2015 jylǵy 28 mamyr , Astana qalasy
Teńiz kóligi, teńiz oqý-trenajer ortalyqtary mamandaryn daıarlaýdy
(qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn kýálandyrý qaǵıdalaryn jáne olarǵa qoıylatyn talaptardy
bekitý týraly
«Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasynyń Zańy 4-babynyń 3-tarmaǵy 55-30) tarmaqshasyna sáıkes buıyramyn:
1. Qosa berilip otyrǵan Teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn kýálandyrý qaǵıdalaryn jáne olarǵa qoıylatyn talaptary bekitilsin.
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A.Asavbaev):
1) osy buıryqty Qazaqstan Respýblıkasy Ádilet mınıstrliginde zańnamada belgilengen tártipte memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
«KELISILDI»:
Qazaqstan Respýblıkasynyń
Bilim jáne ǵylym mınıstri
________________ A.Sárinjipov
2016 jylǵy 5 aqpan «KELISILDI»:
Qazaqstan Respýblıkasynyń
Ulttyq ekonomıka mınıstri
________________ E.Dosaev
2015 jylǵy 3 qyrkúıek
Qazaqstan Respýblıkasy Investısııalar jáne damý mınıstriniń
2015 jylǵy 28 mamyrdaǵy №663 buıryǵymen bekitilgen
Teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne
olardyń biliktiligin arttyrýdy júzege asyratyn bilim berý uıymdaryn kýálandyrý qaǵıdalary jáne olarǵa qoıylatyn talaptar
1. Jalpy erejeler
1. Osy Teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn kýálandyrý qaǵıdalary jáne olarǵa qoıylatyn talaptar (budan ári – Qaǵıdalar) «Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasy Zańynyń 4-baby 3-tarmaǵynyń 55-30) tarmaqshasyna sáıkes ázirlendi jáne teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn (budan ári – bilim berý uıymdary) kýálandyrý tártibin jáne olarǵa qoıylatyn talaptardy aıqyndaıdy.
2. Teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn kýálandyrý bilim berý uıymdarynyń, teńiz oqý-trenajer ortalyqtarynyń osy Qaǵıdalardyń talaptaryna sáıkestigin aıqyndaý úshin júrgiziledi.
3. Osy Qaǵıdalarda kelesi uǵymdar paıdalanylanylady:
1) teńiz oqý-trenajer ortalyǵy – halyqaralyq talaptaryna sáıkes teńiz kóligi mamandaryn daıarlaýdy (qaıta daıarlaýdy) jáne biliktiligin arttyrýdy júzege asyratyn zańdy tulǵa;
2) ýákiletti organ – saýda maqsatynda teńizde júzý salasyndaǵy, sondaı-aq, Qazaqstan Respýblıkasynyń zańynda kózdelgen sheńberinde salaaralyq úılestirýdegi basshylyqty júzege asyratyn ortalyq atqarý organy.
2. Teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn kýálandyrý tártibi
4. Bilim berý uıymdaryn, teńiz oqý-trenajer ortalyqtaryn kýálandyrý Qazaqstan Respýblıkasy Investısııalar jáne damý mınıstriniń 2015 jylǵy 28 mamyrdaǵy № 664 «Teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn kýálandyrý jónindegi ýákiletti uıymdy aıqyndaý qaǵıdalaryn bekitý týraly» buıryǵyna (Normatıvtik quqyqtyq aktilerdi memlekettik tirkeý tiziliminde № 12008 bolyp tirkelgen) sáıkes teńiz kóligi mamandaryn daıarlaýdy (qaıta daıarlaýdy) jáne biliktiligin arttyrý boıynsha ýákiletti organmen aıqyndalatyn teńiz kóligi, teńiz oqý-trenajer ortalyqtary mamandaryn daıarlaýdy (qaıta daıarlaýdy) jáne olardyń biliktiligin arttyrýdy júzege asyratyn bilim berý uıymdaryn (budan ári – bilim berý uıymdary) kýálandyrý boıynsha ýákiletti uıymmen júrgiziledi.
