2015 jylǵy 27 naýryz, Astana qalasy
Ishki sý joldarymen keme qatynasyn júzege asyratyn kemeler úshin
keme qujattaryn berý jáne júrgizý qaǵıdalaryn bekitý týraly
«Ishki sý kóligi týraly» 2004 jylǵy 6 shildedegi Qazaqstan Respýblıkasynyń Zańynyń 23-baby 1-tarmaǵyna sáıkes buıyramyn:
1. Qosa berilip otyrǵan Ishki sý joldarymen keme qatynasyn júzege asyratyn kemeler úshin keme qujattaryn berý jáne júrgizý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A.Asavbaev):
1) osy buıryqty Qazaqstan Respýblıkasy Ádilet mınıstrliginde zańnamada belgilengen tártipte memlekettik tirkelýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Investısııalar jáne damý mınıstrliginiń vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń mindetin atqarýshy J.QASYMBEK
«KELISILDI»
Qazaqstan Respýblıkasynyń
Ulttyq ekonomıka mınıstri
_________________ E.Dosaev
2015 jylǵy 10 sáýir «KELISILDI»
Qazaqstan Respýblıkasynyń
Energetıka mınıstri
_________________ V.Shkolnık
2015 jylǵy 17 sáýir
Qazaqstan Respýblıkasy Investısııalar jáne damý mınıstriniń mindetin atqarýshynyń
2015 jylǵy 27 naýryzdaǵy №357 buıryǵymen bekitilgen
Ishki sý joldarymen keme qatynasyn júzege asyratyn kemeler úshin
keme qujattaryn berý jáne júrgizý qaǵıdalary
1. Jalpy erejeler
1. Osy Ishki sý kóligindegi keme qujattaryn berý jáne júrgizý qaǵıdalary (budan ári – Qaǵıdalar) «Ishki sý kóligi týraly» 2004 jylǵy 6 shildedegi Qazaqstan Respýblıkasy Zańynyń 23-baby 1-tarmaǵyna sáıkes ázirlengen jáne ishki sý joldarymen keme qatynasyn júzege asyratyn kemelerge keme qujattaryn berý jáne júrgizý tártibin aıqyndaıdy.
2. Ishki sý joldarymen keme qatynasyn júzege asyratyn kemeler úshin
keme qujattaryn berý jáne júrgizý tártibi
1 - paragraf. Kemeniń Qazaqstan Respýblıkasynyń Memlekettik týyn kóterip júzý quqyǵyn jáne kemege (Memlekettik keme tiziliminde tirkelýge jatatyn kemeler úshin) menshik quqyǵyn rastaıtyn keme kýáligin berý
2. Keme kýáligi kemeniń Qazaqstan Respýblıkasynyń Memlekettik týyn kóterip júzý quqyǵyn jáne kemege menshik quqyǵyn rastaıdy.
Keme kýáligin keme ıesine kólik salasyndaǵy ýákiletti organnyń aýmaqtyq bólimsheleri (budan ári – aýmaqtyq bólimshe) Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 23 qańtardaǵy №51 buıryǵymen (Normatıvtik quqyqtyq aktilerdi memlekettik tirkeý tiziliminde № 10400 bolyp tirkelgen) bekitilgen Kemeni, onyń ishinde shaǵyn kólemdi kemeni jáne oǵan quqyqtardy memlekettik tirkeý qaǵıdalarynda kózdelgen tártipte beredi.
2 - paragraf. Sheteldik kemege (jalǵa alynǵan shetel kemeleriniń tiziliminde tirkelgen kemeler úshin) Qazaqstan Respýblıkasynyń Memlekettik týyn kóterip júzýge ýaqytsha quqyq berý týraly kýálikti berý
3. Sheteldik kemege Qazaqstan Respýblıkasynyń Memlekettik týyn kóterip júzýge ýaqytsha quqyq berý týraly kýálik kemeniń Jalǵa alynǵan shetel kemeleri tirkelimine engizilgendigin rastaıdy.
Sheteldik kemege Qazaqstan Respýblıkasynyń Memlekettik týyn kóterip júzýge ýaqytsha quqyq berý týraly kýálikti keme ıesine kólik salasyndaǵy ýákiletti organnyń aýmaqtyq bólimsheleri Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 23 qańtardaǵy №51 buıryǵymen (Normatıvtik quqyqtyq aktilerdi memlekettik tirkeý tiziliminde № 10400 bolyp tirkelgen) bekitilgen Kemeni, onyń ishinde shaǵyn kólemdi kemeni jáne oǵan quqyqtardy memlekettik tirkeý qaǵıdalarynda kózdelgen tártipte beredi.
