2015 jylǵy 27 tamyz, Astana qalasy
«Qazaqstan Respýblıkasy Investısııalar jáne damý mınıstrliginiń Aeroǵarysh komıteti týraly erejeni bekitý týraly» Qazaqstan Respýblıkasy Investısııalar jáne damý Mınıstriniń mindetin atqarýshynyń 2014 jylǵy 17 qazandaǵy № 77 buıryǵyna ózgerister men tolyqtyrýlar engizý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 29-baby 1-tarmaǵynyń 6) tarmaqshasyna jáne «Qazaqstan Respýblıkasy Investısııalar jáne damý mınıstrliginiń keıbir máseleleri» Qazaqstan Respýblıkasy Úkimetiniń 2014 jylǵy 19 qyrkúıektegi № 995 qaýlysyna sáıkes buıyramyn:
1. «Qazaqstan Respýblıkasy Investısııalar jáne damý mınıstrliginiń Aeroǵarysh komıteti týraly erejeni bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2014 jylǵy 17 qazandaǵy № 77 buıryǵyna (normatıvtik quqyqtyq aktileriniń memlekettik tirkeý tiziliminde № 9829 bolyp tirkelgen, 2014 jylǵy 17 qarashadaǵy «Ádilet» aqparattyq-quqyqtyq júıesinde jáne 2015 jylǵy 9 sáýirdegi № 64 (28542) «Egemen Qazaqstan» gazetinde jarııalanǵan) mynadaı ózgerister men tolyqtyrýlar engizilsin:
atalǵan buıryqpen bekitilgen Qazaqstan Respýblıkasy Investısııalar jáne damý mınıstrliginiń Aeroǵarysh komıteti týraly erejede:
14-tarmaq mynadaı redaksııada jazylsyn:
«14. Fýnksııalary:
1) ǵarysh qyzmeti salasyndaǵy memlekettik saıasattyń óz quzyreti sheginde iske asyrylýyn qamtamasyz etedi;
2) ǵarysh qyzmeti salasynda halyqaralyq yntymaqtastyqty óz quzyreti sheginde uıymdastyrady;
3) ǵarysh qyzmeti salasyndaǵy halyqaralyq yntymaqtastyqty júzege asyrýǵa jáne halyqaralyq uıymdar men shet memleketterde Qazaqstan Respýblıkasynyń múddelerin bildirýge qatysady;
4) ǵylymı-zertteý jáne tájirıbelik-konstrýktorlyq jumystar júrgizýdi qosa alǵanda, ǵarysh qyzmeti salasyndaǵy jobalar men baǵdarlamalardy iske asyrýdy uıymdastyrady jáne qamtamasyz etedi;
5) ǵarysh qyzmeti salasyndaǵy jobalarǵa salalyq saraptamany júzege asyrady;
6) Qazaqstan Respýblıkasy úshin jasalatyn, ǵarysh tehnıkasyn óndirýge arnalǵan memlekettik tapsyrmalardyń tizbesi boıynsha Mınıstrlikke usynystar engizedi;
7) ǵarysh qyzmeti salasyndaǵy aıaqtalǵan jobalar boıynsha nátıjelerdi qabyldaýdy uıymdastyrady;
8) ǵarysh júıeleriniń ulttyq operatorlaryn, sondaı-aq olardyń mindetteri men fýnksııalaryn aıqyndaý úshin zańdy tulǵalar tizbesi boıynsha Mınıstrlikke usynystar engizedi;
9) óz quzyreti sheginde normatıvtik quqyqtyq aktilerdi ázirleıdi jáne kelisedi;
10) ǵarysh qyzmeti salasyndaǵy tehnıkalyq reglamentter men ulttyq standarttardy ázirleýge qatysady;
11) Qazaqstan Respýblıkasynyń aýmaǵynan ǵarysh obektilerin ushyrý, sondaı-aq ony odan tys jerlerde ǵarysh qyzmetine qazaqstandyq qatysýshylar júzege asyratyn jaǵdaıda ushyrý týraly sheshimderdi qabyldaıdy jáne kelisý tártibin ázirleıdi;
12) ǵarysh keńistigin paıdalaný salasyndaǵy qyzmetke qoıylatyn biliktilik talaptaryn ázirleıdi;
13) ǵarysh obektilerin jáne olarǵa quqyqtardy memlekettik tirkeý tártibin ázirleıdi;
14) ǵaryshkerlikke kandıdattardy irikteý jáne ǵaryshkerlikke kandıdat, ǵaryshker mártebesin berý tártibin ázirleıdi;
15) Qazaqstan Respýblıkasynyń ǵaryshkerler jasaǵy týraly erejeni ázirleıdi;
