2015 jylǵy 26 maýsym , Astana qalasy
«Kemelerdi jáne olarǵa quqyqtardy memlekettik tirkeý qaǵıdalaryn bekitý týraly»
Qazaqstan Respýblıkasynyń Investısııalar jáne damý Mınıstriniń mindetin atqarýshynyń 2015 jylǵy 24 aqpandaǵy № 165 buıryǵyna tolyqtyrý engizý týraly
«Saýda maqsatynda teńizde júzý týraly» Qazaqstan Respýblıkasynyń 2002 jylǵy 17 qańtardaǵy Zańy 212-babynyń 1 jáne 2-tarmaqtaryna sáıkes buıyramyn:
1. «Kemelerdi jáne olarǵa quqyqtardy memlekettik tirkeý qaǵıdalaryn bekitý týraly» Qazaqstan Respýblıkasy Investısııalar jáne damý Mınıstriniń mindetin atqarýshynyń 2015 jylǵy 24 aqpandaǵy № 165 buıryǵyna (Normatıvtik quqyqtyq aktilerdi memlekettik tirkeý tiziliminde № 11125 bolyp tirkelgen jáne 2015 jylǵy 18 maýsymda «Ádilet» aqparattyq-quqyqtyq júıesinde jarııalanǵan) mynadaı tolyqtyrý engizilsin:
kórsetilgen buıryqpen bekitilgen Kemelerdi jáne olarǵa quqyqtardy memlekettik tirkeý qaǵıdalary mynadaı mazmundaǵy 35-1-tarmaqpen tolyqtyrylsyn:
«35-1. Kemeniń nemese jasalyp jatqan kemeniń ıpotekasy «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasy Zańynyń 61-4-babynda kózdelgen tártippen operasııa júzege asyrylǵan jaǵdaıda, sondaı-aq ekinshi deńgeıdegi bankter ekinshi deńgeıdegi bankterdiń kredıttik portfelderiniń sapasyn jaqsartýǵa mamandanǵan, daýys beretin aksııalarynyń júz paıyzy Qazaqstan Respýblıkasynyń Ulttyq Bankine tıesili uıymnyń paıdasyna quqyqtardy (talaptardy) bergen kezde kepil ustaýshynyń ótinishi negizinde tirkeledi.
Osy tarmaǵynyń ekinshi bóliginde kózdelgen jaǵdaıda, kemeniń nemese jasalyp jatqan kemeniń ıpotekasyn memlekettik tirkeý týraly ótinishke aktıvter men mindettemelerdi bir mezgilde berý týraly sharttyń (tapsyrý aktisin nemese odan úzindi kóshirmeni qosa bere otyryp), talap etý quqyǵyn basqaǵa berý týraly sharttyń notarıat kýálandyrǵan kóshirmesi qosa beriledi.».
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi jáne 2015 jylǵy 31 jeltoqsanǵa deıin qoldanysta bolady.
Qazaqstan Respýblıkasynyń Investısııalar jáne damý
mınıstriniń mindetin atqarýshy A. RAÝ
«KELISILDI»:
Qazaqstan Respýblıkasynyń Ulttyq ekonomıka mınıstri
________________ E. Dosaev
2015 jylǵy 26 tamyz
Buıryq Qazaqstan Respýblıkasynyń Ádilet mınıstrliginde 2015 jylǵy 13 qazanda Normatıvtik quqyqtyq kesimderdi memlekettik tirkeýdiń tizilimine №12165 bolyp engizildi.