Qazaqstan Respýblıkasy Investısııalar jáne damý mınıstrliginiń buıryǵy  №9

  2016 jylǵy 19 qańtar, Astana qalasy Jyljymaly jeliniń abonenttik qurylǵysy arqyly alynǵan, elektrondyq nysandaǵy memlekettik jáne ózge de qyzmetter kórsetý nátıjeleriniń mindetti derektemelerin, sondaı-aq olardyń anyqtyǵyn tekserý qaǵıdalaryn bekitý týraly «Aqparattandyrý týraly» 2015 jylǵy 24 qarashadaǵy Qazaqstan Respýblıkasynyń Zańy 7-babynyń 63) tarmaqshasyna sáıkes buıyramyn: 1) osy buıryqqa 1-qosymshaǵa sáıkes jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne ózge de qyzmetterdi kórsetý nátıjeleriniń mindetti derektemeleri; 2) osy buıryqqa 2-qosymshaǵa sáıkes jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne ózge de qyzmetterdi kórsetý nátıjeleriniń durystyǵyn tekserý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B.Qazanǵap): 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ınternet-portaldarynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshasynda eskerilgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Investısııalar jáne damý vıse-mınıstrine júktelsin. 4. Osy buıryq alǵash resmı jarııalanǵan kúnnen keıin kúntizbelik on kún aıaqtalǵan soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILGEN» Qazaqstan Respýblıkasynyń Ulttyq ekonomıka mınıstri ___________ E.DOSAEV 2016 jylǵy 28 qańtar Qazaqstan Respýblıkasy Investısııalar jáne damý mınıstriniń 2016 jylǵy 19 qańtardaǵy №9 buıryǵyna 1-qosymsha Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne ózge de qyzmetterdi kórsetý nátıjeleriniń mindetti derektemeleri 1. Jalpy erejeler 1. Osy Jyljymaly jeliniń abonenttik qurylǵysy arqyly alynǵan memlekettik jáne basqa da qyzmetterdi kórsetý nátıjeleriniń mindetti derektemelerin (budan ári – Mindetti derektemeler) Qazaqstan Respýblıkasynyń «Aqparattandyrý týraly» 2015 jylǵy 24 qarashadaǵy Zańy 7-babynyń 63) tarmaǵyna sáıkes ázirlengen jáne jyljymaly jeliniń abonenttik qurylǵysy arqyly alynǵan memlekettik jáne basqa da qyzmetterdi kórsetý nátıjeleriniń mindetti derektemelerin belgileıdi. 2. Osy Mindetti derektemelerde kelesi negizgi túsinikter qoldanylady: 1) jedel habarlama – jedel qysqa habarlama rejiminde servıstik qosymshamen jáne uıaly baılanys jelisi abonenti arasynda ınteraktıvti ózara is-qımyldy uıymdastyrýǵa múmkindik beretin derekter berý tehnologııasy; 2) jyljymaly jeliniń abonenttik qurylǵysy – abonent bergen aqparatty berý nemese qabyldaý úshin elektr baılanys sıgnaldaryn qalyptastyratyn jáne baılanys operatorynyń jelisine qosylatyn, qyzmet kórsetiletin aýmaqtyń sheńberinde geografııalyq jaǵynan aıqyndalatyn turaqty ornalasqan jeri joq, jyljymaly baılanys jelilerinde (uıaly, trankıngtik, spýtnıktik telekommýnıkasııalar jelisinde jáne basqalarda) jumys isteıtin jeke paıdalanylatyn baılanys quraly; 3) qysqa mátindi habarlama – uıaly baılanys operatorynyń uıaly baılanys jelisi arqyly aqparatty qabyldaý jáne berý boıynsha kórsetetin qyzmeti; 4) matrısalyq kod – «Aqparattyq tehnologııalar» QR ST ISO/HEK 