2016 jylǵy 23 aqpan, Astana qalasy
«Arnaıy avtomattandyrylǵan ólsheý quraldaryn paıdalaný qaǵıdalaryn bekitý týraly» Qazaqstan Respýblıkasynyń Kólik jáne kommýnıkasııa mınıstriniń mindetin atqarýshynyń 2013 jylǵy 5 qyrkúıektegi № 689 buıryǵyna ózgerister men tolyqtyrý engizý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 43-1-babynyń 1-tarmaǵyna sáıkes buıyramyn:
1. «Arnaıy avtomattandyrylǵan ólsheý quraldaryn paıdalaný qaǵıdalaryn bekitý týraly» Qazaqstan Respýblıkasy Kólik jáne kommýnıkasııa mınıstriniń mindetin atqarýshynyń 2013 jylǵy 5 qyrkúıektegi № 689 buıryǵyna (Normatıvtik kuqyqtyq aktilerdi memlekettik tirkeý tiziliminde № 8788 bolyp tirkelgen, 2013 jylǵy 5 jeltoqsanda «Egemen Qazaqstan» gazetinde № 268 (28207) bolyp jarııalanǵan) mynadaı ózgerister men tolyqtyrý engizilsin:
kórsetilgen buıryqpen bekitilgen Arnaıy avtomattandyrylǵan ólsheý quraldaryn paıdalaný qaǵıdalarynda:
4-tarmaq mynadaı redaksııada jazylsyn:
«4. Qaǵıdalarda qoldanylatyn negizgi uǵymdar men termınder:
1) apparattyq-baǵdarlamalyq keshen – belgili bir tıptegi mindetterdi sheshý úshin birlesip qoldanylatyn baǵdarlamalyq qamtylym men tehnıkalyq quraldar jıyntyǵy;
2) arnaıy avtomattandyrylǵan ólsheý quraly – metrologııalyq salystyryp tekserýden ótken, foto -, beınetúsirilimdi júzege asyratyn, avtomatty rejımde jumys isteıtin, avtokólik quraldarynyń túrin, markasyn, memlekettik tirkeý belgisin, salmaqtyq jáne (nemese) kólemdik parametrlerin jáne qozǵalys jyldamdyǵyn tirkeıtin sertıfıkattalǵan arnaıy baqylaý-ólsheý tehnıkalyq jabdyǵy;
3) kólik quraldaryn ólsheý – mindetti metrologııalyq tekserýden ótken jáne tıisti sertıfıkaty bar stasıonarlyq úlgidegi salmaq ólsheý jabdyǵy nemese tasymaldanatyn utqyr tarazylar kómegimen avtokólik quraldarynyń jalpy massasy men bilikke túsetin júktemesin anyqtaý prosesi;
4) qatty jol qaptaýy – jabyndysy nemese sement beton nemese temir beton negizindegi jol qaptaýy;
5) qatty emes jol qaptaýy – qabattary asfalt betonnyń birneshe túrinen, bıtýmmen, sementpen, ákpen bekitilgen keshendi jáne basqa da tutqyr materıaldardan, sondaı-aq álsiz baılanǵan qıyrshyqty materıaldardan jasalǵan jol qaptaýy;
6) ólsheý aýytqýy – ólsheý nátıjesiniń ólshenilip jatqan shamanyń aqıqat (anyq) máninen aýytqýy.»;
mynadaı mazmundaǵy 6-1-tarmaqpen tolyqtyrylsyn:
«6-1. Avtokólik quraldarynyń salmaqtyq parametrlerin anyqtaǵan kezde avtokólik quraly salmaǵynyń ólshengen máninen kóliktik derekter qory men tasymaldaý qaýipsizdigi dınamıkasynyń monıtorıngi aqparattyq taldaý júıesimen (budan ári – KDQ ATJ) avtomatty túrde shegeriletin jol qaptaýy konstrýksııasynyń tıpine qaraı ólsheý aýytqýy eskeriledi.
О́lsheý aýytqýy qatty jol qaptaýy bolǵan kezde: avtokólik quraldarynyń salmaǵynan – 5%, avtokólik quraldarynyń dara bilikke túsken júktemesinen – 8%, júk, arnaıy beıimdelgen jáne arnaýly avtomobılderdiń, ózi aýdarǵyshtyń, avtobýstyń, tirkemelerdiń nemese jartylaı tirkemelerdiń bilikter sany úshten asatyn sabaqtas bilikke, qosarlanǵan jáne úshtik bilikterge túsken júktemesinen – 7% quraıdy;
О́lsheý aýytqýy qatty emes jol qaptaýy bolǵan kezde: avtokólik quraldarynyń salmaǵynan – 10%, avtokólik quraldarynyń dara bilikke túsken júktemesinen – 15%, júk, arnaıy beıimdelgen jáne arnaýly avtomobılderdiń, ózi aýdarǵyshtyń, avtobýstyń, tirkemelerdiń nemese jartylaı tirkemelerdiń bilikter sany úshten asatyn sabaqtas bilikke, qosarlanǵan jáne úshtik bilikterge túsken júktemesinen – 13% quraıdy.»;
8-tarmaqta:
1) tarmaqsha mynadaı redaksııada jazylsyn:
«1) júrip ótetin avtokólik quraldaryn tirkep, KDQ ATJ-ge tıisti málimetterdi jiberý;»;
6) tarmaqsha mynadaı redaksııada jazylsyn:
«6) derekterdi Qazaqstan Respýblıkasy Investısııalar jáne damý mınıstrligi Kólik komıtetiniń Ahýal ortalyǵynyń (budan ári – Ahýal ortalyǵy) KDQ ATJ-ge jiberý.».
9-tarmaqtyń 4) tarmaqshasy mynadaı redaksııada jazylsyn:
«4) avtokólik quraldarynyń salmaqtyq gabarıttik parametrleriniń asýy anyqtalǵan kezde avtokólik quraly týraly fotobeıne men aqparat buzýshylyqtar týraly esepti qalyptastyrý úshin KDQ ATJ-de saqtalady;».
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
Buıryq Qazaqstan Respýblıkasynyń Ádilet mınıstrliginde 2016 jylǵy 25 naýryzdaǵy Normatıvtik quqyqtyq kesimderdi memlekettik tirkeýdiń tizilimine №13530 bolyp engizildi.