3 - paragraf Kemeniń júzýge jaramdylyǵy týraly kýálikti synyptaý kýáligin jáne
kemeniń munaımen, qaldyq sýlarmen jáne qoqyspen lastanýyn bolǵyzbaý týraly kýálikti berý
4. Kemeniń júzýge jaramdylyǵy týraly kýálikti synyptaý kýáligin jáne kemeniń munaımen, qaldyq sýlarmen jáne qoqyspen lastanýyn bolǵyzbaý týraly kýálikti Qazaqstan |Respýblıkasy Investısııalar jáne damý mınıstrliginiń «Qazaqstan Keme qatynasynyń tirkelimi» RMQK ishki sýlarda jáne aralas «ózen-teńiz» sýlarynda júzetin kemelerge kýálandyrý kezinde beredi.
5. Kemeniń júzýge jaramdylyǵy týraly kýálik jáne synyptaý kýáligi ózine mynalardy:
1) kemeniń negizgi tehnıkalyq derekteriniń jáne onyń elementteri týraly málimetterdi;
2) kýálik berilgennen keıin kemeniń negizgi tehnıkalyq derekteriniń jáne onyń elementteriniń ózgeristeri týraly málimetterdi;
3) kemeni esepke qoıý týraly jáne esepten shyǵarý týraly málimetterdi qamtıdy.
6. Kemeniń munaımen, qaldyq sýlarmen jáne qoqyspen lastanýyn bolǵyzbaý týraly kýálikte kemede bar ekologııalyq qaýipsizdik jabdyqtary týraly málimetter kórsetiledi.
7. Barlyq kýálikter jyl saıyn rastalyp, 5 jyl merzimge beriledi.
4 - paragraf. О́zdiginen júzetin kemeler úshin keme jýrnalyn (vahtalyq jýrnaldy) júrgizý
8. Keme jýrnaly (vahtalyq jýrnal) Qazaqstan Respýblıkasynyń Memlekettik keme tiziliminde nemese Jalǵa alynǵan sheteldik kemeler tiziliminde tirkelgen ózdiginen júretin árbir kemede júrgiziledi.
9. Keme jýrnaly (vahtalyq jýrnal) kemeniń toqtaýsyz paıdalaný kezeńi kórsetilgen keme qujaty bolyp tabylady.
10. Keme jýrnaly (vahtalyq jýrnal) kemeniń Qazaqstan Respýblıkasynyń Memlekettik týyn kóterip júzýge quqyq alǵan sátinen bastap ony kóterip júzý quqyǵy saqtalǵan barlyq kezeńi ishinde júrgiziledi.
11. Kemeni turaqqa jaýapty saqtaýǵa nemese jóndeýge tapsyrǵan kezde, keme jýrnaly (vahtalyq jýrnal) kemede qalady, biraq ony toltyrý kemede ekıpaj bolmaıtyn ýaqytqa toqtatylady.
12. Keme jýrnalyndaǵy (vahtalyq jýrnaldaǵy) barlyq better nómirlenýi, tigilýi jáne keme ıesiniń mórimen bekitilýi tıis.
13. Keme jýrnalyn (vahtalyq jýrnalyn) vahta bastyǵy (kapıtannyń vahtadaǵy kómekshisi) júrgizedi.
14. Mátindi engizgen vahta bastyǵy ony ózgertedi jáne tolyqtyrady, al kapıtan tek tolyqtyrady.
15. Keme jýrnalyndaǵy (vahtalyq jýrnalyndaǵy) jazbalar memlekettik nemese orys tilinde anyq jáne uqypty túrde kók nemese qara tústi pastamen (nemese sııamen) jazylady.
16. Keme jýrnaly (vahtalyq jýrnal) oqıǵa bolǵan sátte nemese odan keıin vahta prosesinde toltyrylady. Júrdek kemelerdiń ishki sý joldarynda júzýi kezinde keme jýrnaly (vahtalyq jýrnaly) aıaldamada toltyrylady.
17. Keme jýrnalynyń (vahtalyq jýrnalynyń) ýaqyty keme saǵaty boıynsha 0-den 24 saǵatqa deıin 1 mınýt aralyqpen tórt mándi sanmen jazylady. Saǵattar mınýttardan núktemen bólinedi.
18. Ár táýliktiń jazbasy keme jýrnalynyń (vahtalyq jýrnalynyń) jańa betine jazylady. Táýlik sońyna deıin toltyrylmaǵan kesteler, baǵandar jáne joldar «Z» belgisimen syzylady.