18004-2009 standartyna sáıkes elektrondyq qujatqa engizilgen matrısalyq ekiólshemdik shtırh kod túrindegi, onyń tehnıkalyq qural-jabdyqtarynyń múmkindigin usynatyn grafıkalyq aqparat; 5) paıdalanýshyǵa elektrondyq aqparattyq resýrstar berý jónindegi kórsetiletin qyzmet – elektrondyq nysanda kórsetiletin aqparattyq qyzmet; 6) elektrondyq qujat – ózindegi aqparat elektrondyq-sıfrlyq nysanda usynylǵan jáne elektrondyq sıfrlyq qoltańba arqyly kýálandyrylǵan qujat; 7) «elektrondyq úkimet» mobıldik qosymshasy (budan ári – mobıldik qosymsha) – abonenttik jyljymaly jeli qurylǵysynda ornatylǵan jáne iske qosylǵan uıaly baılanys jáne ınternet arqyly elektrondyq nysandaǵy memlekettik qyzmetterge jáne basqa da qyzmetterge qoljetimdilik beretin qamtamasyz etetin baǵdarlama; 8) «elektrondyq úkimettiń» veb-portaly – normatıvtik quqyqtyq bazany qosa alǵanda, barlyq shoǵyrlandyrylǵan úkimettik aqparatqa jáne elektrondyq nysanda kórsetiletin memlekettik jáne ózge de qyzmetterge qol jetkizýdiń «ortaq terezesin» bildiretin aqparattyq júıe. 2. Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne basqa da qyzmetterdi kórsetý nátıjeleriniń mindetti derektemeleri 3. Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik qyzmetterdi kórsetý nátıjesi, «elektrondyq úkimet» veb-portalynyń paıdalanýshysy kabınetine baǵyttalǵan elektrondyq nysandaǵy qujat kelesi mindetti derektemelerdi quraıdy: 1) «elektrondyq úkimet» mobıldik qosymshasy arqyly elektrondyq nysanda memlekettikqyzmet kórsetkende: elektrondyq qujattyń biregeı nómiri; memlekettik jáne ózge de qyzmetti elektrondyq nysanda alǵan kúni; Qyzmet alýshynyń JSN/BSN; matrısalyq kod. 2) qysqa mátindi habarlama jáne jedel habarlama arqyly elektrondyq nysanda memlekettik qyzmet kórsetkende: elektrondyq qujattyń biregeı nómiri; Qyzmet alýshynyń JSN/BSN. 4. Jyljymaly jeliniń abonenttik qurylǵysy arqyly alynǵan elektrondyq nysandaǵy basqa da qyzmetterdi kórse­týdegi mindetti derektemeler, mindetti derektemeler talap etilmeıtin elektrondyq nysandaǵy kórsetiletin aqpa­rattyq qyzmetterdi qospaǵanda, osy mindetti derektemege 3-tarmaqta kórsetilgen derektemeler bolyp tabylady. Qazaqstan Respýblıkasy Investısııalar jáne damý mınıstriniń 2016 jylǵy 19 qańtardaǵy №9 buıryǵyna 2-qosymsha Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne ózge de qyzmetterdi kórsetý nátıjeleriniń durystyǵyn tekserý qaǵıdalary 1. Jalpy erejeler 1. Osy Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne basqa da qyzmetterdi kórsetý nátıjeleriniń durystyǵyn tekserý qaǵıdalary (budan ári – Qaǵıdalar) Qazaqstan Respýblıkasynyń «Aqparattandyrý týraly» 2015 jylǵy 24 qarashadaǵy Zańynyń 7-baby 63) tarmaqshasyna sáıkes ázirlendi jáne Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne basqa da qyzmetterdi kórsetý nátıjeleriniń mindetti derektemeleriniń durystyǵyn tekserý tártibin belgileıdi. 