2015 jylǵy 24 shilde,Astana qalasy
«Azamattyq áýe kemelerinde qaýipti júkterdi tasymaldaý jónindegi nusqaýlyqty
bekitý týraly» Qazaqstan Respýblıkasy Kólik jáne kommýnıkasııa mınıstriniń
2011 jylǵy 24 aqpandaǵy №89 buıryǵyna ózgerister engizý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 76-baby 5-tarmaǵyna sáıkes buıyramyn:
1. «Azamattyq áýe kemelerinde qaýipti júkterdi tasymaldaý jónindegi nusqaýlyqty bekitý týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 24 aqpandaǵy № 89 buıryǵyna (Normatıvtik quqyqtyq aktilerdi memlekettik tirkeý tiziliminde № 6822 bolyp tirkelgen, 2011 jylǵy 11 mamyrdaǵy «Kazahstanskaıa pravda» gazetinde jarııalanǵan, 2011 jylǵy 29 sáýirdegi «Egemen Qazaqstan» gazetinde jarııalanǵan, 2011 jylǵy 13 qazandaǵy Qazaqstan Respýblıkasynyń ortalyq atqarýshy jáne ózge de ortalyq memlekettik organdarynyń aktiler jınaǵy) mynadaı ózgerister engizilsin:
kórsetilgen buıryqpen bekitilgen, Azamattyq áýe kemelerinde qaýipti júkterdi tasymaldaý jónindegi nusqaýlyqta:
13-tarmaq jańa redaksııada jazylsyn:
«13. Tehnıkalyq nusqaýlyqtarda kórsetilgen paıdalanýshy, júkjiberýshi (júkjóneltýshi) jáne basqa da adamdardy qamtıtyn jáne qaýipti júkterdi áýe kemelerimen tasymaldaýǵa, saraptaýǵa, toptastyrýǵa jáne býyp-túıýge qatysatyn personal Tehnıkalyq nusqaýlyqtar talaptaryna sáıkes azamattyq avıasııa uıymdary ázirleıtin arnaıy baǵdarlamalar boıynsha bastaýysh jáne kezeń-kezeńmen daıyndyq túrlerinen ótýi tıis.
Tehnıkalyq nusqaýlyqtarda kórsetilgen qaýipti júkterdi áýe kemelerimen tasymaldaýǵa qatysatyn paıdalanýshy mamandardy qamtıtyn jáne ushý ekıpajynyń músheleri, sertıfıkattalǵan avıasııalyq oqý oryndarynda (ortalyqtarynda) arnaıy baǵdarlamalar boıynsha bastaýysh jáne kezeń-kezeńmen daıyndyq túrlerinen ótýi tıis.
Baǵdarlamalar Tehnıkalyq nusqaýlyqtar talaptaryna sáıkes ázirlenedi jáne jańartylady.».
Nusqaýlyqtyń 14-tarmaǵy mynadaı redaksııada jazylsyn:
«14. Daıyndyqtan ótken personalda tıisti sertıfıkat (kýálik) bolýy qajet. Sertıfıkattyń (kýáliktiń) jaramdylyq merzimi 2 jyldy quraıdy.
Personaldy daıarlaý týraly málimet sońǵy daıyndyqtan ótýdiń aıaqtalý kúninen bastap 3 jyl ishinde saqtalady jáne azamattyq avıasııa salasyndaǵy ýákiletti organǵa onyń suratýy boıynsha beriledi.».
2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K.Seıdahmetov):
1) osy buıryqty zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń mindetin atqarýshy S.SARSENOV
Buıryq Qazaqstan Respýblıkasynyń Ádilet mınıstrliginde 2015 jylǵy 28 tamyzdaǵy Normatıvtik quqyqtyq kesimderdi memlekettik tirkeýdiń tizilimine №11967 bolyp engizildi.