16) ǵaryshkerlikke kandıdatqa, ǵaryshkerge qyzmettik mindetterin atqarý kezinde alǵan jaraqatynyń, mertigýiniń, aýrýynyń saldarynan múgedektik belgilengen kezde, sondaı-aq ol qyzmettik mindetterin atqarýǵa baılanysty qaza tapqan (qaıtys bolǵan) jaǵdaıda birjolǵy ótemaqy tóleý tártibin ázirleıdi;
17) Qazaqstan Respýblıkasynyń aýmaǵynda, sondaı-aq ǵarysh keńistiginde ǵarysh júıelerin qurý jáne paıdalaný (qoldaný) qaǵıdalaryn ázirleıdi;
18) Qazaqstan Respýblıkasynyń aýmaǵynda ǵarysh zymyran keshenderin qurý jáne paıdalaný (qoldaný) qaǵıdalaryn ázirleıdi;
19) ǵarysh qyzmeti salasyndaǵy aıaqtalǵan jobalar boıynsha nátıjelerdi qabyldaý tártibin ázirleıdi;
20) jeke jáne (nemese) zańdy tulǵalarǵa ǵarysh apparattary transponderlerin usyný tártibin ázirleıdi;
21) Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi qashyqtyqtan zondtaý derekterin alý, óńdeý jáne taratý tártibin ázirleıdi;
22) dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný tártibin ázirleıdi;
23) paıdalanýdan shyǵarylǵan ǵarysh obektileri men tehnıkalyq quraldardy kádege jaratýdyń tártibin ázirleıdi;
24) ónimniń eksportyn, reeksportyn, ımportyn, tranzıtin jáne qaıta óńdelýin kelisý boıynsha eksporttyq baqylaý júıesiniń memlekettik organdary jumysyna óz quzyreti sheginde qatysady;
25) ǵarysh keńistigin paıdalaný salasynda lısenzııalaýdy júzege asyrady;
26) ǵarysh obektilerin jáne olarǵa quqyqtardy memlekettik tirkeýdi júzege asyrady;
27) lısenzıattyń Qazaqstan Respýblıkasynyń zańnamasyn saqtaýyn qamtamasyz etýge baǵyttalǵan ruqsattyq baqylaýdy júzege asyrady;
28) ǵarysh qyzmeti salasyndaǵy memlekettik baqylaýdy júzege asyrady;
29) ǵarysh qyzmetin júzege asyrý kezinde izdestirý, avarııalyq-qutqarý jumystaryn uıymdastyrýǵa, sondaı-aq avarııalardy tekserýge óz quzyreti sheginde qatysady;
30) ǵarysh obektileriniń tirkelimin júrgizedi;
31) ǵarysh keńistigine ushyrylatyn Qazaqstan Respýblıkasynyń ǵarysh obektileriniń tańbalanýy boıynsha usynystardy ázirleıdi;
32) Reseı Federasııasynyń «Baıqońyr» ǵarysh aılaǵynan júzege asyratyn ǵarysh apparattaryn ushyrýdyń jáne zymyrandardy synaqtyq ushyrýdyń josparlary boıynsha jyl saıynǵy qorytyndy daıyndyqty uıymdastyrady jáne onyń iske asyrylýyna monıtorıng júrgizedi;
33) Reseı Federasııasy jalǵa alǵan «Baıqońyr» kesheniniń obektileri men múlkiniń saqtalý jáne paıdalaný jaǵdaılaryn baqylaýdy júzege asyrýǵa qatysady;
34) Qazaqstan Respýblıkasynyń zańnamasyna sáıkes, Qazaqstan Respýblıkasynyń qaramaǵyndaǵy «Baıqońyr» kesheniniń obektilerine ǵarysh aılaǵy personalynyń, Baıqońyr qalasy turǵyndarynyń, laýazymdy tulǵalardyń, delegasııalardyń, buqaralyq aqparat quraldary ókilderiniń, týrısterdiń, qalaǵa jeke isteri boıynsha keletin azamattardyń – Qazaqstan Respýblıkasy azamattarynyń jáne Reseı Federasııasy azamattarynyń kirýine ruqsat berý týraly sheshim qabyldaıdy;
35) memlekettik qyzmetterdiń standarttary men reglamentterin ázirleıdi;
36) Qazaqstan Respýblıkasy úshin jasalatyn ǵarysh tehnıkasy óndirisine arnalǵan memlekettik tapsyrmalardyń iske asyrylýyn qamtamasyz etedi;
37) ǵaryshta ornalasqan jáne qashyqtyqtan zondtaýdyń (ǵarysh monıtorınginiń) baqylaý quraldaryn paıdalana otyryp, qorshaǵan ortanyń jaı-kúıine baqylaý júıesiniń jumys isteýin uıymdastyrý;