5. Bilim berý uıymdaryn, teńiz oqý-trenajer ortalyqtaryn kýálandyrý kezinde ýákiletti uıymdarmen:
1) teńizshilerdi daıarlaýdy júrgizetin oqý baǵdarlamalary;
2) professorlyq-oqytýshylar quramy, sondaı-aq, ınstrýktorlar;
3) qoldanylatyn oqý qural-jabdyqtary, sonyń ishinde bolǵan jaǵdaıda trenajerler.
6. Bilim berý uıymdarymen, teńiz oqý-trenajer ortalyqtarymen kýálandyrýdyń bastalýynan eki aı buryn ýákiletti uıymǵa kelesi aqparat usynylady:
1) uıymdyq qurylym jáne ár túrli konsýltatıvtik keńesterdiń quramy týraly (bolǵan jaǵdaıda);
2) qoldanylatyn teoretıkalyq jáne praktıkalyq daıyndyqtar týraly málimet;
3) qyzmetkerler jáne stýdentter týraly aqparat;
4) oqý qural-jabdyqtardyń sıpattamasy;
5) kelesilerge qatysty saıasattyń jáne prosedýralardyń jalpy mazmundamasy:
stýdentterdi qabyldaý;
jańa kýrstardy ázirleý jáne bar kýrstardy qaıta qaraý;
emtıhandardy, sonyń ishinde apellıasııalar jáne qaıta tapsyratyn emtıhan júrgizý júıesi;
qyzmetkerlerdi jumysqa qabyldaý, daıarlaý, biliktilikti arttyrý, baǵalaý jáne qyzmette joǵarlatý.
7. Ýákiletti uıymmen alynǵan materıaldar analızi júrgiziledi jáne kýálandyrýdy ótkizýdiń aldyn ala merzimi habarlanady.
8. Kýálandyrýdy júrgizý aldynda bilim berý uıymy jáne ýákiletti uıym arasynda kýálandyrýdy ótkizý negizgi sharttary, kýálandyrýdyń bastalý jáne aıaqtalý merzimi bekitilgen kelisim jasalady.
9. Kýálandyrý júrgizý kezinde ýákiletti uıymǵa qajetti jaı beriledi.
10. Kýálandyrý qorytyndysy boıynsha ýákiletti uıymymen:
1) bilim berý uıymy nemese teńiz oqý-trenajer ortalyǵy týraly qysqa anyqtamalyq aqparat jáne olarmen qoldanýǵa josparlanǵan oqý baǵdarlamalary;
2) qoldanylatyn baǵalaý prosedýrasynyń sıpaty;
3) osy Qaǵıdalardyń jáne 2010 jylǵy túzetýlermen 1978 jylǵy Teńizshilerdi daıarlaý jáne dıplomdaý jáne vahtada turý týraly halyqaralyq konvensııasynyń (budan ári – Konvensııa) talaptaryna sáıkestigi nemese sáıkes kelmeýi jáne qoıylǵan maqsattarǵa jáne mindetterge jetý kózqarasynan ishki standarttar sapasynyń tıimdiligi týraly aqparat;
4) teńizshilerdi daıarlaý sapasyn jaqsartý úshin usynystar quraıtyn qorytyndy daıyndaıdy.
11. Jaǵymdy qorytyndy alǵannan keıin bilim berý uıymy, teńiz oqý-trenajer ortalyǵy teńiz kóligi mamandaryn daıarlaýdy (qaıta daıarlaýdy) jáne biliktiligin arttyrý boıynsha qyzmettiń bastalýy týraly ýákiletti organǵa qorytyndynyń kóshirmesin qosa habarlandyrý qaǵazyn jiberedi.
12. Jaǵymsyz qorytyndy bolsa bilim berý uıymy, teńiz oqý-trenajer ortalyǵy qorytyndyny alǵannan keıin bes jumys kún ishinde ýákiletti uıymǵa bekitý úshin túzetýshi áreketter josparyn usynady.
13. Bekitilgen túzetýshi áreketter josparyna sáıkes sáıkessizdikterdi joıǵannan keıin bilim berý uıymy, teńiz oqý-trenajer ortalyǵy osy týraly aqparatty kýálandyrý júrgizgen ýákiletti uıymǵa joldaıdy.