19. Navıgasııalyq sıpattaǵy jazbalardyń kólemin, navıgasııalyq kartadaǵy tósemmen jáne tirkeýdiń tehnıkalyq quraldary aqparatymen birge keme baǵytyn qalpyna keltirýge bolatynyn eskere otyryp kapıtan belgileıdi. Bul rette, kartadaǵy tósem kartany qaıtalap paıdalanǵanǵa deıin saqtalady, al ózdiginen jazý taspalary – kýrsogramma, reversogramma, ehogramma – eki jyl boıy saqtalady.
20. Keme orny vahtalyq júrý kezegi sońynda, sondaı-aq kapıtannyń nemese vahta bastyǵynyń pikiri boıynsha qajetti barlyq jaǵdaılarda keme jýrnalynda tirkeledi.
21. Júzýdiń erekshe sharttary bar aýdanǵa jaqyndaǵan kezde qalypty is-sharalardyń oryndalýy tirkelmeıdi.
22. Vahta bastyǵy óz jazbalaryna laýazymyn kórsete otyryp qol qoıady. Qol qoıǵannan keıin vahta bastyǵy óziniń tegin kórsetedi.
23. Kapıtan keme jýrnalyndaǵy jazbalardy baqylaıdy jáne ár bettiń sońyna qolyn qoıyp kýálandyrady. Kemege qater tóngen jaǵdaıda keme kapıtany keme jýrnalyn saqtap qalýǵa barlyq qajetti sharalardy qoldanady.
24. Toltyrylǵan keme jýrnaldary qyzmettik qujattamamen birge keme ıesi muraǵatqa ótkizgen soń eki jyl saqtalady.
25. Keme kapıtany jáne (nemese) vahta bastyǵy keme jýrnalyna (vahtalyq jýrnalǵa) kemege qatysty jáne kemeniń, keme ıesiniń, jolaýshylardyń múddelerin jáne júkti qorǵaý úshin mańyzy bar kez kelgen qosymsha jazbany engize alady. О́zge tulǵalardyń tarapynan keme jýrnalyndaǵy (vahtalyq jýrnalyndaǵy) osy týraly kez kelgen jazbalary men talaptary joqqa shyǵarylady.
26. Kúni (kúni, aıy, jyly) keme jýrnaly (vahtalyq jýrnaly) aınalymynyń árbir sol jaq betinde jazylady. Kúninen ońǵa qaraı apta kúni, sondaı-aq keme ýaqytyn sanaý júıesi kórsetiledi (jýrnalǵa eń alǵash jazba jáne ózgertý jazylǵanda).
27. Ekinshi jolda keme turaǵynyń orny (reıd, port, jaǵalaý ataýy), al júzip júrgen kemede – júzý aýdany (ózen, kanal, sý qoımasynyń, kól, teńiz, olardyń shyǵanaǵynyń nemese bóliginiń ataýy) kórsetiledi. Budan ári jolda sol boıynsha júzý júrgiziletin nemese keme turaǵynyń orny kórsetilgen karta nómiri kórsetilýi múmkin.
28. Keme jýrnalynda (vahtalyq jýrnalynda):
1) kemeniń táýlik boıy jumysy;
2) gıdrometeorologııalyq derekter;
3) júzip ótken qashyqtyq;
4) navıgasııalyq ahýaldyń jaı-kúıi,
5) oqıǵalar men is-qımyldar;
6) bas qozǵaltqyshtardyń jumysy;
7) bas qozǵaltqyshtardyń jumys tártibi;
8) kómekshi qozǵaltqyshtardyń jumysy týraly málimetter qamtylýy tıis.
29. Kemeniń táýlik boıy jumysy týraly málimetterdi toltyrý kezinde:
1) reıs nómiri (ol ózgergen kezde jazylyp otyrady);
2) is júzindegi dáıektilikpen keme aıaldamalarynyń pýnktteri;
3) kemeniń osy aıaldama pýnktine júzip kelgen ýaqyty;
4) osy pýnktten júzip ketken ýaqyty;
5) jolaýshylar sany (ekıpajdy esepke alý nemese jaǵalaý derekteri boıynsha), osy aıaldama pýnktinen jóneltilgen sáttegi kemedegi júktiń sany men ataýy;
6) osy jóneltý pýnktinen jóneltilgen sáttegi kemeniń (quramnyń) eń úlken shógýi kórsetiledi.