38) 1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy «Baıqońyr» keshenin jalǵa berý sharty boıynsha jumystardy zańnamada belgilengen tártippen úılestirýdi júzege asyrady;
39) ǵaryshkerlerge úmitkerlerdi daıarlaý, qaıta daıarlaý jáne olardyń biliktiligin arttyrý jónindegi qyzmetti uıymdastyrady jáne úılestiredi, sondaı-aq ǵarysh qyzmeti salasyndaǵy kadrlardyń biliktiligin arttyrady jáne qaıta daıarlaıdy;
40) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.»;
20-tarmaq mynadaı redaksııada jazylsyn:
«20. Komıtet tóraǵasynyń ókilettigi:
1) eńbek qatynastary máseleleri joǵary turǵan memlekettik organdar men laýazymdyq tulǵalardyń quzyretine jatqyzylǵan qyzmetkerlerden basqa, Komıtet qyzmetkerlerin qyzmetke taǵaıyndaıdy jáne qyzmetten bosatady;
2) eńbek qatynastary máseleleri joǵary turǵan memlekettik organdar men laýazymdyq tulǵalardyń quzyretine jatqyzylǵan qyzmetkerlerden basqa, Komıtet qyzmetkerleriniń issapar, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, yntalandyrý, ústemaqylar tóleý jáne syıaqy berý, sondaı-aq tártiptik jaýapkershiligi máselelerin sheshedi;
3) óz quzyreti sheginde buıryqtarǵa qol qoıady;
4) Komıtettiń qurylymdyq bólimsheleri týraly erejeni bekitedi;
5) Komıtettiń Zań basqarmasyna jetekshilik etedi;
6) memlekettik organdarda jáne ózge de uıymdarda Komıtettiń atynan áreket etedi;
7) Komıtette sybaılas jemqorlyqqa qarsy áreketke baǵyttalǵan sharalar qabyldaıdy jáne derbes jaýapkershilikte bolady;
8) óziniń quzyretine jatatyn máseleler boıynsha sheshim qabyldaıdy.
Komıtettiń tóraǵasy bolmaǵan kezeńde, onyń ókilettikterin oryndaýdy qoldanystaǵy zańnamaǵa sáıkes ony almastyratyn tulǵa júzege asyrady.»;
mynadaı mazmundaǵy 25-1 tarmaqshamen tolyqtyrylsyn:
«25-1 Komıtettiń qaramaǵyndaǵy uıymdardyń tizbesi osy erejeniń qosymshasynda keltirilgen.»;
osy buıryqqa qosymshaǵa sáıkes qosymshamen tolyqtyrylsyn.
2. Qazaqstan Respýblıkasy Investısııalar jáne damý mınıstrliginiń Aeroǵarysh komıteti (T.A.Musabaev):
1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa kóshirmesin jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
Qazaqstan Respýblıkasy Investısııalar jáne damý mınıstriniń
2015 jylǵy 27 tamyzdaǵy №888 buıryǵyna qosymsha
«Qazaqstan Respýblıkasy Investısııalar jáne damý mınıstrliginiń
Aeroǵarysh komıteti» erejesine qosymsha
Aeroǵarysh komıtetiniń qaramaǵyndaǵy uıymdardyń tizbesi
Respýblıkalyq memlekettik kásiporyndar:
1) Qazaqstan Respýblıkasynyń Investısııalar jáne damý mınıstrligi Aeroǵarysh komıtetiniń «Infrakos» sharýashylyq júrgizý quqyǵyndaǵy respýblıkalyq memlekettik kásiporny;
2) Qazaqstan Respýblıkasynyń Investısııalar jáne damý mınıstrligi Aeroǵarysh komıtetiniń «Ǵarysh-Ekologııa» ǵylymı-zertteý ortalyǵy» sharýashylyq júrgizý quqyǵyndaǵy respýblıkalyq memlekettik kásiporny.
Aksıonerlik qoǵamdar:
1) «Báıterek» Qazaqstan-Reseı birlesken kásiporny» aksıonerlik qoǵamy;
2) «Respýblıkalyq ǵaryshtyq baılanys ortalyǵy» aksıonerlik qoǵamy;
3) «Qazaqstan Ǵarysh Sapary» Ulttyq kompanııasy» aksıonerlik qoǵamy;
4) «Akademık О́.M.Sultanǵazın atyndaǵy ulttyq ǵaryshtyq zertteýler men tehnologııalar ortalyǵy» aksıonerlik qoǵamy.
Buıryq Qazaqstan Respýblıkasynyń Ádilet mınıstrliginde 2015 jylǵy 7 qazandaǵy Normatıvtik quqyqtyq kesimderdi memlekettik tirkeýdiń tizilimine №12145 bolyp engizildi.