2016 jylǵy 12 aqpan, Astana qalasy
«Temirjol vokzaldary qyzmetin uıymdastyrý qaǵıdalaryn bekitý týraly»
Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 23 qańtardaǵy № 55 buıryǵyna tolyqtyrý engizý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasynyń Zańyń 43-1-babynyń 1-tarmaqshasyna sáıkes buıyramyn:
1. «Temir jol vokzaldary qyzmetin uıymdastyrý qaǵıdalaryn bekitý týraly» Qazaqstan Respýblıkasynyń Investısııalar jáne damý mınıstriniń mindetin atqarýshynyń 2015 jylǵy 23 qańtardaǵy № 55 buıryǵyna (Normatıvtik quqyqtyq aktilerin memlekettik tirkeý tiziliminde №10327 bolyp tirkelgen, «Ádilet» aqparattyq-quqyqtyq júıesinde 2015 jyldyń 3 naýryzynda jarııalanǵan) mynadaı tolyqtyrý engizilsin:
kórsetilgen buıryqpen bekitilgen Temirjol vokzaldary qyzmetin uıymdastyrý qaǵıdalary:
mynadaı mazmundaǵy 9-1-tarmaqpen tolyqtyrylsyn:
«9-1. Múgedekterdiń temirjol kóligi salasyndaǵy kórsetiletin qyzmetterge qol jetkizýi úshin temirjol vokzaldarynda jáne temirjol stansııalarynda:
1) arnaıy jol belgileri ornatyla otyryp, múgedekterdiń avtokólik quraldaryn qoıýǵa arnalǵan oryndardyń bólinýi;
2) ǵımarattardyń, ǵımarattarǵa kireberis joldardyń (ǵımaratqa kirer joldardyń, baspaldaqtardyń), ǵımarat ishindegi qozǵalys joldarynyń halyqtyń júrip-turýy shekteýli toptary úshin yńǵaılastyrylýy;
3) kórý jáne (nemese) estý qabiletteri buzylǵan múgedekter úshin Qazaqstan Respýblıkasy zańnamasynyń talaptaryna sáıkes qoljetimdi aqparattyq sıgnaldyq qurylǵylarmen jáne baılanys quraldarymen jabdyqtalýy;
4) tirek-qımyl apparaty buzylǵan múgedekterge jáne halyqtyń júrip-turýy shekteýli basqa da toptaryna qyzmet kórsetý úshin múgedekterge arnalǵan kezekshi kreslo-arbanyń bolýy;
5) qoǵamdyq dárethanalardyń múgedekterdiń kreslo-arbalarymen júrip-turatyn adamdarǵa arnalǵan kabınalarmen jabdyqtalýy;
6) múgedekterdiń kreslo-arbalarymen júrip-turatyn adamdarǵa arnalǵan arnaıy taksofondardyń ornatylýy qamtamasyz etilýge tıis.».
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik bes kún ishinde Qazaqstan Respýblıkasynyń normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstri Á. ISEKEShEV
Buıryq Qazaqstan Respýblıkasynyń Ádilet mınıstrliginde 2016 jylǵy 15 naýryzda Normatıvtik quqyqtyq kesimderdi memlekettik tirkeýdiń tizilimine №13478 bolyp engizildi.