30. Gıdrometeorologııalyq derekter týraly málimetterdi toltyrý kezinde mynalar kórsetiledi:
1) aýa raıy men teńiz (sý toǵany) jaı-kúıi týraly derekter;
2) jeldiń naqty baǵyty (100 aralyqpen gradýspen) jáne onyń sekýndyna metr jyldamdyǵy;
3) tolqyndaný baǵyty (tolqyndaný keletin baǵyt) 100 aralyqpen jáne balmen kórsetilgen teńiz betiniń (kól, sý qoımasy) jaı-kúıi. О́zende jáne port sýlarynda tıisinshe «ózen», «port» dep jazylady;
4) eger sý betinde muz bolsa, onda «M» belgisi jáne muzdyń tyǵyzdyǵy balmen jazylady;
5) aýa raıynyń jaǵdaıy shartty belgimen A-ashyq, B-bultty, Tú-tútin, Tk-túnek, T-tuman, J-jańbyr, Q-qar, Bu-burshaq, N-naızaǵaı jáne kóriný uzaqtyǵy kılometrlermen jazylady;
6) mıllımetrmen atmosferalyq qysym jáne syrtqy aýanyń temperatýrasy.
31. О́tken qashyqtyqtar týraly málimetterdi toltyrý kezinde kemeniń tutastaı táýlik ishinde ótken araqashyqtyǵy (kılometrmen) kórsetiledi.
32. Navıgasııalyq ahýaldyń jaı-kúıi, oqıǵalar men is-qımyldar týraly málimetterdi toltyrý kezinde navıgasııalyq ahýaldyń jalpy táýlik ishindegi jaı-kúıi týraly derekter jazylady.
33. Muzdarda júzgen kezde muzǵa kirýi jáne odan shyǵýy, muzdyń sıpaty men tyǵyzdyǵy, alynǵan ókimder men meteojaǵdaı jazylady.
34. Kemede kólik oqıǵasy bolǵan jaǵdaıda:
1) kólik oqıǵasynyń orny;
2) kólik oqıǵasynyń mán-jaıy jáne sıpaty;
3) onyń saldary;
4) keme men mehanızmderdiń kólik oqıǵasynan keıingi jaǵdaıy;
5) ekıpajdyń kólik oqıǵasyn boldyrmaý jáne onyń saldaryn joıý jónindegi is-áreketi tolyq jazylady.
35. Basqa kememen soqtyǵysqan kezde:
1) jaqyndasý jaǵdaıy, burylyp ketý úshin aldyn ala jasaǵan manevrleri;
2) soqtyǵysqan kemeniń ataýy jáne tirkelgen pýnkti;
3) shyqqan jáne baratyn pýnkti;
4) zaqymdaný sıpaty jazylady.
Keme muzdan zaqymdanǵan kezde – muz jaǵdaıynyń sıpaty qosymsha jazylady.
Dabyl (jattyǵý) kezinde onyń túri, jarııalaný ýaqyty men aıaqtalýy jazylady.
36. Bas qozǵaltqyshtardyń jumysy týraly málimetterdi toltyrý kezinde bas qozǵaltqyshtar iske qosylǵan jáne toqtatylǵan sátter, sondaı-aq olardyń jumysynyń uzaqtyǵy tirkeledi. Qozǵaltqyshtardyń qysqa ýaqytqa toqtatylýy tirkelmeıdi.
37. Bas qozǵaltqyshtardyń jumys tártibi týraly málimetterdi toltyrý kezinde:
1) kemeniń bas qozǵaltqyshtarynyń baqylaý aspaptarynyń kórsetýleri, bútin saǵatqa eselengen jazbalar tórt saǵattan sıretpeı oryndalady;
2) qozǵaltqyshtardyń aınalý jıiligi (aın./mın);
3) maıdyń súzgige deıingi qysymy (aspaptardy bólikteý birlikterinde);
4) maıdyń súzgiden keıingi qysymy (aspaptardy bólikteý birlikterinde);
5) maıdyń qozǵaltqyshtan keıingi temperatýrasy (oS-ta);
6) sýdyń shyǵýdaǵy temperatýrasy (oS-ta);
7) shyǵatyn gazdardyń temperatýrasy (jalpy) (oS-ta) jazylady.
38. Kómekshi qozǵaltqyshtardyń jumysy týraly málimetterdi toltyrý kezinde kómekshi qozǵaltqyshtar iske qosylǵan jáne toqtatylǵan jaǵdaılar, sondaı-aq olardyń jumysynyń uzaqtyǵy tirkeledi.
