
Avtomobıl joldaryn memlekettik esepke alý qaǵıdalary
1. Jalpy erejeler
1. Osy Avtomobıl joldaryn memlekettik esepke alý qaǵıdalary (budan ári - Qaǵıdalar) «Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańyna sáıkes ázirlengen jáne jalpy paıdalanymdaǵy avtomobıl joldaryn, sharýashylyq avtomobıl joldaryn, eldi mekenderdiń kóshelerin memlekettik esepke alý tártibin belgileıdi (budan ári - avtomobıl joldary).
2. Osy Qaǵıdalarda mynadaı negizgi uǵymdar qoldanylady:
1) avtomobıl joldaryn memlekettik esepke alý - avtomobıl joldary salasyndaǵy ýákiletti organnyń (budan ári - jol organy) avtomobıl joldaryn pasporttaý negizinde derekter bankin qurý;
2) avtomobıl joldarynyń pasporty - joldardy tehnıkalyq esepke alýdy júrgizý nátıjesinde alynǵan avtomobıl joldarynyń tehnıkalyq jáne paıdalaný sıpattamasy týraly derekterin qamtyǵan tehnıkalyq qujat;
3) joldardy tehnıkalyq esepke alý - avtomobıl joldarynyń pasportyn jasaý úshin avtomobıl joldaryna tehnıkalyq jáne paıdalaný sıpattamasy týraly derekter jınaǵy.
2. Memlekettik esepke alýdy júrgizý tártibi
4. Avtomobıl joldaryn memlekettik esepke alýdy júrgizý maqsatynda jol organy joldardy tehnıkalyq esepke alýdy júrgizedi, derekter bankiniń qurylýy negizinde avtomobıl joldarynyń pasporty qalyptasady.
5. Joldardy tehnıkalyq esepke alý mynadaı jumys kezeńderin kózdeıdi:
1) daıyndyq;
2) dalalyq;
3) kameraldyq.
5. Daıyndyq jumystary kezinde jol organdary baǵdarlama jasaıdy, onda jumystardyń kólemi, eńbek jáne kólik shyǵyndary, jumystardyń oryndalý merzimi anyqtalady.
6. Dala jumystary kezinde jolǵa (obektige) qatysty joldyń sıpattamasy jáne parametri týraly derekter jınaý oryndalady.
7. Kameraldyq jumystar kezinde dala jumystaryn óńdeý jáne tehnıkalyq qujattarǵa jol organy belgileıtin sıpattamasy men parametri týraly derekter engizýdi júrgizedi.
8. Memlekettik esepke alý respýblıkalyq jáne jergilikti bıýdjette kózdelgen qarajat sheńberinde júrgiziledi.
9. Tehnıkalyq esepke alýdy jáne pasporttaýdy júrgizýge jol organy jasaıtyn memlekettik satyp alý týraly zańnamada belgilengen sharttar boıynsha ǵylymı-zertteý, jobalaý-izdestirý jáne basqa da mamandandyrylǵan uıymdar tartylady.
10. Jańadan salynǵan, qaıta jańǵyrtylǵan jáne paıdalanýǵa berilgen avtomobıl joldaryn nemese olardyń ýchaskelerin tehnıkalyq esepke alý dala jumystaryn oryndaýsyz qoldaǵy jobalyq nemese oryndaýshylyq qujattama negizinde júrgizýge jiberiledi.
11. Jańadan salynǵan, qaıta jańartylǵan jáne paıdalanýǵa berilgen avtomobıl joldaryn tehnıkalyq esepke alý memlekettik qabyldaý komıssııasynyń aktileri bekitilgennen keıin alty aıdan keshiktirilmeı júrgiziledi.
12. Joldardy tehnıkalyq esepke alýdy júrgizý nátıjesinde alynǵan avtomobıl joldarynyń tehnıkalyq jáne paıdalaný sıpattamasy týraly derekter negizinde avtomobıl joldarynyń pasporty qalyptasady.
13. Avtomobıl joldarynyń pasportyna, jáne derekter bankine, jyl saıyn 1 qańtardaǵy jaı-kúıi boıynsha ózgerister engiziledi.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №10888 bolyp engizildi.