Ýákiletti uıym bilim berý uıymynan, teńiz oqý-trenajer ortalyǵynan habarlandyrý qaǵazyn alǵannan keıin bes jumys kún ishinde qaıta kýálandyrý júrgizedi.
Kýálandyrýdyń nátıjesi boıynsha sáıkessizdikterdi joıý týraly qorytyndy jasalady, qosymshasymen bilim berý uıymy, teńiz oqý-trenajer ortalyǵy ýákiletti organdy teńiz kóligi mamandaryn daıarlaýdy (qaıta daıarlaýdy) jáne biliktiligin arttyrý boıynsha qyzmettiń bastalýy týraly habarlaıdy.
3. Bilim berý uıymdaryna, teńiz oqý-trenajer ortalyqtaryna qoıylatyn talaptar
14. Bilim berý uıymdaryna, teńiz oqý-trenajer ortalyqtaryna kelesi talaptar qoıylady:
1) teńiz kóligi mamandaryn daıarlaý, biliktiligin qoldaý boıynsha kelesilerdi quraıtyn basshalaqtyn bolýy:
teńiz kóligi mamandaryn daıarlaý (qaıta daıarlaý) jáne biliktiligin arttyrý túrlerin kýálandyrýǵa ótinishterdiń jalpy sıpattamasy;
qoldanystaǵy baǵdarlamalyq qamtamasyz etý jáne oqý kýrsyn iske asyrý úshin jabdyqtar sıpattamasyn qosa usynǵan oqý baǵdarlamalarynyń mazmuny;
sapany qamtamasyz etý júıesiniń jalpy sıpattamasy;
bilim berý uıymynda bar jaı, qural-jabdyqtar sıpattamasy;
ınstrýktorlar qyzmetiniń salasyn keńeıtý jáne biliktiligin ustaý úshin qoldanbaly prosedýralarynyń sıpattamasy;
ınstrýktorlardy daıarlaý týraly esep berý qujattamasyn júrgizý jáne saqtaý tártibiniń sıpattamasy.
2) kelesilerdi qamtıtyn menedjment sapasynyń júıesiniń bary:
sapany qamtamasyz etý konsepsııasy;
sapany basqarý;
sapany qamtamasyz etý boıynsha basshylyq;
tekserý ádisi;
esepti júrgizý jáne eseptilik.
3) «Bilim týraly» Qazaqstan Respýblıkasynyń 2007 jylǵy 27 shildedegi 14-babynyń 8-1-tarmaǵy jáne Konvensııa negizinde ýákiletti organmen bekitiletin úlgige sáıkes oqý baǵdarlamalarynyń bilim berý uıymdarynda bolýy;
4) kelesi qujattary bar ınsrýktorlardyń bolýy:
ınstrýktorlardy oqytatyn kýrsyn ótýin rastaıtyn qujat (Halyqaralyq teńiz uıymynyń (HTU) 6.09 modeldik kýrsy);
Konvensııaǵa sáıkes naqty úlgiler jáne daıarlaý dárejeleri úshin kásibı dıplom nemese teńiz kóligi mamandaryn daıarlaý kýálikteri;
eki jyldan kem emes júzý stajy;
trenajerlerdi qoldanǵan jaǵdaılarda, trenajerlerdi qoldanatyn ınstrýktorlar jáne synaýshy oqytý kýrsyn ótý týraly kýálik (HTU 6.10 modeldik kýrsy).
5) oqý qural-jabdyqtarynyń, sonyń ishinde Konvensııanyń II (teńiz) jáne III (tehnıkalyq) taraýlaryna sáıkes tájirıbelik daǵdylardy alý úshin shynaıy jaǵdaılar jasaıtyn trenjerler bolýy.
Buıryq Qazaqstan Respýblıkasynyń Ádilet mınıstrliginde 2016 jylǵy 10 naýryzdaǵy Normatıvtik quqyqtyq kesimderdi memlekettik tirkeýdiń tizilimine №13429 bolyp engizildi.