5 - paragraf. Keme rolin (ózdiginen júzetin kemeler úshin) júrgizý
39. Keme roli (ózdiginen júzetin kemeler úshin) – keme kapıtany jasaıtyn keme ekıpajy músheleriniń tizimi.
40. Keme roli mynadaı derekterden turatyn málimetterdi qamtıdy:
1) keme týraly (ataýy, tirkelý orny jáne tirkelý nómiri, túri jáne maqsaty, keme ıesi, kemeniń shaqyrý sıgnaly);
2) ekıpaj músheleri týraly (tegi, aty, ákesiniń aty, týǵan kúni men jeri, azamattyǵy, kemedegi laýazymy, ataǵy jáne dıplom nómiri nemese tulǵanyń azamattyǵyn kýálandyratyn ózge de qujattyń serııasy jáne nómiri).
41. Keme roline keme ekıpajynyń quramyna kiretin tulǵalar, sondaı-aq:
1) júzý praktıkasynan ótý úshin osy kemege jiberilgen oqý oryndarynyń kýrsanttary (oqýshylar);
2) kemede jumys isteý úshin issaparǵa jiberilgen keme ıesiniń ókilderi engiziledi.
Keme ózdiginen júzetin kemeler úshin rolinde kórsetilgen, halyqaralyq tasymaldy júzege asyrýshy kemege issaparǵa jiberilgen oqý oryndarynyń kýrsanttary oqıtyndar men tulǵalardyń kemedegi laýazymdaryn keme ekıpajyn jınaqtaýǵa quqyǵy bar keme ıesi aıqyndaıdy.
42. Keme ózdiginen júzetin kemeler úshin rolin keme kapıtany keme portqa kirgende nemese keme porttan shyqqanda shekaralyq baqylaý organdaryna usynady.
43. Keme ózdiginen júzetin kemeler úshin ekıpajynda ózgerister bolmaǵan jaǵdaıda, keste boıynsha jumys istep turǵan keme bir portqa bir aı ishinde keminde bir-aq ret kirse, portqa árbir kirgen saıyn keme ózdiginen júzetin kemeler úshin rolin usyný talap etilmeıdi.
44. Keme ózdiginen júzetin kemeler úshin portqa kelgende usynylǵan keme rolin, oǵan ózgerister engizilgen nemese ózgeristerdiń joqtyǵy kórsetilgen jaǵdaıda, kemeniń porttan shyǵýy kezinde usynýǵa ruqsat etiledi.
45. Keme ózdiginen júzetin kemeler úshin roli kemede:
1) keme Qazaqstan portyna kelgende nemese Qazaqstan portynan ketkende – memlekettik jáne orys tilderinde;
2) keme shetel portyna kelgende nemese shetel portynan ketkende – memlekettik jáne orys tilderinde toltyrylady.
46. Keme ózdiginen júzetin kemeler úshin rolindegi jazbalar memlekettik jáne orys tilderinde kók nemese qara pastamen (sııamen) anyq jáne uqypty jazylady. Qaryndashpen jazýǵa ruqsat etilmeıdi.
47. Keme ózdiginen júzetin kemeler úshin roli mynadaı túrde toltyrylatyn málimetterdi qamtıdy:
1) «tegi, aty jáne ákesiniń aty», «týǵan kúni men jeri», «azamattyǵy» – teńizshiniń jeke kýáliginde nemese jeke basyn kýálandyratyn ózge de qujatta keltirilgen derekter boıynsha;
2) «laýazymy» – halyqaralyq tasymaldardy júzege asyratyn kemelerde – kemedegi qyzmettik jaǵdaıy týraly teńizshiniń jeke kýáligindegi jazbaǵa sáıkes.
Basqa kemelerde – keme ıesiniń tulǵany keme ekıpajynyń múshesi etip taǵaıyndaý týraly buıryǵyna (ókimine) sáıkes;
3) «ataǵy jáne dıplom nómiri» – biliktiligin rastaıtyn dıplomda kórsetilgen derekter boıynsha;
4) «teńizshiniń jeke kýáliginiń nemese jeke basyn kýálandyratyn ózge de qujattyń serııasy men nómiri» – teńizshiniń jeke kýáliginde nemese jeke basyn kýálandyratyn tıisti qujatta kórsetilgen derekter boıynsha.
48. Keme ekıpajynyń quramynda ózgeris bolmaǵanda, «О́zgerister joq» degen jazý jazylady, ol kúni kórsetile otyryp, keme kapıtanynyń qolymen jáne keme mórimen kýálandyrylady.