2. Osy Tártipte kelesi negizgi túsinikter qoldanylady: 1) matrısalyq kod – «Aqparattyq tehnologııalar» QR ST ISO/HEK 18004-2009 standartymen sáıkes elektrondyq qujatqa engiziletin matrısalyq ekiólshemdik shtırh kod túrindegi, onyń tehnıkalyq qural-jabdyqtarynyń múmkindigin usynatyn grafıkalyq aqparat; 2) «elektrondyq úkimet» veb-portaly – normatıvtik quqyqtyq bazany qosa alǵanda, barlyq shoǵyrlandyrylǵan úkimettik aqparatqa jáne elektrondyq nysanda kórsetiletin memlekettik jáne ózge de qyzmetterge qol jetkizýdiń «bir terezesin» bildiretin aqparattyq júıe bolyp tabylady; 3) «elektrondyq úkimet» mobıldik qosymshasy (budan ári – mobıldik qosymsha) – jyljymaly jeli abonenttik qurylǵysynda ornatylǵan jáne iske qosylǵan uıaly baılanys jáne ınternet arqyly elektrondyq nysandaǵy kórsetiletin memlekettik qyzmetterge jáne basqa da qyzmetterge qoljetimdilik beretin baǵdarlama; 4) elektrondyq sıfrlyq qoltańba – elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesiligin jáne mazmunynyń ózgermeıtindigin rastaıtyn elektrondyq sıfrlyq nyshandar terimi. 2. Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne ózge de qyzmetterdi kórsetý nátıjeleriniń mindetti derektemeleriniń durystyǵyn tekserý tártibi 3. Jyljymaly jeliniń abonenttik qurylǵysy arqyly kórsetilgen elektrondyq nysandaǵy memlekettik jáne ózge de qyzmetterdi kórsetý nátıjesi bolyp tabylatyn elektrondyq qujattarǵa jatatyndyǵy mindetti derektemeleriniń durystyǵy qyzmet berýshiniń ýákiletti laýazymdyq tulǵasynyń elektrondyq sıfrlyq qoltańbasymen rastalady. Qyzmet berýshiniń ýákiletti laýazymdyq tulǵasynyń elektrondyq sıfrlyq qoltańbasy týraly aqparat matrısalyq kodtan tıisti aqparatty alý jolymen tekseriledi. 4. Jyljymaly jeliniń abonenttik qurylǵysy arqyly alynǵan elektrondyq qujattarǵa elektrondyq qujattardyń tıesiligi «elektrondyq úkimet» veb portalymen qalyptastyrylǵan jáne berilgen elektrondyq qujattyń biregeı nómirimen rastalady. 5. Jyljymaly jeliniń abonenttik qurylǵysy arqyly alynǵan elektrondyq nysandaǵy memlekettik jáne ózge de qyzmetterdi kórsetý nátıjeleriniń mindetti derektemeleriniń durystyǵyn tekserý «elektrondyq úkimet» veb-portalynda, sondaı-aq «elektrondyq úkimet» mobıldik qosymshasy arqyly júzege asyrylady. 5-tarmaqta kórsetilgen tekserýdi júrgizý úshin paıdalanýshy, «Elektrondyq úkimet» veb-portaly arqyly alynǵan qyzmetti tekserý» servısin tańdaıdy, elektrondyq qujattyń biregeı nómiri men kórsetiletin qyzmetti alýshynyń JSN/BSN engizedi jáne tekserý oń nátıjeli bolǵanda, paıdalanýshyǵa kórsetilgen qyzmet nátıjesin kórý múmkindigimen qosa jáne memlekettik jáne basqa da qyzmetti elektrondyq nysanda kórsetýge suraý salý qortyndysy boıynsha qujatqa qol qoıǵan qyzmet kórsetýdi berýshi ýákiletti tulǵanyń elektrondyq sıfrlyq qoltańbasy týraly aqparat qoljetimdi bolady. Tekserý teris nátıjeli bolǵan jaǵdaıda, elektrondyq qujatty tekserý kezinde engizilgen JSN/BSN jáne nómirli elektrondyq qujattyń joqtyǵy týraly habarlama shyǵady. Buıryq Qazaqstan Respýblıkasynyń Ádilet mınıstrliginde 2016 jylǵy 24 aqpandaǵy Normatıvtik quqyqtyq kesimderdi memlekettik tirkeýdiń tizilimine №13184 bolyp engizildi.