Keme ekıpajynyń quramy ózgergen jaǵdaıda keme ózdiginen júzetin kemeler úshin roline ózgerister mynadaı tártipte engiziledi:
1) keme ekıpajynyń shyǵyp ketken múshesiniń tegi jazylǵan jol syzylady;
2) keme ekıpajy jańa múshesiniń tegi jazylǵan jol keme ekıpajy shyǵyp qalǵan múshesiniń nómirimen belgilenedi.
Ekıpaj múshesi aýystyrýsyz shyqqan jaǵdaıda, ekıpaj múshesi (T.A.Á.A) kemeden aýystyrýsyz shyǵarylǵany jaıly jazylyp, shyǵyp qalǵan ekıpaj múshesiniń tegi jazylǵan jol syzylyp tastalady.
Keme ózdiginen júzetin kemeler úshin roline engizilgen ózgeristerge keme kapıtany kúnin kórsetip qol qoıady jáne keme mórimen kýálandyrady.
Qazaqstan portynan shetelge júzý kemesi shyǵar aldynda keme ózdiginen júzetin kemeler úshin roline ózgerister engizilgen jaǵdaıda, osy ózgeristerdi keme ıesi nemese port kapıtany kýálandyrady.
6 - paragraf. Radıojýrnaldy júrgizý tártibi (eger kemede keme radıostansııasy bar bolsa)
49. Radıojýrnal QT dıapazonyndaǵy radıobaılanysqa qatysty málimetter tirkeletin qujat bolyp tabylady.
50. Radıojýrnaldyń barlyq paraqtary nómirlenedi, tigiledi jáne keme ıesiniń qoly men móri qoıylady.
51. Kemede radıojýrnaldyń tek bir danasy ǵana júrgiziledi.
52. Radıojýrnaldy jańasyna aýystyrý ony tolyq paıdalanǵan kezde ǵana júrgiziledi. Radıojýrnal keme bortynda oǵan sońǵy jazba engizilgennen keıin bir jyl ishinde saqtalady jáne keme ıesiniń muraǵatyna keıinnen ótkiziledi.
53. Radıojýrnal vahta bastyǵynyń rýbkasynda saqtalady.
54. Radıojýrnaldy júrgizý kemeniń radıooperatory, al shtat kestesi boıynsha kemeniń radıooperatory joq bolsa, vahta bastyǵy júzege asyrady. Radıojýrnaldaǵy jazbalar memlekettik jáne orys tilderinde kók nemese qara pastamen (nemese sııamen) anyq jáne uqypty jazylady.
55. Keme kapıtany ótken táýlikterde radıojýrnaldyń júrgizilýin tekseredi jáne radıojýrnaldyń mazmunyn kelip túsken jáne berilgen habarlardyń sońynda qol qoıý arqyly kýálandyrady.
7 - paragraf. Keme stansııasynyń ruqsatyn berý (eger kemede keme radıostansııasy bar bolsa)
56. Keme stansııasynyń ruqsaty (eger kemede keme radıostansııasy bar bolsa) radıojıilikti spektrdi qoldanýdy rastaıdy.
Keme stansııasynyń ruqsaty keme ıesine baılanys salasyndaǵy ýákiletti organmen Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 21 qańtardaǵy №34 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 10730 tirkelgen) Jıilik beldeýlerin, radıojıilikterdi (radıojıilik arnalardy) ıelikke berý, radıoelektrondyq quraldar men joǵary jıilikti qurylǵylardy paıdalaný, sondaı-aq azamattyq maqsattaǵy radıoelektrondyq quraldardyń elektromagnıttik úılesimdiligin esepteý qaǵıdalarynda kózdelgen tártipte beriledi.
8 - paragraf. Mashına jýrnalyn júrgizý (mehanıkalyq qozǵaǵyshy bar kemeler úshin)
57. Mashına jýrnaly kómekshi jáne kúsh beretin qondyrǵylardyń jumysyn, júrý jyldamdyǵyn, janarmaı shyǵysyn jáne bar ekendigin kórsetedi.
58. Mashına jýrnaly, mashınalyq úı-jaıda vahtasyz paıdalanylatyn kemelerdi qospaǵanda, mehanıkalyq qozǵaltqyshy bar kemelerde júrgiziledi.
59. Mashına jýrnalynyń barlyq paraqtary nómirlenedi, tigiledi jáne keme ıesiniń qoly men móri qoıylady. Mashına jýrnalyn keme ıesi keme kapıtanyna qolhatpen beredi.
60. Mehanıktiń vahtadaǵy kómekshisi barlyq vahtanyń bastyǵy bolyp tabylady jáne mashına jýrnalynda jazba júrgizedi.
Mehanıkten jáne onyń kómekshilerinen basqa, keme ekıpajynyń músheleri men kemege otyrǵan adamdarǵa, olardyń laýazymdyq dárejesine jáne kemege kelý maqsatyna qaramastan, mashına jýrnalyna qandaı da bir jazbalar nemese túzetýler engizýge ruqsat etilmeıdi.
61. Vahta ýaqytynda vahta mehanıgi mehanızmderdi paıdalaný men jumysy týraly barlyq málimetterdi jazady, al jumys arasyndaǵy úzilisterde jáne vahta aıaqtalǵannan keıin jýrnalǵa vahta týraly qajetti málimetterdi engizedi jáne onda laýazymyn jáne tegin kórsete otyryp, óz qolyn qoıady.
62. Mashına jýrnalyndaǵy jazbalar memlekettik nemese orys tilinde kók nemese qara pastamen (nemese sııamen) anyq jáne uqypty jazylady.
63. Jazǵandy óshirýge, joldardyń arasyna jáne odan tys qystyryp jazýǵa, sondaı-aq keıinnen jazý úshin oryn qaldyrýǵa ruqsat etilmeıdi.
64. Mashına jýrnalyndaǵy mátindi tek negizgi mátindi jazǵan adam jáne kemeniń kapıtany-mehanıgi túzete jáne (nemese) tolyqtyra alady. Qate jazylǵan mátin jeńil oqylatyndaı etip jińishke syzyqpen syzylady jáne jaqshaǵa alynady. Sońǵy jaqshadan keıin kapıtan-mehanık túzetýlerdi jáne (nemese) tolyqtyrýlardy qolymen jáne (nemese) «túzetilgeni ras» degen mátinmen kýálandyrady.
65. Mashına jýrnalyndaǵy jazbalardy keme mehanıgi tekseredi, árbir oń beti onyń qolymen kýálandyrylady. Jýrnaldy júrgizý boıynsha barlyq eskertýlerdi mehanık óziniń kómekshilerine aýyzsha habarlaıdy. Vahta mehanıgi jazbalardy paraqtyń sońynda óz qolymen kýálandyrady.
66. Toltyrylǵan mashına jýrnaly kemede 2 jyl saqtalady, odan keıin keme ıesiniń muraǵatyna ótkiziledi.
67. Mashına jýrnalynda qalypty parametrlerden aýytqý kezindegi málimetter tirkeledi.
68. Málimetter ekiudaı túsinik bermeıtin maǵynada qysqa ári túsinikti etip jazylady.
69. Árbir vahtanyń jazbasy jańa joldan bastalady jáne olardy bekitetin qol qoıýdy qosa alǵanda, qandaı da bir jol qaldyrýsyz júrgiziledi.
70. Keme ýaqyty tún ortasynan – 0 saǵattan 24 saǵatqa deıin sanalady. Ýaqyt mezeti tórt tańbaly sanmen jazylady jáne saǵattar mınýttan núktemen ajyratylady. Oń jaq betindegi kez kelgen jazba 1 mınýtqa deıingi dáldikpen keme saǵaty boıynsha ýaqyt mezetinen bastalady.
71. Bettiń taqyrybynda birinshi jolǵa apta kúniniń ataýy, kúni, aıy jáne jyly, ekinshi jolǵa – reıdtiń, aılaqtyń nemese júzý aýdanynyń ataýy jazylady.
72. Táýliktiń basynda 00.00 mezetke kemeniń orny, jaı-kúıi jáne is-áreketi týraly málimetter jazylady.
73. Vahtanyń basynda vahtaǵa shyqqan jáne kemede jumys isteıtin adamnyń aty-jóni, al qajet kezde – kemeniń toqtaýy jáne is-áreketi týraly qosymsha málimetter jazylady.
74. Vahtanyń sońynda kemeniń orny, jaǵdaıy, jaı-kúıi jáne is-áreketi týraly málimetter tolyq jazylady. Barlyq jaǵdaılarda da jazba «Erekshe belgiler» degen taqyrypshamen aıaqtalady, odan keıin bas qozǵaltqyshtar men mehanızmderdiń erekshe nazar aýdarý qajet jumysy jóninde eskertýler nemese erekshe eskertýler joq bolsa «Eskertýsiz» sózi jazylady.
75. Barlyq ekıpajdyń nemese onyń edáýir bóliginiń qatysýymen qaýyrt jumys kezinde onyń taǵaıyndalýy men aıaqtalýy týraly málimetter jazylady.
9 - paragraf. Kemeni qarap shyǵýdyń biryńǵaı kitabyn júrgizý
76. Kemeni qarap shyǵýdyń Biryńǵaı kitapty aýmaqtyq bólimsheleri kemeni tekserýleriniń barlyǵyn tirkeıtin qujat bolyp tabylady.
77. Kemeni qarap shyǵýdyń biryńǵaı kitabyn keme ıesi keme kapıtanyna qol qoıǵyzyp beredi.
78. Kemeni qarap shyǵýdyń biryńǵaı kitabynyń barlyq paraqtary nómirlenedi, tigiledi jáne keme ıesiniń qoly men móri qoıylady.
79. Kemeni qarap shyǵýdyń biryńǵaı kitabyn jańasyna aýystyrýǵa tek aýmaqtyq bólimshe ony tolyq paıdalanǵannan soń ǵana ruqsat etiledi, bul rette paıdalanylǵan kemeni qarap shyǵýdyń biryńǵaı kitaby keme ıesinde qalady. Eger aýmaqtyq bólimsheniń paıdalanylǵan kitaptaǵy talaptary oryndalmaǵan bolsa, onda olar jańa kitapqa aýystyrylyp jazylady.
80. Kemeni qarap shyǵýdyń biryńǵaı kitaby vahta bastyǵynyń rýbkasynda saqtalady jáne aýmaqtyq bólimsheniń ókilderiniń alǵashqy talaby boıynsha beriledi.
81. Kemeniń kapıtany kemeni qarap shyǵýdyń biryńǵaı kitabyn júıeli túrde tekseredi jáne eskertýlerdi belgilengen merzimde joıý jónindegi sharalardy qabyldaıdy, ol jaıynda árbir jazbanyń qarsysynda kemshilikterdi joıý kúnin kórsete otyryp belgileý júrgizedi.
82. Keme ıesi kemeni qarap shyǵýdyń biryńǵaı kitabyn tekseredi jáne ondaǵy belgilengen kemshilikterdi joıýǵa sharalar qabyldaıdy.
10 - paragraf. Sanıtarlyq-epıdemıologııalyq qorytyndyny berý
83. Sanıtarlyq-epıdemıologııalyq qorytyndy ishki sý kóligi salasyndaǵy obektilerdiń halyqtyń sanıtarııalyq-epıdemıologııalyq salamattylyǵy salasyndaǵy normatıvtik quqyqtyq aktilerge, gıgıenalyq normatıvterge jáne (nemese) tehnıkalyq reglamentterge sáıkestigin (sáıkes emestigin) kýálandyratyn qujat.
84. Sanıtarlyq-epıdemıologııalyq qorytyndyny keme ıesine memlekettik sanıtarlyq epıdemıologııalyq qyzmet organdary «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 62-babynyń 2-tarmaǵyna sáıkes bekitilgen Sanıtarııalyq-epıdemıologııalyq saraptama júrgizý qaǵıdalarynda kózdelgen tártipte beredi.
11 – paragraf. Keme ekıpajynyń eń az quramy týraly kýálikti berý (ózdiginen júzetin kemeler úshin)
85. Keme ekıpajy quramynyń Qazaqstan Respýblıkasy Investısııalar jáne damý mınıstriniń 2015 jylǵy 18 aqpandaǵy № 134 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 10788 bolyp tirkelgen) Keme ekıpajynyń eń az quramyna qoıylatyn talaptarǵa sáıkestigi keme ekıpajynyń eń az quramy týraly kýálikpen kýálandyrylady.
86. Keme ekıpajynyń eń az quramy týraly kýálikti aýmaqtyq bólimsheler úsh jyl merzimge beredi.
87. Keme ekıpajynyń eń az quramy týraly kýálik keme ıesi shtattyq kestesi jáne keme ıesi bekitken kemeni paıdalaný rejımi jáne ekıpajdyń jumysy týraly buıryqty (nemese basqa qujat) qosa bere otyryp, ótinish bergennen keıin bes jumys kúni ishinde keme ıesine beriledi.
88. Eger usynylǵan qujattar Keme ekıpajynyń eń az quramyna qoıylatyn talaptarǵa sáıkes kelmese aýmaqtyq bólimshe Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 18 aqpandaǵy № 134 buıryǵymen bekitilgen Keme ekıpajynyń eń az quramyna qoıylatyn talaptarǵa sáıkes (Normatıvtik quqyqtyq aktilerdi memlekettik tirkeý tiziliminde № 10788 bolyp tirkelgen) keme ekıpajynyń eń az quramy týraly kýálikti berýden bas tartady.
Buıryq Qazaqstan Respýblıkasynyń Ádilet mınıstrliginde 2015 jylǵy 20 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11093 bolyp engizildi.